परमेश्वराचा धावा करा

स्तुतिपात्र परमेश्वराचा मी धावा करितो, तेव्हा शत्रूंपासून माझा बचाव होतो. (स्तोत्र १८:३)

दावीदाने म्हटले, "परमेश्वराचा मी धावा करितो." परमेश्वराचा धावा करणे हे प्रार्थनेचा संदर्भ देते. एक जुनी चीनी म्हण आहे जी म्हणते, "जर तुम्ही एका मनुष्याला मासा देता, तुम्ही त्यास एका दिवसासाठी तृप्त करता, मासे धरण्यास त्या मनुष्यास शिकवा, आणि तुम्ही त्यास आयुष्यभरासाठी भोजन पुरविता." जर तुम्ही योग्यप्रकारे प्रार्थना करण्यास शिकला, तर ते केवळ तुमच्या व तुमच्या कुटुंबासाठी आशीर्वादाचे असणार नाही परंतु पिढया ज्या तुमचे अनुकरण करतात.

यिर्मया ३३:३ म्हणते, "मला हाक मार म्हणजे मी तुला उत्तर देईन व तुला ठाऊक नाहीत अशा मोठया व गहन गोष्टी तुला सांगेन."

आपल्यापैंकी अनेक जण प्रार्थना करतात परंतु आपण खात्रीशीर नसतो किंवा आत्मविश्वासी राहत नाही की परमेश्वराने खरेच आपल्याला ऐकले आहे. चला आपण असे म्हणू तुम्ही एका घरासाठी प्रार्थना करीत आहात आणि मग परमेश्वर तुम्हाला स्वप्नात किंवा दृष्टांतात दाखवितो की तुमचे घर आणि इतर गोष्टी कोठे आहेत? हे तुम्हाला परमेश्वरावर विश्वास व आत्मविश्वासाच्या स्तरावर घेऊन जाईल जे लक्षात घेण्याजोगे असेल. घर येण्यात जरी उशीर होत असेल, तुम्ही गडबडणार किंवा अस्थिर होणार नाही. हे याकारणासाठी की परमेश्वराने ते तुम्हाला अगोदरच दाखविले आहे. प्रार्थनेचे हे भविष्यात्मक परिमाण आहे.

दुसरी गोष्ट जी घडेल जेव्हा तुम्ही परमेश्वराचा धावा कराल ती ही: तुमच्या शत्रूपासून तुमचा बचाव होईल. (स्तोत्र १८:३)

शत्रू हे भौतिक किंवा आध्यात्मिक (जसे सैतानी शक्ति) असू शकतात. प्रार्थना ही तुम्हाला व तुमच्या प्रियजनांना शत्रूपासून (दृश्य व अदृश्य) सुटका आणेल.

एक कुटुंब होते जे रात्रीच्या वेळी एक सावली पाहत असे. ते फारच हताश होते आणि त्यांनी अनेक उपाय करण्याचा प्रयत्न केला. एक दिवस त्यांनी मला फोन केला की त्यांच्याघरी यावे (जे दुसऱ्या राज्यात होते). माझ्या व्यस्त कार्यक्रमामुळे, मी त्यांना सांगितले की मी येऊ शकत नाही. ते फारच निराश झाले. तथापि, मी त्यांना सांगितले की ज्या सुचना मी त्यांना देत आहे जर त्यांनी त्या पाळल्या, तर ते सुटका प्राप्त करतील.

नाखुषीने त्यांना सहमती दर्शविली. मी त्यांना सांगितले की संपूर्ण कुटुंबाने दोन दिवस उपास व प्रार्थना करावी. त्या संपूर्ण दिवसभरात त्यांनी त्यांच्या घराला अभिषेक करावयाचा आहे व परमेश्वराची उपासना करीत वेळ घालवावा. दुसऱ्या दिवशी, माझा फोन वाजला. तो त्या घराचा मनुष्य होता. तो आनंदाने ओरडत होता व म्हणाला, "पास्टर मायकल, आता माझ्या घरात कोणतीही सावली दिसत नाही. प्रभु येशूने आम्हांला मुक्त केले आहे."

जे हे वाचत आहे त्या माझ्या प्रिय मित्रांनो. परमेश्वर कोणाचा पक्षपात करीत नाही. जे कोणी तुम्ही असा-श्रीमंत किंवा गरीब. जर तुम्ही परमेश्वराचा धावा करता:

१. तो तुम्हाला गोष्टी दाखवेल.

२. तो तुमचा भौतिक व आध्यात्मिक शत्रूंपासून बचाव करील.

Bible Reading: Esther 9-10 , Job 1-2

परमेश्वराचा धावा करा

Most Read