విత్తనం యొక్క గొప్పతనం

అందుకు యెహోవా మోషేతో ఇట్లనెను, "నూను కుమారుడైన యెహోషువ ఆత్మను పొందినవాడు. నీవు అతని తీసికొని అతని మీద నీ చెయ్యి యుంచి యాజకుడగు ఎలియాజరు ఎదుటను సర్వసమాజము ఎదుటను అతని నిలువబెట్టి వారి కన్నుల యెదుట అతనికి ఆజ్ఞ యిమ్ము" (సంఖ్యాకాండము 27:18-19)

మోషే తన నాయకత్వం ముగింపు దశకు చేరుకున్నాడు. ఇశ్రాయేలీయులు వాగ్దాన దేశము యొక్క సరిహద్దుకు చేరుకున్నారు మరియు మోషే 'అవిధేయత' కారణంగా, ప్రభువు అతన్ని ప్రవేశించడానికి అనుమతించలేదు.

తన నాయకత్వాన్ని యెహోషువకు బదిలీ చేయడాన్ని సూచించడానికి బహిరంగంగా యెహోషువపై చేతులు ఉంచమని దేవుడు మోషేకు సూచించాడు.

అలాగే, కొత్త నిబంధనలో, పరిచారికులను ఎన్నుకున్నప్పుడు (అపొస్తలుల కార్యములు 6:6), వారిని అపొస్తలులయెదుట నిలువబెట్టిరి; వారికై ప్రార్థనచేసి వారిమీద చేతులుంచిరి. పాత మరియు కొత్త నిబంధనలో ఉన్న ఆలోచన ఒకటే; పరిశుద్ధాత్మ ఈ మనుష్యులలో పనిచేసింది, మరియు మానవుని మీద చేతులు వేయడం దేవుని హస్తం వారిపై ఇప్పటికే ఉందని ధృవీకరించబడింది.

అపొస్తలుడైన పేతురు మనలను ఇలా హెచ్చరిస్తున్నాడు, "దేవుడు తగిన సమయమందు మిమ్మును హెచ్చించునట్లు ఆయన బలిష్ఠమైన చేతిక్రింద దీనమనస్కులై యుండుడి" (1 పేతురు 5:6). ఇక్కడ దీనమనస్కులై యొక్క గ్రీకు పదానికి విధేయత గల సేవకుడి వైఖరి అని అర్థం.

యెహోషువ కొన్ని సంవత్సరాల్లో మోషేకు నమ్మకంగా సేవ చేయడం ద్వారా దేవునికి సేవ చేయగలిగాడు, ఆపై తగిన సమయంలో, అతను గొప్ప విషయాలలో ప్రభువును సేవించడానికి సిద్ధంగా ఉన్నాడు.

చిన్న విషయాలలో శక్తివంతమైన ప్రవక్త ఏలీయాకు సేవ చేసిన ఎలీషా విషయంలో కూడా అదే స్థితి ఉంది. ఎలీషా తరచుగా "ఎలీషా చేతులపై నీరు పోసిన" వ్యక్తిగా సూచించబడ్డాడు. (2 రాజులు 3:11) ఇవే కేవలం అతని ఆధారాలు. అతడు బిరుదు లేకుండా కూడా సేవ చేశాడు. నేడు, కొంతమంది వ్యక్తులు తమను సన్మానించనప్పుడు లేదా వేదికపై ప్రస్తావించనప్పుడు మనస్తాపం చెందుతారు. వారిని బహిరంగంగా అంగీకరించకపోతే సంఘం లేదా ఆరాధనకు హాజరుకావడం కూడా మానేస్తారు.

ఎలీషా దేవుని శక్తివంతమైన దాసుడిగా అయ్యాడు, కానీ అతడు సేవకునిగా శిక్షణ పొందాడు! నిజమైన ఆధ్యాత్మిక నాయకులు ఏర్పర్చబడటానికి ఇదొక్కటే మార్గం. ఇతరులకు సేవ చేయడం మరియు మనం సేవ చేసే వారి నుండి నేర్చుకోవడం ద్వారా విధేయత ఇందులో ఇమిడి ఉంటుంది. ఎవరో ఇలా అన్నారు, "మనము వెంబడించడం ద్వారా మాత్రమే నాయకత్వం వహించడానికి సిద్ధపడగలము." ఇది మన కర్తవ్యాల పెద్దతనం లేదా చిన్నతనం కాదు, కాని మన హృదయాల సమర్పణ వైఖరి చాలా ముఖ్యం.

మీరు తదుపరి స్థాయికి వెళ్లాలనుకుంటున్నారా? అయితే మీ నీటి కాడ సిద్ధంగా ఉంచుకోండి మరియు వరుసలో ఉండండి; మీరు తదుపరి ఎలీషా, తదుపరి యెహోషువ కావచ్చు!