దేవుని యొక్క 7 ఆత్మలు: యెహోవా యెడల భయభక్తులు గల ఆత్మ

మీకు తెలిసినట్లుగా, మనము యెషయా 11:2లో పేర్కొబడిన ప్రభువు యొక్క ఏడు ఆత్మలను గురించి అధ్యయనం చేస్తున్నాము.
యెహోవా ఆత్మ జ్ఞాన వివేకములకు ఆధారమగు ఆత్మ 
ఆలోచన బలములకు ఆధారమగు ఆత్మ తెలివిని 
యెహోవా యెడల భయభక్తులను పుట్టించు ఆత్మ అతని మీద నిలుచును (యెషయా 11:2)

ఈ రోజు మనం పరిశుద్ధాత్మ తనకు తాను ప్రభువు యందు భయభక్తులు గల ఆత్మగా ఎలా వెల్లడిస్తాడో దాని గురించి అధ్యయనం చేయబోతున్నాం. యెషయా 11లోని "భయం" అనే పదానికి ప్రభువు పట్ల పరిశుద్ధమైన భయం మరియు వినయం అని అర్థం. ప్రభువు యందు భయభక్తులు గల ఆత్మను భక్తి యొక్క ఆత్మ అని కూడా సూచిస్తారు. (కీర్తనలు 111:9)

నేను ఒకరోజు చిన్న పిల్లవానిగా ఉన్నప్పుడు తమాషాగా శబ్దం చేసే మరియు వాటిపై లైట్లు పడే బూట్లు ధరించినట్లు గుర్తు. నేను వాటితో చాలా ఉత్సాహంగా ఉన్నాను, యాజకుడు ప్రార్థనలు చేస్తున్నప్పుడు నేను చర్చి అంతా తిరుగుతున్నాను. మా అమ్మ ఎక్కడి నుంచో వచ్చి, నా వెనుక వైపు సున్నితంగా చిటికె వేసి, నేను జీవితాంతం మరచిపోలేనిది నాతో చెప్పింది. ఆమె ఇలా చెప్పింది, "కుమారుడా, దేవుడు మరియు ఆయన సన్నిధి పట్ల ఎల్లప్పుడూ లోతైన భక్తిని కలిగి ఉండాలని గుర్తుంచుకో. అలా చేస్తే దేవుడు ఎప్పుడూ నీకు దగ్గరగా ఉంటాడు."

ప్రభవు యందు భయభక్తులు గల ఆత్మ యొక్క వ్యక్తీకరణలలో ఒకటి, ఆయన ఒక స్థలంలోకి లేదా ఒక వ్యక్తిపైకి వచ్చినప్పుడు, ఆయన దేవుని పట్ల లోతైన భక్తిని తెలియజేస్తాడు. ప్రజలు అకస్మాత్తుగా విస్మయంతో మోకాళ్లపై పడతారు, కొన్నిసార్లు వారి ముఖాల్లో కన్నీళ్లు రాళ్ళుతాయి.

కొన్నేళ్లుగా, ఎప్పుడో వాలా మనసుకు నచ్చిన విధంగా సంఘ సభలో పాల్గొనే వ్యక్తులను నేను చూశాను. ఆరాధన జరుగుతున్నప్పుడు, కొందరు తమ సోషల్ మీడియా ఖాతాలను తనిఖీ చేయడం, వారి ఇమెయిల్‌లను తనిఖీ చేయడంలో బిజీగా ఉంటారు. అలాంటి అసభ్య వైఖరిని దేవుడు ఎన్నటికీ సహించడు.

ప్రభువు యందు భయభక్తులు గల ఆత్మ ఒక వ్యక్తిపై నిలిచినప్పుడు, అలాంటి వ్యక్తి వినయంతో నడుచుకుంటాడు. అపొస్తలుడైన పౌలు ఇలా అన్నాడు, "దేవునియందు భయభక్తులు కలిగి ఒకరికొకరు లోబడి యుండుడి" (ఎఫెసీయులకు 5:21) జాగ్రత్తగా గమనించండి, ప్రభువు యందు భయభక్తులు గల ఆత్మ సన్నిధి లేకుండా మనల్ని మనం ఒకరికొకరు లోబడి యుండడం జరగదు. స్వభావరీత్యా మానవులు ఎవరికీ లోబడి ఉండకూడదనుకుంటారు. తిరుగుబాటు మనకు సహజంగానే వస్తుంది. సంక్షిప్తంగా, ప్రభువు యందు భయభక్తులు గల ఆత్మ మనకు దేవుని పట్ల భయాన్ని ఇస్తుంది, అది మనలను వంకర లేని మరియు ఇరుకైన మార్గంలో ఉంచుతుంది.

పరిశుద్ధాత్మ తనకు తాను ప్రభువుకు యందు భయభక్తులు గల ఆత్మగా వెల్లడిపరచినప్పుడు, మనం ఆయనను ఆదరిస్తాము, ఆయన పట్ల భయభక్తులు కలిగి ఉంటాము, పరిశుద్దాత్మ మార్గంలో ఆయన యందు భయము కలిగి ఉంటాము - మరియు ప్రతి సమయంలో ఆయన యందు ఆనందిస్తాము.

పరిశుద్దాత్మ దేవా, ఈ రోజు ప్రభువు యందు భయభక్తులు గల ఆత్మగా నాలో ప్రత్యక్షమగు. నీ పట్ల పరిశుద్ధమైన వినయము మరియు భక్తితో నన్ను నింపుము. నన్ను నేను నీకు పూర్తిగా అప్పగించుకుంటున్నాను. యేసు నామంలో. ఆమెన్