మీ ఆశీర్వాదాన్ని అభివృద్ధిపరిచే ఖచ్చితంగా మార్గం

వారు గొఱ్ఱెపిల్ల రక్తమును బట్టియు, తామిచ్చిన సాక్ష్య మునుబట్టియు వానిని జయించియున్నారు గాని, మరణము వరకు తమ ప్రాణములను ప్రేమించిన వారు కారు. (ప్రకటన 12:11)

యెహోవా మీ పట్ల చేసిన కార్యం గురించి మీరు మీ చుట్టూ ఉన్న ప్రజలతో చెప్పినప్పుడు, మీరు మీ సాక్ష్యాన్ని వారితో పంచుకుంటున్నారు.

కొంతమంది క్రైస్తవులు పాపభరితమైన మరియు భయంకరమైన జీవనశైలి నుండి విముక్తి పొందినట్లు నాటకీయ సాక్ష్యాలను కలిగి ఉంటారు. ఇతరలు చాలా నాటకీయమైన సాక్ష్యాలు ఉండకపోవచ్చు-అయితే, అవి దేవుని దృష్టిలో అంతే ముఖ్యమైనవి.

లేఖనంలో, అపొస్తలుడైన పౌలు తన కాలపు మత నాయకులతో యేసయ్య గురించి చెప్పడానికి తన సాక్ష్యాన్ని ఉపయోగించేవాడు. అతని మాటలు కనీసం మూడు సార్లు అపోస్తలుల పుస్తకంలో సువార్త ప్రచారం కోసం ఒక సాధనంగా చెప్పబడింది.

ఆ సమరయ స్త్రీ తన కుండ విడిచిపెట్టి ఊరిలోనికి వెళ్లి మీరు వచ్చి, నేను చేసిన వన్నియు నాతో చెప్పిన మనుష్యుని చూడుడి; ఈయన క్రీస్తు కాడా అని ఆ ఊరివారితో చెప్పగా వారు ఊరిలో నుండి బయలుదేరి ఆయన యొద్దకు వచ్చుచుండిరి. (యోహాను 4:28-30)

ఆమె సాక్ష్యం కారణంగానే చాలామంది ప్రభువైన యేసుక్రీస్తు వైపు ఆకర్షితులయ్యారు. ఇది మన సాక్ష్యము ఎంత ప్రాముఖ్యమైనదో తెలియజేస్తుంది.

వారి ప్రార్థనలకు అద్భుతమైన సమాధానాలు, దీవెనలు, అభివృద్ధి పొందిన వారు చాలా మంది ఉన్నారు, కానీ ఇప్పటికీ సాక్ష్యమివ్వలేదు. అలాంటి వారు తమను మొదట దీవించిన వ్యక్తికి మహిమ తీసుకురావడంలో విఫలమవుతారు. క్రైస్తవులుగా, దేవుడు మన జీవితంలో చేసిన దాని గురించి మాట్లాడటానికి మనం ఎప్పుడూ భయపడకూడదు లేదా సిగ్గుపడకూడదు.

యేసు ప్రభువు బయలుదేరడానికి పడవ ఎక్కబోతుండగా, దయ్యాల నుండి విడిపించబడిన వ్యక్తి యేసయ్యను ఇలా అడిగాడు, "నేను మీతో వెళ్లవచ్చా?" ఇక్కడ యేసయ్య ఇలా సమాధానమిచ్చాడు:

ఆయన వానికి సెలవియ్యక, "నీవు నీ యింటివారి యొద్దకు వెళ్లి, ప్రభువు నీయందు కనికరపడి, నీకు చేసిన కార్యములన్నిటిని వారికి తెలియజెప్పుమనెను. వాడు వెళ్లి, యేసు తనకు చేసిన వన్నియు దెకపొలిలో ప్రకటింపనారంభింపగా అందరు ఆశ్చర్యపడిరి." (మార్కు 5:19-20)

ఆ వ్యక్తి ప్రభువుకు విధేయత చూపినప్పుడు, అతడు పది నగరాలకు దీవెనకరంగా మారాడు - ఒక్కసారి గమనించండి. మీరు మీ సాక్ష్యాల ద్వారా ప్రభువును మహిమపరచినప్పుడు, ఆయన మీకు మరిన్ని సాక్ష్యాలను దయచేస్తాడు.

Bible Reading: Proverbs 2-6

తండ్రీ, నా జీవితంలో నీ సమస్త దీవెనలకు నేను నీకు కృతజ్ఞతస్తులు తెలుపుతున్నాను. నా చుట్టూ ఉన్న వారందరికీ నీ క్షేమము గురించి నేను తప్పకుండా సాక్ష్యమిస్తాను. దీన్ని చేయడానికి నాకు నీ కృపను దయచేయి. యేసు నామంలో. ఆమెన్.