జయించే విశ్వాసం

దేవుని మూలముగా పుట్టినవారందరును లోకమును జయించుదురు; లోకమును జయించిన విజయము మన విశ్వాసమే, యేసు దేవుని కుమారుడని నమ్ము వాడు తప్ప లోకమును జయించువాడు మరి ఎవడు? (1 యోహాను 5:4-5)

ప్రకటన 2 మరియు 3 అధ్యాయాలలో, యేసు ప్రభువు ఏడు సంఘాల గురించి సంబోధిస్తాడు. ప్రతి సంఘంలో, జయించే వారందరికీ ఒక వాగ్దానం ఉంది. మీతో చాలా నిజాయితీగా చెపుతున్నాను, ఈ వాగ్దానాల వల్ల నేను కొంతవరకు భయపడ్డాను ఎందుకంటే అవి సహజముగా కొంత షరతులతో కూడుకున్నవని నేను అనుకున్నాను.

ఒకసారి గమనించండి:
చెవిగలవాడు ఆత్మ సంఘములతో చెప్పుచున్నమాట వినునుగాక. జయించు వానికి దేవుని పరదైసులో ఉన్న జీవవృక్ష ఫలములు భుజింపనిత్తును. (ప్రకటన 2:7)

జయించువాడు రెండవ మరణమువలన ఏ హానియుచెందడు. (ప్రకటన 2:11)

జయించువానికి మరుగైయున్న మన్నాను భుజింప నిత్తును. మరియు అతనికి తెల్లరాతినిత్తును (ప్రకటన 2:17)

నేను నా తండ్రి వలన అధికారము పొందినట్టు జయించుచు, అంతము వరకు నా క్రియలు జాగ్రత్తగా చేయువానికి జనుల మీద అధికారము ఇచ్చెదను. (ప్రకటన 2:26)

జయించువాడు ఆలాగున తెల్లని వస్త్రములు ధరించుకొనును; జీవ గ్రంథములోనుండి అతని పేరెంతమాత్రమును తుడుపు పెట్టక..... (ప్రకటన 3:5)

జయించు వానిని నా దేవుని ఆలయములో ఒక స్తంభముగా చేసెదను (ప్రకటన 3:12)

జయించువానిని నాతో కూడ నా సింహాసనము నందు కూర్చుండనిచ్చెదను. (ప్రకటన 3:21)

అయితే, నేను 1 యోహాను 5:4-5 చదివినప్పుడు, అది నా ఆత్మకు స్వేచ్ఛనిచ్చింది. విజేతగా జాబితా చేయబడటానికి అర్హత అంటే యేసు క్రీస్తు యొక్క పరిపూర్ణమైన పనిపై మన విశ్వాసాన్ని ఉంచడం అని అర్థం చేసుకున్నాను. మనందరి కోసం యేసు శిలువపై చేసినదానినికై కలపడానికి లేదా తీసివేయడానికి మీరు మరియు నేను ఏమీ చేయలేము.

'జయించడం' అనేది ఒక శక్తివంతమైన పదం, మరియు దేవుని బిడ్డలుగా, మనం జయించడానికి పిలువబడ్డాము. యేసుక్రీస్తు యొక్క మరణం మరియు పునరుత్థానం మనకు ఈ లోకములో జయించినట్లుగా జీవించే శక్తిని ఇచ్చాయి.