మీ విడుదల మరియు స్వస్థత యొక్క ఉద్దేశ్యం

ఆకాశములకు సృష్టికర్తయగు యెహోవాయే దేవుడు; 
ఆయన భూమిని కలుగజేసి దాని సిద్ధపరచి స్థిరపరచెను 
నిరాకారముగా నుండునట్లు ఆయన దాని సృజింప లేదు 
నివాసస్థల మగునట్లుగా దాని సృజించెను 
ఆయన సెలవిచ్చునదేమనగా 
యెహోవాను నేనే మరి ఏ దేవుడును లేడు. (యెషయా 45:18)

దేవుడు భూమిని వ్యర్థముగా సృష్టించ లేదు. దేవుడు ఉద్దేశ్యముగల దేవుడు. దేవుడు ఏది చేసినా, ఆయన ఒక ఉద్దేశ్యం కోసం చేస్తాడు. ఆయన ఉద్దేశ్యం లేకుండా ఏమీ చేయడు.

మీరు దీన్ని చదువుతున్నారనే వాస్తవం మీరు మీ కోసం లేదా మీ ప్రియమైన వ్యక్తుల కోసం విడుదల కోసం ప్రయత్నిస్తుండవచ్చు. బహుశా మీలో కొందరు స్వస్థత కోరుకుంటున్నారు - శారీరకంగా లేదా భావోద్వేకంగా. కానీ, నేను మీకు తెలియజేస్తున్నాను, స్వస్థత మరియు విడుదలకి కూడా ఒక ఉద్దేశ్యం ఉంది.

దైవికమైన స్వస్థత మరియు విడుదల యొక్క ఉద్దేశ్యాన్ని మీరు అర్థం చేసుకోవడం చాలా ముఖ్యం. దేవుడు ఎందుకు స్వస్తపరుస్తాడు మరియు విడుదలనిస్తాడని, మీరు ఆ ఉద్దేశ్యాన్ని అర్థం చేసుకున్నప్పుడు, మీరు దానిని విలువైనదిగా నేర్చుకుంటారు మరియు దానిని నిర్వహించడం (కాపాడటానికి) కూడా నేర్చుకుంటారు.

దేవుడు దేని నుండి అయినా మనలను విడిపించాడనే ఉద్దేశ్యం ఉందంటే అది మనం ఏదో ఒకదానిలోకి ప్రవేశించడం కోసమే. దైవిక విడుదల అంటే, మీరు ఉన్న చోట ఉండడానికి దేని నుండైనా బయటపడడం కాదు గాని ఏదైనా పొందుకోవడం కోసం. దురదృష్టవశాత్తు, చాలా మంది దేని నుండో బయటకు వస్తారు కానీ వారు ఉన్న చోట ఉంటారు; వారు దేనిని పొందుకో లేరు మరియు వారి విమోచనను కోల్పోతారు.

ఇశ్రాయేలు 430 సంవత్సరాలు ఐగుప్తు దాసత్యంలో ఉంది. (నిర్గమకాండము 12:40, గలతీయులు 3:15) దేవుడు వారిని ఒక్క రాత్రిలో బయటకు తీసుకొచ్చాడు. ఆయన వారిని బయటకు తీసుకురావడం మాత్రమే కాదు. ఆయన వారిని వాగ్దాన దేశములోనికి తీసుకువచ్చాడు. వారు లోపలికి ప్రవేశించడానికి వీలుగా బయటకు వచ్చారు.

ఒక వ్యక్తి ఒక రోజు నా దగ్గరకు వచ్చి, "పాస్టర్ గారు," నేను మద్యం నుండి విడుదల పొందాను" అని చెప్పాడు. "చాలా మంచిది" అని నేను జవాబిచ్చాను. అతడు చెప్తూ, "ఇప్పుడు నేను రుచికరమైన పొగాకును మాత్రమే నములుతున్నాను". కొంతమంది ఒక వ్యసనం నుండి బయటపడి మరొక వ్యసనం లోకి ప్రవేశిస్తారు. నేను ఇక్కడ మాట్లాడుతున్నది దాని గురించి కాదు.

ఆయన మనలను అంధకార సంబంధమైన అధికారములో నుండి విడుదలచేసి, తాను ప్రేమించిన తన కుమారుని యొక్క రాజ్యనివాసులనుగా చేసెను. (కొలొస్సయులకు 1:13)

అంధకార సంబంధమైన అధికారములో నుండి దేవుడు మనలను విడుదలచేసి (మమ్మల్ని బయటకు తీసుకువచ్చాడని) మరియు ఆయన కుమారుడగు - ప్రభువైన యేసుక్రీస్తు రాజ్యనివాసులనుగా చేసెనని లేఖనం స్పష్టంగా తెలియజేస్తుంది.

మీ విడుదల మరియు స్వస్థత యొక్క ప్రాథమిక ఉద్దేశ్యం మీకు దేవుడు అప్పగించిన పనిలోకి ప్రవేశించడం కోసం.