ప్రేరేపించే జ్ఞానం (బుద్ది) మరియు ప్రేమ

మనల్ని ప్రేరేపించే అనేక అంశాలు ఉన్నాయి, కానీ అత్యంత శక్తివంతమైన ప్రేరణలలో ఒకటి భయం. కానీ భయం నిజంగా మంచి ప్రేరేణా? మరియు ప్రజలను ప్రేరేపించడానికి భయాన్ని ఉపయోగించడం అవసరమా?
"అగ్ని మరియు గంధకం" మీద సందేశం చెప్పడం వలన ప్రజలు మొదట పరిగెత్తవచ్చు, కానీ దీర్ఘకాలంలో, ఇది నిజంగా ప్రజలు పరిపక్వతకు కారణం కాకపోవచ్చు. బదులుగా, వారు భయం కారణంగా మాత్రమే వెనకడుగు వేయవచ్చు.

తల్లిదండ్రులుగా, అనిత మరియు నేను చాలా మంది తల్లిదండ్రుల మాదిరిగానే తరచూ సవాళ్లను ఎదుర్కొంటాము. అయితే, మేము ఇటీవల దేవుని ఆత్మచే ప్రభావితమైనట్లు భావించిన విషయం ఏమిటంటే, దీర్ఘకాలంలో మంచి ఎంపికలు చేసుకునేలా మన పిల్లలను ప్రేరేపించాలని మనం చూస్తున్నట్లయితే, భయం అనేది నిజంగా పని చేయదు.

మనం మన పిల్లలను భయం ఆధారంగా మాత్రమే ఖండిచినట్లైతే, చివరికి ఆ భయం అనేది పోవచ్చు. ఇంకా కలుపుతూ, మానవ స్వభావం ఎల్లప్పుడూ మనం ఏమి చేయకూడదని హెచ్చరించినా సరిగ్గా అదే చేయడానికి ఆసక్తిగా ప్రయత్నిస్తాడు. ఉదాహరణకు, వేడి ఇనుమును తాకవద్దని పిల్లలకి చెప్పండి; అతడు లేదా ఆమె చివరికి వెళ్లి దానినే ముట్టుకుంటారు. నేను చెప్పాలనుకుంటున్న విషయాన్ని మీరు పొందుకుంటున్నారని నేను ఆశిస్తున్నాను?

మరోవైపు, భయం కంటే జ్ఞానం లేదా బుద్ది చాలా మెరుగైన ప్రేరణ. నేను సంఘానికి లేదా నా పిల్లలకు కూడా బోధించేటప్పుడు, ఒక నిర్దిష్ట పనిని ఎందుకు చేయాలి అనే దానిపై దృష్టి పెట్టడానికి ప్రయత్నిస్తాను. దీనికి కొంత సమయం మరియు కృషిని తీసుకున్నప్పటికీ, ప్రజలు తమను తాము చూసుకునప్పుడు వినే అవకాశం ఉందని నేను తెలుసుకున్నాను. భయం స్వల్పకాలిక లాభాలను తీసుకురావచ్చు, కానీ జ్ఞానం ఎల్లప్పుడూ దీర్ఘకాలిక మరియు శాశ్వత లాభాలను తీసుకు వస్తుంది.

భయం, మరోవైపు, ఒక వ్యక్తిని హింసిస్తుంది మరియు తరచుగా ఖండిస్తుంది. అలాగే, మనము భయాన్ని ప్రేరేపణగా ఉపయోగించినప్పుడు, మీరు చూస్తున్న సమయం వరకు ప్రజలు మీ సూచనలను పాటించచవచ్చు, కానీ మీరు దాని నుండి నిష్క్రమించిన తర్వాత, వారు ముఖ్యమైనదిగా భావించే కార్యానికి తిరిగి వెళ్తారు.

2 తిమోతి 1:7 మనకు ఒక క్రైస్తవునిగా, దేవుడు శక్తియు, ప్రేమయు, ఇంద్రియ నిగ్రహమునుగల ఆత్మనే యిచ్చెను గాని పిరికితనము గల ఆత్మ నియ్యలేదు. పరిపూర్ణ ప్రేమ భయమును వెళ్లగొట్టును అని 1 యోహాను 4:18 చెబుతోంది. మీరు దేవుని ప్రేమ మరియు ఆయన నియమముపై ఎంత ఎక్కువగా దృష్టి సారిస్తే, మీరు భయాన్ని అంత మెరుగ్గా అధిగమించగలుగుతారు.

లేఖనం ఇలా సెలవిస్తుంది, "దేవుని ప్రేమికులు ఉత్తమ సలహాదారులను తయారు చేస్తారు. వారి మాటలు జ్ఞానాన్ని కలిగి ఉంటాయి మరియు అవి సరైనవి మరియు నమ్మదగినవి. (కీర్తనలు 37:30 TPT) మీరు దేవుని ప్రేమను వెంబడిస్తున్నప్పుడు, దైవ జ్ఞానం మీలో పనిచేయడం ప్రారంభిస్తుంది, అలాంటి జ్ఞానాన్ని దాటవేయలేము.

Bible Reading: 1 Samuel 1-3