క్రీస్తు కేంద్రీకృత స్వగృహము

"క్రీస్తు కేంద్రీకృత స్వగృహము (ఇల్లు)" అంటే ఏమిటి?

నేటి కాలంలో వివాహం మరియు కుటుంబాన్ని నిర్మించడం అంత సులభం కాదు. ఇది మీ సమస్తమును, మీ సమయాన్ని మరియు శక్తిని కోరుతుంది - అక్షరాలా ప్రతిదీ. ఏదేమైనా, వీటన్నింటిలో ముఖ్యమైన అంశం ఏమిటంటే, యెహోవా ఇల్లు కట్టించని యెడల దాని కట్టువారి ప్రయాసము వ్యర్థమే (కీర్తనలు 127:1). ప్రతిరోజూ మనం మన ఇంటిని, మన వివాహాన్ని నిర్మించమని ప్రభువును అడగాలి - ఇది మొదటి తాళంచెవి.

క్రీస్తు కేంద్రంగా ఉండే ఇల్లు కొన్ని విశిష్టతలను కలిగి ఉంది. వాటిని పరిశీలిద్దాం:

ఒక క్రైస్తవ ఇల్లు క్రమబద్ధంగా ఉంటుంది

అపొస్తలుడైన పౌలు 1 కొరింథీయులు 14:33 లో ఇలా వ్రాశాడు: "దేవుడు సమాధానమునకే కర్త గాని అల్లరికి కర్త కాడు".

నేను క్రమబద్ధంగా అంటున్నపుడు, ప్రతిదీ చక్కగా మరియు శుభ్రంగా ఉండడం అని అర్ధం కాదు (వాస్తవానికి, అది బాగుంటుంది). క్రమపద్ధతిలో నా ఉద్దేశ్యం, కుటుంబ సభ్యులు ఏది ఆమోదయోగ్యమైనది మరియు ఏది కాదో నిరంతరం సమీక్షిస్తారు. ఏది అవసరమో మరియు ఏది అవసరము కానిది అని.కొన్ని ప్రశ్నలు, "ఈ విషయం కుటుంబాన్ని నిర్మిస్తుందా లేదా?" తప్పక అడగాలి. ఈ నిర్ణయాలన్నీ దేవుని వాక్యంతో ప్రభావితమై ఉండాలి. ఇది కుటుంబానికి దైవికమైన పద్దతిని తెస్తుంది.

క్రీస్తు కేంద్రీకృత ఇల్లు అనేది ఆధ్యాత్మిక క్రమశిక్షణలను పాటించే ప్రదేశము

క్రీస్తు కేంద్రీకృత ఇల్లు అనేది కుటుంబ సభ్యులు దేవుని వాక్యాన్ని అధ్యయనం చేయడానికి, ప్రార్థన చేయడానికి, ఆరాధించడానికి మొదలైన వాటిని ఉదాహరణగా ఉండడానికి ప్రోత్సహించే ప్రదేశము.

క్రీస్తు కేంద్రీకృత ఇల్లు కృపతో గుర్తించబడింది

ప్రతి వివాహం మరియు ప్రతి కుటుంబంలో కఠినమైన రోజులు ఉంటాయి. మీరు ఎంత దైవికంగా ఉన్నా, కొన్ని వాదనలు మరియు ఇలాంటివి ఎల్లప్పుడూ ఉంటాయి. ఏదేమైనా, క్రీస్తు కేంద్రీకృత స్వగృహంలో, తల్లిదండ్రులు మరియు పెద్దలు ఒకరినొకరు క్షమించడంలో మరియు విషయాలను పునరావృతం చేయకుండా ముందుండాలి. ఇది యువకులకు ఒక ఉదాహరణగా నిలుస్తుంది. బాధిత వ్యక్తి ఓదార్పు, విశ్రాంతి మరియు స్వస్థత పొందగలిగే చోటు ఇల్లు ఒక ఆశ్రయము అవుతుంది.

ప్రభువు మన ఇళ్లను క్రీస్తు కేంద్రంగా ఉండే గృహాలుగా చేస్తాడు, ఎందుకంటే పరలోకపు తండ్రి మనల్ని ఎల్లప్పుడూ చూస్తూ ఉంటాడు, ఆయన ఎల్లప్పుడూ మన మొఱ్ఱను ఆలకించును మరియు మనల్ని రక్షించును. (కీర్తనలు 34:18).

క్రీస్తు కేంద్రీకృత స్వగృహము

Most Read