దేవుడు నిన్ను ఉపయోగించుకోవ లనుకుంటున్నాడు

నేను నీ కాజ్ఞయిచ్చియున్నాను గదా, నిబ్బరము గలిగి ధైర్యముగా నుండుము, దిగులు పడకుము జడియకుము. నీవు నడుచు మార్గమంతటిలో నీ దేవుడైన యెహోవా నీకు తోడైయుండును. (యెహొషువ 1:9)

దేవునిపై విశ్వాసం ఉంచడం కేవలం కోరికతో కూడిన ఆలోచన కాదు. ఇది క్రియాత్మకంగా మీలో మరియు మీ ద్వారా పని చేయగల దేవుని సామర్థ్యాన్ని విశ్వసించడం. దేవుడు తన పరిశుద్ధాత్మ ద్వారా నీకు శక్తినిచ్చాడు. ఆయన తన వాక్యముతో మనలను సమకూర్చాడు. ఆయన మనకు ఈ దినాన్ని ఇచ్చాడు. మనం కలలో కూడా ఊహించని ద్వారాలను తెరిచాడు. ఆయన ఏ ఉద్దేశ్యం లేకుండా నిన్ను ఇంత దూరం తీసుకువచ్చాడని నీవు అనుకుంటున్నావా? దీని గురించి ఒకసారి ఆలోచించు.

ప్రభువు మిమ్మల్ని తన మహిమ కొరకు ఉపయోగించకూడదనుకుంటే, ఆయన చేసిన విధంగా ఆయన మీకు అధికారం ఇచ్చేవాడా? ఆయన అలా చేస్తాడా?

దేవుడు వేరొకరిని ఉపయోగించుకోబోతున్నాడనే నమ్మకం కలిగి ఉండటం చాలా సులభం, కానీ నిజం ఏమిటంటే మీరు అడగగలిగే లేదా ఊహించిన దానికంటే కూడా ఆయన మిమ్మల్ని ఉపయోగించు కోవలనుకుంటున్నాడు. (ఎఫెసీయులకు 3:20)

చాలా తరచుగా, మన చుట్టూ ఉన్న వ్యక్తుల కంటే మనం ఎక్కువగా విరిగి నలిగి పోయాము, విడిచిపెట్టబడ్డాము అనే భావన మనకు వస్తుంది. మనకంటే ఇతరులే ఆ ఉద్యోగానికి ఎక్కువ అర్హులన్న భావన కలుగుతుంది. ఇది మన జీవితంలో ఉపసంహరించుకునేలా చేస్తుంది. అయితే, మీరు నిజంగా వాక్యాన్ని పరిశీలిస్తే, దేవుడు విరిగి నలిగిన, అసంపూర్ణ వ్యక్తులను ప్రతి సమయాలలో ఉపయోగించుకున్నాడు అది మీరు చూడగలరు! ఆయన మిమ్మల్ని ఉపయోగించుకోవడానికి మీ జీవితాన్ని సంపూర్ణంగా పొందడం కోసం వేచి ఉండడం లేదు. ఆయన మిమ్మల్ని ఇక్కడే ఉపయోగించు కోవలనుకుంటున్నాడు, ఇప్పుడే!

మనమందరం మనలో ఉపయోగించని తలాంతులు మరియు ప్రతిభను కలిగి ఉన్నాము మరియు మన సామర్థ్యాన్ని పెంపొందించుకోవడానికి ఆ మార్గంలో విశ్వాసంతో అడుగు పెట్టాలి మరియు ప్రతి అవకాశాన్ని సద్వినియోగం చేసుకోవాలి.

నీ స్వబుద్ధిని ఆధారము చేసికొనక నీ పూర్ణ హృదయముతో యెహోవా యందు నమ్మక ముంచుము, నీ ప్రవర్తన అంతటియందు ఆయన అధికారమునకు ఒప్పుకొనుము అప్పుడు ఆయన నీ త్రోవలను సరాళము చేయును. (సామెతలు 3:5-6)

మీరు ఎంత కలిగి ఉన్నారనేది కాదు, మీ వద్ద ఉన్నవాటిని మీరు ఎలా ఉపయోగిస్తున్నారనేది ముఖ్యం. దేవుడు మీకు ఇచ్చిన తలాంతులు మరియు ప్రతిభను మీరు మరి ఎక్కువగా ఉపయోగిస్తున్నారా?

Bible Reading: Judges 10-12