ನೀವು ನಂಬಿಕೆದ್ರೋಹವನ್ನು ಅನುಭವಿಸಿದ್ದೀರಾ?

"ನನ್ನನ್ನು ದೂಷಿಸುವವನು ವೈರಿಯಾಗಿದ್ದರೆ ತಾಳಿಕೊಂಡೇನು; ನನ್ನನ್ನು ತಿರಸ್ಕರಿಸಿ ಉಬ್ಬಿಕೊಳ್ಳುವವನು ದ್ವೇಷಿಯಾಗಿದ್ದರೆ ಅಡಗಿಕೊಂಡೇನು.ಆದರೆ ನೀನು ನನಗೆ ಸ್ವಕೀಯನೂ ಆಪ್ತವಿುತ್ರನೂ ಅಲ್ಲವೇ. ನಾವು ಪರಸ್ಪರವಾಗಿ ರಸಭರಿತ ಸಂಭಾಷಣೆ ಮಾಡುತ್ತಾ ಭಕ್ತಸಮೂಹದೊಡನೆ ದೇವಾಲಯಕ್ಕೆ ಹೋಗುತ್ತಿದ್ದೆವಲ್ಲಾ."(ಕೀರ್ತನೆ 55:12-14)

ಈ ಮಾತುಗಳು ಯೂದ ಇಸ್ಕರಿಯೋತನಿಂದ ಕರ್ತನಾದ ಯೇಸುವಿಗೆ ಆಗುವ ದ್ರೋಹದ ಕುರಿತು ಮೆಸ್ಸೀಯನ ಕುರಿತ ಪ್ರವಾದನೆಯಾಗಿದೆ. ಆದರೆ ಯೇಸುವಿಗೆ ದ್ರೋಹ ಬಗೆದದ್ದು ಯೂದ ಮಾತ್ರ ಅಲ್ಲ. ಆತನ ಶಿಷ್ಯರೂ ಸಹ, ಅವರುಗಳೆಲ್ಲ ತಮ್ಮ ಜೀವ ಭಯದಿಂದ ಆತನನ್ನು ಬಿಟ್ಟು ಓಡಿಹೋದರು. ಯೇಸುವಿನ ಆತ್ಮೀಯ ಶಿಷ್ಯರಲ್ಲಿ ಒಬ್ಬನಾದ ಪೇತ್ರನು ಯೇಸುವಿನೊಂದಿಗೆ ನನಗೆ ಯಾವುದೇ ರೀತಿ ಸಂಬಂಧವಿಲ್ಲ ಎಂದು ಸಂಪೂರ್ಣವಾಗಿ ನಿರಾಕರಿಸಿಬಿಟ್ಟನು.

ಆಗ ಯೇಸು ಸಹಿಸಿಕೊಂಡಿದ್ದಂತಹ ಆಳವಾದ ನೋವು, ಸಂಕಟ , ಒಂಟಿತನವನ್ನು ಊಹಿಸಿಕೊಳ್ಳುವುದಕ್ಕೂ ಕಷ್ಟ. ನಮ್ಮಲ್ಲಿ ಅನೇಕರು ಇದೇ ರೀತಿಯ ನಂಬಿಕೆ ದ್ರೋಹವನ್ನು ಎದುರಿಸಿದ್ದೇವೆ. ಬಹಳ ಆತ್ಮೀಯರಾದ ಯಾರಿಂದಾದರೂ ದ್ರೋಹವಾದರೆ ಅದು ಇನ್ನಷ್ಟು ನೋವನ್ನು ಕೂಡಿಸುತ್ತದೆ ಇದು ಸಂಭವಿಸಿದಾಗ, ನಾವು ನಮ್ಮ ಹಕ್ಕುಗಳನ್ನು, ನಮ್ಮ ದೃಷ್ಟಿಕೋನವನ್ನು ರಕ್ಷಿಸಿಕೊಳ್ಳಲು ಎದ್ದು ನಿಲ್ಲಲು ಬಯಸುತ್ತೇವೆ. ಅದನ್ನು ಸರಿದೂಗಿಸಲು ನಾವು ತೀವ್ರವಾಗಿ ಹೋರಾಡುತ್ತೇವೆ. ಕೆಲವೊಮ್ಮೆ, ನಾವು ಮೌನವಾಗಿ ಒಳಗಿನಿಂದ ಮುರಿದುಹೋಗುತ್ತೇವೆ.

ನಮಗೆ ಪರಿಪೂರ್ಣ ಮಾದರಿಯಾಗಿರುವ ಯೇಸುವಿನ ಮೂಲಕ, ಈ ನಂಬಿಕೆದ್ರೋಹದಿಂದ ಉಂಟಾದ ನೋವನ್ನು ಹೇಗೆ ನಿಭಾಯಿಸುವುದು ಎಂಬುದರ ಕುರಿತು ನಾವು ಸರಿಯಾದ ಮಾದರಿಯನ್ನು ಕಲಿಯಬಹುದು. ನಂಬಿಕೆ ದ್ರೋಹವನ್ನು ಜಯಿಸಲು ಯೇಸುವಿನ ಬೋಧನೆಗಳಿಂದ ತತ್ವಗಳು ಇಲ್ಲಿವೆ.

#1 ನಿಮ್ಮ ಹೃದಯವನ್ನು ಬಹು ಜಾಗರೂಕತೆಯಿಂದ ಕಾಪಾಡಿಕೊಳ್ಳಿ.

" ನಿನ್ನ ಹೃದಯವನ್ನು ಬಹು ಜಾಗರೂಕತೆಯಿಂದ ಕಾಪಾಡಿಕೋ; ಅದರೊಳಗಿಂದ ಜೀವಧಾರೆಗಳು ಹೊರಡುವವು.(ಅದರಿಂದಲೇ ನಿನ್ನ ಎಲ್ಲಾ ಕಾರ್ಯಗಳು ನಡೆಯುವಂತದ್ದು) (ಜ್ಞಾನೋಕ್ತಿ 4:23 )(NLT)

ನಂಬಿಕೆ ದ್ರೋಹವು ನಿಮ್ಮ ಭಾವನೆಗಳನ್ನು ನೋಯಿಸುವುದಲ್ಲದೆ, ಅದು ನೇರವಾಗಿ ನಿಮ್ಮ ಹೃದಯಕ್ಕೆ, ನಿಮ್ಮ ಎಲ್ಲಾ ಭಾವನೆಗಳ ಮೂಲಕ್ಕೆ ತಾಗುತ್ತದೆ. ನೀವು ಆ ನಂಬಿಕೆ ದ್ರೋಹಕ್ಕೆ ಸರಿಯಾಗಿ ಪ್ರತಿಕ್ರಿಯಿಸದಿದ್ದರೆ, ನಿಮ್ಮ ಹೃದಯವು ಇತರ ಜನರ ಕಡೆಗೂ ಮತ್ತು ಅಂತಿಮವಾಗಿ ಕರ್ತನ ಕಡೆಗೂ ವರ್ತಿಸುವ ರೀತಿಯಲ್ಲಿ ಕಠಿಣವಾಗಿ ಮಾರ್ಪಟಾಗಿಬಿಡುತ್ತದೆ . ನಂಬಿಕೆ ದ್ರೋಹದ ಗುರಿ ನಿಮ್ಮ ಹೃದಯವನ್ನು ವಿಷಪೂರಿತಗೊಳಿಸುವುದರಿಂದ ನೀವು ಅದರ ವಿರುದ್ಧ ಎಚ್ಚರವಾಗಿರಬೇಕು.

#2 ನಿಮಗೆ ದ್ರೋಹ ಮಾಡಿದವರನ್ನು ಕ್ಷಮಿಸಿ

ನೀವು ಜನರ ತಪ್ಪುಗಳನ್ನು ಕ್ಷವಿುಸಿದರೆ ಪರಲೋಕದಲ್ಲಿರುವ ನಿಮ್ಮ ತಂದೆಯು ನಿಮ್ಮ ತಪ್ಪುಗಳನ್ನೂ ಕ್ಷವಿುಸುವನು. ಆದರೆ ನೀವು ಜನರ ತಪ್ಪುಗಳನ್ನು ಕ್ಷವಿುಸದೆಹೋದರೆ ನಿಮ್ಮ ತಂದೆ ಸಹ ನಿಮ್ಮ ತಪ್ಪುಗಳನ್ನು ಕ್ಷವಿುಸುವದಿಲ್ಲ.(ಮತ್ತಾಯ 6:14-15)(NLT)

ಕ್ಷಮೆಯು ನಂಬಿಕೆಯನ್ನು ಪ್ರತಿಬಿಂಬಿಸುವ ಕಾರ್ಯರೂಪವಾಗಿದೆ. ನೀವು ಕ್ಷಮಿಸದೇ ಹೋದರೆ , ಯೇಸು ನಿಮಗೆ ಉಚಿತವಾಗಿ ನೀಡಿರುವ ಕ್ಷಮೆಯನ್ನು ನೀವೂ ಸಹ ಆನಂದಿಸಲು ನಿಮಗೆ ಸಾಧ್ಯವಾಗುವುದಿಲ್ಲ! ಹೊಸ ಒಡಂಬಡಿಕೆಯ ಗ್ರೀಕ್ ಭಾಷೆಯಲ್ಲಿ "ಕ್ಷಮೆ" ಎಂಬ ಪದದ ಅರ್ಥ "ಹೋಗಲು ಬಿಡುವುದು". ಬಿಟ್ಟುಬಿಡಿ ಮತ್ತು ಮುಂದುವರಿಯಿರಿ.ಎನ್ನುವುದಾಗಿದೆ.

Bible Reading: Job 14-18

ನೀವು ನಂಬಿಕೆದ್ರೋಹವನ್ನು ಅನುಭವಿಸಿದ್ದೀರಾ?

Most Read