ఇవ్వగలిగే కృప - 3

ప్రభువైన యేసయ్య ఎఫెసులో ఉన్న సంఘంతో మాట్లాడినప్పుడు ఈ సమస్యను గురించి ప్రస్తావించాడు. యేసు ఇలా అన్నాడు: "అయినను మొదట నీ కుండిన ప్రేమను నీవు వదిలితివని నేను నీ మీద తప్పు ఒకటి మోపవలసియున్నది. నీవు ఏ స్థితిలో నుండి పడితివో అది జ్ఞాపకము చేసికొని మారు మనస్సు పొంది ఆ మొదటి క్రియలను చేయుము" (ప్రకటన 2:4-5).

మన పట్ల ఆయనకున్న ప్రేమ ఎప్పటికీ మారదు కానీ అవును, ఇవ్వడం వల్ల ఆయన పట్ల మనకున్న ప్రేమ పెరుగుతుంది. ఒకటే సిధ్ధాంతం, "నీ ధన మెక్కడ నుండునో అక్కడనే నీ హృదయము ఉండును." (మత్తయి 6:21)

"మరియు అన్నిటియందు ఎల్లప్పుడును మీలో మీరు సర్వసమృద్ధిగలవారై ఉత్తమమైన ప్రతికార్యము చేయుటకు దేవుడు మీ యెడల సమస్త విధములైన కృపను విస్తరింపచేయగలడు" (2 కొరింథీయులకు 9:8)

మీరు ఇవ్వడం వల్ల మరొక కార్యం జరుగుతుంది అది ఏమిటంటే, అది మీ నీతిఫలములను స్థాపించడానికి సహాయపడుతుంది: "విత్తువానికి విత్తనమును తినుటకు ఆహారమును దయచేయు దేవుడు మీకు విత్తనము దయచేసి విస్తరింపచేసి, మీరు ప్రతి విషయములో పూర్ణౌదార్య భాగ్యముగల వారగునట్లు, మీ నీతిఫలములు వృద్ధి పొందించును" (2 కొరింథీయులకు 9:10).

క్రైస్తవులుగా మన జీవితాలు మన పరలోకపు తండ్రి స్వభావమును వర్ణించాలి, ఆయన తన అద్వితీయ కుమారుడు యేసయ్యను మన రక్షణ కొరకు ఇచ్చాడు: "దేవుడు లోకమును ఎంతో ప్రేమించెను. కాగా ఆయన తన అద్వితీయకుమారునిగా పుట్టిన వానియందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను" (యోహాను 3:16).

ఈ దీవెనలను పరిగణనలోకి తీసుకోండి, పొందుకోవడం కంటే ఇవ్వడం ఎక్కువ ఆశీర్వాదం అని మీరు నాతో ఏకీభవిస్తారని నేను ఖచ్చితంగా అనుకుంటున్నాను (అపొస్తలుల కార్యములు 20:35).