सैतानी मर्यादांना मोडून काढणे

"फारो बोलला, तुम्हीं रानात जाऊन परमेश्वर तुमचा देव यास यज्ञ करावा यासाठी मी तुम्हांस जाऊ देतो; मात्र फार दूर जाऊ नका;...." (निर्गम ८:२८)

नेहमी हे लक्षात ठेवा की सैतानाच्या योजनेविषयी आपण अज्ञानी राहू नये (२ करिंथ २:११). 

तसेच, ख्रिस्ताला प्रगट केले गेले जेणेकरून सैतानाची कार्ये नष्ट करावी. (१ योहान ३:८)

भारताच्या दुसऱ्या एका राज्यात शुभवर्तमान प्रसार कार्याच्या प्रवासाला जाताना एक मनुष्य एकदा आमच्याबरोबर आला. आम्ही विमानतळावर आतमध्ये प्रवेश करणे आणि इतर औपचारिक गोष्टी पूर्ण केल्या आणि विमानात प्रवेश करण्यासाठी वाट पाहत होतो. ज्यावेळेस विमानात बसण्याची वेळ आली, हा मनुष्य धापा टाकू लागला आणि त्यास काहीतरी होऊ लागले. आम्ही त्यास त्याच्या पत्नीबरोबर तेथेच सोडले ज्यांच्याबरोबर काही व्यवसायिक वैद्यकीय लोक साहाय्य करीत होते आणि आम्ही विमानात बसण्यासाठी पुढे गेलो. तो लहानसा प्रवास होता, आणि जेव्हा आम्ही पुन्हा विमानातून खाली उतरलो, मी त्याच्या पत्नीला फोन केला आणि त्याच्या आरोग्याविषयी चौकशी केली. मला आश्चर्य वाटले, की त्याने फोन घेतला आणि म्हणाला, "ज्यावेळी विमान वर उडाले त्याचवेळी, मी आश्चर्याने बरा झालो होतो."

"त्यानंतर अरामाचा राजा बेनहदाद याने आपले सर्व सैन्य एकवट करून शोमरोनावर स्वारी करून त्यास वेढा घातला. तेव्हा शोमरोनात जबर महागाई झाली, वेढा एवढा भारी पडला की, गाढवाच्या एका मुंडक्यास ऐंशी रुपये आणि कबुतराच्या पावशेर विष्ठेस पाच रुपये पडू लागले" (२ राजे ६:२४-२५). 

१ इस्राएल लोकांच्या भीतीमुळे यरीहोच्या वेशी मजबूत लावून घेण्यात आल्या होत्या; कोणी बाहेर गेला नाही की आंत आला नाही. २ परमेश्वर यहोशवाला म्हणाला, पाहा, यरीहो, त्याचा राजा व त्याचे पराक्रमी वीर मी तुझ्या हाती दिले आहेत." (यहोशवा ६:१-२)

"आणखी परमेश्वराने मला चार लोहार दाखविले. मी विचारिले, यांचे येथे काय काम? तो मला म्हणाला, ज्यांनी यहूदास परागंदा करून कोणास आपले डोके वर काढू दिले नाही ती ही शृंगे आहेत; परंतु आता त्यांस भेदरवून सोडावे व ज्या राष्ट्रांनी यहूदास परागंदा करण्यासाठी त्याच्या भूमीविरुद्ध आपले शृंग उचलिले त्यांची शृंगे पाडून टाकावी म्हणून हे आले आहेत." (जखऱ्या १:२०-२१)

प्रत्येक प्रार्थना अस्त्र कमीत कमी २ मिनिटे किंवा तुमच्या आत्म्यात सुटका जाणवेपर्यंत प्रार्थना करा.

१. देवाची स्तुति व उपासना करा (तुम्ही काही तल्लीन होणारे संगीत वाजवू शकता की तुम्हांस साहाय्य करावे.)

२. कोणतीही मर्यादा माझी आर्थिकता, आरोग्य व प्रगतीवर लावले गेले आहे ते येशूच्या नावात अग्निद्वारे नष्ट केले जावे.(यशया५४:१७, नहूम १:९)

३. हे परमेश्वरा, माझ्या जीवनाविरुद्ध कोणतीही गुप्त मर्यादा जी कार्य करीत आहे ती येशूच्या नावात उघड केली जावी. (ईयोब १२:२२, लूक ८:१७)

४. येशूच्या रक्ताने, माझ्या जीवनाविरुद्ध कार्य करणाऱ्या कोणत्याही सैतानी मर्यादेस येशूच्या नावात मी मोडत आहे. (प्रकटीकरण १२:११, कलस्सैकरांस २: १४- १५)

५. देवाच्या आत्म्याने, माझ्या प्रगतीला जे काही अडथळा करीत आहे त्यास येशूच्या नावात मी विखरून टाकीत आहे. (यशया ५९:१९, जखऱ्या ४: ६-७)

६. चांगली गोष्टी माझ्याकडे येण्यापासून जे काही अडथळा करीत आहे, मी त्यांस अग्निद्वारे येशूच्या नावात आता नष्ट करीत आहे.( अनुवाद २८: १२, स्तोत्रसंहिता ८४:११)

७. हे परमेश्वरा, येशूच्या नावात मला समर्थ कर की कार्यरत रहावे आणि चिंता करू नये, चालत राहावे आणि मूर्च्छित होऊ नये. (यशया ४०:२९-३१, फिलिप्पैकरांस ४:१३)

८. मी अलौकिक सामर्थ्य प्राप्त करतो की येशूच्या नावात सर्व अडथळे व मर्यादांना मोडून काढावे. ( मीखा२:१३, इफिसकरांस ६:१०)

९. येशूच्या रक्ताने, प्रत्येक वेदी, विचित्र वाणी जी माझ्या प्रगतीस अडथळा करीत आहे त्यास येशूच्या नावात मी शांत करीत आहे. ( इब्री लोकांस १२:२४, १ राजे १८ : ३८-३९)

१०. कमीत कमी १० मिनिटे अन्य भाषेमध्ये प्रार्थना करा.