దయాళుత్వము చాలా ముఖ్యమైనది

కాగా, దేవుని చేత ఏర్పరచబడిన వారును పరిశుద్ధులును ప్రియులునైన వారికి తగినట్లు, మీరు జాలిగల మనస్సును, దయాళుత్వమును, వినయమును, సాత్వికమును, దీర్ఘశాంత మును ధరించుకొనుడి. (కొలొస్సయులు 3:12)

"సందర్భం కోసం ధరించుట" అనే పదబంధాన్ని మీరు ఎప్పుడైనా విన్నారా? కుటుంబంలో లేదా ఆఫీసులో ఏదైనా ప్రత్యేక సందర్భం ఉంటే, మనము తగిన దుస్తులు ధరించేలా చూసుకుంటాం. అదేవిధంగా, అపొస్తలుడైన పౌలు అనుదినము మనం దయాళుత్వముతో మనల్ని ధరించుకోవల్సిన అవసరం ఉందని గుర్తుచేస్తున్నాడు.

దయాళుత్వము కేవలం మాటల కంటే ఎక్కువైనది. ఇది మంచి భావోద్వేగము కంటే ఎక్కువైనది. ఇది ప్రేమ యొక్క ఆచరణాత్మక ప్రదర్శన. నిజమైన దయాళుత్వము అనేది ఆత్మ ద్వారా ఉత్పత్తి అవుతుంది (గలతీయులు 5:22 చూడండి).

ఆదికాండము 8:22 లో కనిపించే విత్తనకాలము మరియు కోతకాలము కారణంగా మీరు సన్నిహితంగా ఉండే వ్యక్తులతో దయాళుత్వము చూపడానికి ఒక మంచి కారణం ఉంది,

"భూమి నిలిచియున్నంతవరకు వెదకాలమును కోతకాలమును 
శీతోష్ణములును వేసవి శీత కాలములును రాత్రింబగళ్లును 
ఉండక మానవని తన హృద యములో అనుకొనెను."

భూమి ఉన్నంత కాలం (మరియు చాలా కాలం), విత్తడము మరియు పంట కోయుట అనే పద్దతి అలాగే ఉంటుంది - ఇది సహజ మరియు ఆధ్యాత్మిక రంగంలోను ఉంటుంది.

విత్తనకాలము మరియు కోతకాలము పద్దతి ప్రకారం మనం కలుసుకున్న వ్యక్తులతో మనం దయాళుత్వముతో ఉన్నప్పుడు, ఎవరైనా తప్పకుండా మన పట్ల కూడా దయతో వ్యవహరిస్తారు - తప్పనిసరిగా మనం దయ చూపిన వ్యక్తే కాకపోవచ్చు.

సామెతలు 11:17 మనకు ఇలా సెలవిస్తుంది, "దయగలవాడు తనకే మేలు చేసికొనును క్రూరుడు తన శరీరమునకు బాధ తెచ్చుకొనును" కాబట్టి మీరు దయతో ఉన్నప్పుడు, మీ స్వంత ప్రాణం మెరుగుపరచబడింది. మీరు కూడా ఏదో ఒక విధంగా ప్రయోజనం పొందుతారు.

దావీదు మరియు అతని జనులు అమాలేకీయులను వెంబడిస్తుండగా, వారికి ఒక ఐగుప్తీయుడు పొలంలో కనబడెను, అతడు అనారోగ్యానికి గురైనందున అతనిని అమాలేకీయుడైన యజమానుడు వదిలిపెట్టాడు. అతడు చాలా దీన స్థితిలో ఉన్నాడు, ఎందుకంటే అతడు మూడు రాత్రింబగళ్లు అన్నపానము లేమియు పుచ్చు కొనలేదు. (1 సమూయేలు 30:11-12)

'నా దారిని నాది' గురించి మాత్రమే ఆలోచించే లోకములో, దయ నిలుస్తుంది మరియు ఎల్లప్పుడూ ఇతరుల మంచిని కోరుకుంటుంది. దావీదు మరియు అతని జనులు ఆ వ్యక్తి పట్ల దయను చూపించారు మరియు అతడిని ఆరోగ్యంగా చూసుకున్నారు. దావీదు మరియు అతని జనులు అమాలేకీయులు తమ నుండి దొంగిలించినవన్నీ తిరిగి పొందడంలో దావీదుకు సహాయపడి మరియు కీలకమైన సమాచారాన్ని అందించిన వ్యక్తే ఇతను. (1 సమూయేలు 30:13-15)

దయ మరియు పునరుద్ధరణ సిధ్ధాంతం చాలా లోతుగా ముడిపడి ఉన్నాయి. ఈ సత్యాన్ని నుండి వైదొలగవద్దు.

చివరిగా, మన దయ మన తండ్రి హృదయాన్ని ప్రతిబింబిస్తుంది. "ఒకని యెడల ఒకడు దయగలిగి కరుణాహృదయులై క్రీస్తు నందు దేవుడు మిమ్మును క్షమించిన ప్రకారము మీరును ఒకరినొకరు క్షమించుడి" (ఎఫెసీయులు 4:32).