సాతాను మిమ్మల్ని ఎక్కువగా అడ్డుకునే ఒక రంగం

ఫరో మోషేను పిలిపించి, "మీరు వెళ్లి యెహోవాను సేవించుడి. మీ మందలు మీ పశువులు మాత్రమే ఇక్కడ ఉండవలెను, మీ బిడ్డలు మీతో వెళ్లవచ్చును" అని చెప్పెను. (నిర్గమకాండము 10:24)

ఫరో మోషేను పిలిచి, వెళ్లి యెహోవాను సేవించమని చెప్పాడు. పరిస్థితిని బట్టి చూస్తే, ఇక్కడ ఫరో చివరకు వెనుకడుగు వేసి, ఓటమిని అంగీకరిస్తున్నట్లు కనిపిస్తోంది. అయితే, మీరు దగ్గరగా గమనించినట్లైతే, ఫరో మందలను మరియు పశువులను తన వెంట ఉంచుకున్నాడు.

కారణం ఏమిటంటే, యెహోవాను ఆరాధించే ఇశ్రాయేలీయుల సామర్థ్యాన్ని ఫరో తగ్గించాలనుకున్నాడు. కాబట్టి మోషే మళ్లీ రాజీ పడేందుకు నిరాకరించాడు.

మీరు యోబు 1 చదివగలిగితే, అక్కడ మళ్ళీ, శత్రువు మొదటిగా పశువులను దాడి చేసినట్లు చూడగలము. దీనికి కారణం ఏమిటంటే, యోబు ప్రతిరోజూ ఉదయం ఆరాధనకు ప్రతీకగా దేవునికి దహనబలులు అర్పించేవాడు. పశువులు లేకపోతే, యోబు దేవుణ్ణి ఎలా ఆరాధించగలడు?

దేవుని ఆరాధించడానికి ఈ రోజు మనకు ఎద్దులు మరియు మేకలు అవసరం లేదని అందును బట్టి నేను దేవునికి కృతజ్ఞతస్తులు తెలుపుచున్నాను. ప్రభువైన యేసు, తన ఏకైక సంపూర్ణ త్యాగం ద్వారా, ముసుగును తెరిచాడు, తద్వారా ఇప్పుడు మనం దేవుని సన్నిధిలోకి ప్రవేశించవచ్చు.

 ఒక్క అర్పణచేత ఈయన పరిశుద్ధపరచబడు వారిని సదాకాలమునకు సంపూర్ణులనుగా చేసియున్నాడు. (హెబ్రీయులకు 10:14)

దేవుడు కోరుకునేది ఏదైనా ఉంటే ఆరాధన. యోహాను 4:23 మనకు సెలవిస్తుంది , "అయితే యథార్థముగా ఆరాధించువారు ఆత్మతోను ,సత్యముతోను తండ్రిని ఆరాధించు కాలము వచ్చుచున్నది; అది ఇప్పుడును వచ్చేయున్నది; తన్ను ఆరాధించువారు అట్టివారే కావలెనని తండ్రి కోరుతున్నాడు."

దేవుడు అన్నిటికంటే ఎక్కువగా కోరుకునేది ఇదే; ఇదే మనకు అనుకుల సమయం ఆయన సన్నిధిని వెతకడానికి. మరియు శత్రువు (దుష్టుడు) ప్రభువును ఆరాధించకుండా మిమ్మల్ని అడ్డుకోవడానికి వాడు చేయగలిగినదంతా చేస్తాడు. అపొస్తలుడైన పౌలు శత్రువు యొక్క కుయుక్తులను మనం తప్పక తెలుసుకోవాలని హెచ్చరించాడు (2 కొరింథీయులు 2:11 చూడండి).

గర్వం (అహంకారం)
సత్యారాధనకు అహంకారం కంటే మరేదీ అడ్డుకాదు. ఒకడు మెలకువగా లేకుంటే, తన వినయం గురించి కూడా గర్వపడవచ్చు. కొందరు క్రైస్తవులు దేవుడు తమను ఉపయోగిస్తున్న విధానాన్ని చూసి గర్వపడతారు.శయేసును దాని మీద కూర్చోబెట్టి యెరూషలేంలోకి ప్రవేశించిన గాడిదను మనం ఎల్లప్పుడూ గుర్తుంచుకోవాలి.

మన సంపదతో దేవుడని ఆరాధించడంలో విఫలమవడం
సామెతలు 3:9-10లో, మనం ఈ ఆదేశాన్ని కనుగొంటాము, నీ రాబడి అంతటిలో ప్రథమ ఫలమును నీ ఆస్తిలో భాగమును ఇచ్చి యెహోవాను ఘన పరచుము. అప్పుడు నీ కొట్లలో ధాన్యము సమృద్ధిగా నుండును నీ గానుగులలో నుండి క్రొత్త ద్రాక్షారసము పైకి పొరలి పారును.

ఇశ్రాయేలీయులు తమ దేవుణ్ణి ఆరాధించడానికి రిక్తహస్తాలతో ఐగుప్తు నుండి బయటకు వెళ్లడాన్ని ఫరో పట్టించుకోలేదు, ఐగుప్తులో వారి ఆస్తులన్నింటినీ వదిలివేసాడు.

పాత నిబంధన ప్రకారం, దేవుని ఆరాధించడానికి తన సంపద నుండి తన చేతుల్లో ఎటువంటి బహుమతి లేదా అర్పణ లేకుండా ఎవరైనా తన ముందుకు వట్టి చేతులతో రాకూడదని దేవుడు నిషేధించాడు. దేవుడు ఆజ్ఞాపించాడు, "ఎవరూ వట్టి చేతులతో నా సన్నిధిలో కనిపించకూడదు." (నిర్గమకాండము 34:20).

మన సంపదతో దేవుణ్ణి ఆరాధించడం వల్ల మనకు ఉన్న అన్నింటికీ దేవుడే మూలమని మరియు ఆయన మొదటగా మనకు ఇచ్చిన వాటికి మనం నిర్వాహకులమని అంగీకరిస్తాము. ఇక్కడే ఎక్కువ మంది క్రైస్తవులు పోరాడుతున్నారు.