ఆర్థిక పరిస్థితి నుండి ఎలా బయటపడాలి#1

ఒక పాస్టర్గా, ప్రజలు తరచూ నా వద్దకు వచ్చి వారి ఆర్థిక అభివృద్ధి కోసం ప్రార్థించమని నన్ను అడుగుతారు. తరచుగా వినే ఒక ప్రశ్న "పాస్టర్ గారు; నా డబ్బు ఎక్కడికి పోతుందో నాకు తెలియడం లేదు".

ఆదాయ స్థాయి ఏమైనప్పటికీ, "నాకు కొంచెం ఎక్కువ ఉంటే, నా ఆర్ధిక వ్యవస్థతో నేను నిజంగా సంతృప్తి చెందుతాను", అని చాలా మంది చెప్పడం నేను విన్నాను. నిజం ఏమిటంటే, మనం ఎంత సంపాదించాలో దానితో సంబంధం లేదు, కానీ మన వద్ద ఉన్నదాన్ని ఎలా నిర్వహించాలో దీనికి చాలా సంబంధం ఉంది.

ఆర్థిక ఆరోగ్యం చాలా ముఖ్యం ఎందుకంటే ఇది మన గృహాలు, మన వివాహాలను మరియు మన ఆధ్యాత్మిక జీవితం యొక్క వాతావరణాన్నిచాలా వరకు ప్రభావితం చేస్తుంది.

ఆర్థిక సమస్యలపై చాలా వివాహాలు విడిపోయాయి. చాలా మంది ఆర్థిక సమస్యల వల్ల తమ పిలుపులను వదులుకున్నారు.

కాబట్టి, మన వ్యక్తిగత, తాత్విక మరియు భావోద్వేగ సమస్యలు మరియు బలాలు మన డబ్బు వాడకంలో ప్రతిబింబిస్తాయి. డబ్బును నిర్వహించడం ఆధ్యాత్మిక అంశం అని మనం గుర్తించాలి.

ఎవరో ఇలా అన్నారు, "మీరు అతని యొక్క చెక్ బుక్ లేదా అతని క్రెడిట్ కార్డ్ స్టేట్మెంట్లను చూడటం ద్వారా ఒక పురుషుని లేదా స్త్రీ యొక్క ఆధ్యాత్మిక పరిపక్వతను తెలియజేయవచ్చు. సరే, మీది ఎలా కనిపిస్తుంది? ఇది మీ వ్యక్తిగత ప్రతిబింబం కోసం ఒక ప్రశ్న.

ప్రభువైన యేసు మరే ఇతర విషయాల గురించి చెప్పిన దానికంటే డబ్బు గురించి ఎక్కువగా మాట్లాడాడని మీకు తెలుసా? కొంత మంది బైబిల్ పండితులు ఇలా అంటారు, "యేసు చెప్పిన అన్ని వాక్యాలలో 15 శాతం డబ్బు విషయమే" - పరలోకం మరియు నరకం గురించి ఆయన బోధించిన దానికంటే ఎక్కువ.

యేసుకు డబ్బు ఎందుకు అంత ముఖ్యమైనది? ఎందుకంటె! డబ్బు ఒక ఆధ్యాత్మిక అంశం.

వర్తమాన మరియు గతంలోని మన దగ్గర ఉన్నవన్నీ దేవుని నుండి వచ్చినవే. ఆయన దానిని కలిగి ఉన్నాడు మరియు ఆయన తన ప్రయోజనాల కోసం ఉపయోగించమని మనకు అప్పగించాడు. దావీదు ఈ రహస్యాన్ని అర్థం చేసుకుని, (1 దినవృత్తాంతములు 29:14), "సమస్తమును నీవలననే కలిగెను గదా? నీ స్వసంపాద్యములో కొంత మేము నీకిచ్చి యున్నాము" అని ప్రార్థించాడు. 

ఇది తెలుసుకోవడం మరియు నమ్మడం ఆర్థిక స్వేచ్ఛ వైపు అత్యంత కీలకమైన అడుగు. (యోహాను 8:32) దేవుడు ఇవన్నీ కలిగి ఉన్నాడు, మరియు ఆయన తన సమృద్ధి నుండి మనకు ఇస్తాడు.

మనము ఆశీర్వదించబడిన మరియు ఆశీర్వదించబడాలని కోరుకునే మన వనరులు నిజంగా ఎక్కడ నుండి వచ్చాయో గుర్తుంచుకోవాలి మరియు దేవుడు మనకు ఇచ్చిన డబ్బుతో మహిమపరచడానికి ఎల్లప్పుడూ మార్గాలను వెతకాలి. ఇది ప్రవాహాన్ని ప్రవహించేలా చేస్తుంది.

Bible Reading: Psalms 118-119

తండ్రీ దేవా, ఈ రోజు నా తలను సంమృద్ది నూనెతో అభిషేకించు మరియు నా ప్రతి ఆర్థిక పాత్ర నీ సంమృద్దితో పొంగిపోర్లనివు. యేసు నామంలో. తండ్రీ దేవా, నన్ను సరైన వ్యక్తులతో అనుసంధానించు, అది నా విధికి కారణమవుతుంది. యేసు నామంలో. దేవుడు ఇచ్చిన ప్రతి లక్ష్యాలను మరియు నా కలలను నేను సాధిస్తానని అంగీకరిస్తున్నాను. యేసు నామంలో, నా జీవితంలో పేదరికం యొక్క ప్రతి మూలాన్ని దేవుని అగ్ని ద్వారా నాశనం అవునుగాక అని నేను ఆజ్ఞాపిస్తున్నాను.