దేవదూతల సైన్యం మన పక్షమున ఉన్నారు

ఈ అంత్య దినాలలో, చాలా మంది కఠినమైన సమయాలను ఎదుర్కొంటున్నారు. మీ జీవితం, ఉద్యోగం లేదా వ్యాపారానికి సంబంధించిన క్లిష్ట పరిస్థితి లేదా కొన్ని అనిశ్చితుల గురించి మీరు ప్రార్థిస్తూ ఉండవచ్చు. నేటి సందేశం మీ పరిస్థితిలో అభివృద్ధిని తెస్తుందని నేను నమ్ముతున్నాను.

ఆదికాండము 32 చదివినప్పుడు, యాకోబు ఒక ప్రయాణంలో ఉన్నాడు. అతని కుటుంబం ఏమవుతుందో అతనికి తెలియదు. అతడు తెలియని వారిని గురించి ఎదుర్కొంటున్నప్పుడు, అతడు భయపడ్డాడు.

యాకోబు తన త్రోవను వెళ్లుచుండగా దేవదూతలు అతనిని ఎదుర్కొనిరి. యాకోబు వారిని చూచి, 'ఇది దేవుని సేన' అని చెప్పి ఆ చోటికి మహనయీము అను పేరు పెట్టెను. (ఆదికాండము 32:1-2)

"మహనయీము" పేరు అంటే "రెండింతల సైన్యం". యాకోబు, అతని కుటుంబం మరియు ఆస్తులు అక్కడ విడిది చేయబడ్డాయి, అలాగే అక్కడ దేవదూతల సైన్యం కూడా ఉంది.

బహుశా, యాకోబు లాగా, మీరు ఏదో ఒక మార్గంలో ఉన్నారు. లేదా, మీ ప్రస్తుత పరిస్థితి గురించి దేవుడు మీతో మాట్లాడాలనుకుంటున్నాడు.

ప్రభువు మీతో ఇలా మాట్లాడుతున్నాడని నేను నమ్ముతున్నాను, "ఇది రెండంతల సైన్య సమూహము. నేను నీకై దేవదూతలను ఆజ్ఞాపించాను, వారు మీ చుట్టూ మరియు మీ తరపున కార్యం చేస్తున్నారు. దయచేసి మీ ఆత్మీయ మనిషిలో ఈ ప్రత్యేక్షతాన్ని పొందుకోండి.

ఒక రోజు శత్రు దళాలు ఏలీషా మరియు అతని సేవకుని చుట్టుముట్టాయి. ఏలీషా ప్రవచనాత్మంగా సెలవిచ్చాడు, "అతడు-భయపడవద్దు, మన పక్షమున నున్నవారు వారికంటె అధికులై యున్నారని చెప్పెను. (2 రాజుల 6:16) ఏలీషా సేవకుడు వేలాది మంది దేవదూతలు తమ చుట్టూ ఉన్నారని చూసినప్పుడు ఇది జరిగింది

మీరు వదులుకునే అంచున ఉన్నట్లయితే, ఆటుపోట్లు మారబోతున్నాయని నేను మీకు సెలవిస్తున్నాను.

ప్రతి ప్రార్థన అంశము తప్పనిసరిగా కనీసం 2 నిమిషాలు మరియు అంతకంటే ఎక్కువ ప్రార్థన చేయాలి.

వ్యక్తిగత ఆధ్యాత్మిక వృద్ధి

నా పక్షమున నున్నవారు వారికంటె అధికులై యున్నారు. (రోజంతా ఇలా చెబుతూ ఉండండి)

కుటుంబ రక్షణ

పరిశుద్దాత్మ, నా కుటుంబంలోని ప్రతి సభ్యునికి ఎలా పరిచర్య చేయాలో ప్రత్యేకంగా నాకు చూపించు. ప్రభువా నాకు అధికారం దయచేయి. సరైన సమయంలో నీ గురించి పంచుకోవడానికి అవకాశాలను బహిర్గతం చేయి. యేసు నామములో. ఆమెన్.

ఆర్థిక అభివృద్ధి

నేను విత్తిన ప్రతి విత్తనమును యెహోవా జ్ఞాపకముంచుకొనును గాక. కాబట్టి, నా జీవితంలో అసాధ్యమైన ప్రతి పరిస్థితిని యెహోవా తిప్పిస్తాడు. యేసు నామములో.

KSM చర్చి పెరుగుదల

తండ్రీ, యేసు నామములో, ప్రతి మంగళ/గురు & శనివారాల్లో వేలాది మంది KSM ప్రత్యక్ష ప్రసారాలను చూడాలని నేను ప్రార్థిస్తున్నాను. వారిని మరియు వారి కుటుంబాలను నీ వైపు మళ్లించు. వారు నీ అద్భుతాలను అనుభవించుదురు గాక. నీ పేరు మహిమపరచబడునట్లు వారికి సాక్ష్యమివ్వుము.

దేశం

తండ్రీ, యేసు నామములో, భారతదేశంలోని ప్రతి నగరం మరియు రాష్ట్రంలోని ప్రజల హృదయాలు నీ వైపు మళ్లాలని నేను ప్రార్థిస్తున్నాను. వారు తమ పాపాలకు పశ్చాత్తాపపడి యేసును తమ ప్రభువు మరియు రక్షకునిగా ఒప్పుకుందురు

దేవదూతల సైన్యం మన పక్షమున ఉన్నారు

Most Read