కృప యొక్క సమృద్ధిగా మారడం

కృప యొక్క సరళమైన నిర్వచనం ఏమిటంటే, దేవుడు మనకు అర్హత లేని వాటిని మనకు దయచేయడం. మనము నరకము యొక్క శిక్షకు అర్హులం, కానీ దేవుడు కృపతో తన కుమారుని బహుమానంగా మనకు ప్రసాదించాడు.

"మీరు విశ్వాసము ద్వారా కృపచేతనే రక్షింపబడియున్నారు; ఇది మీ వలన కలిగినది కాదు, దేవుని వరమే" (ఎఫెసీయులకు 2:8). రక్షణ, మరియు దేవుని క్షమాపణ, ఒక ఉచిత వరము! మనము దానికి అర్హులు కాదు.

ఒకప్పుడు మనం దేవునికి శత్రువులమైనప్పటికీ, కొలొస్సయులకు 1:21,22 ప్రకారం, ఇప్పుడు, ఆయన చిందించిన రక్తం ద్వారా, మనం విడుదల చేయబడ్డాము, ఆయనతో సమాధానపరచబడ్డాము. ఆయన సిలువపై చిందించిన రక్తం ద్వారా మనకు వ్యతిరేకంగా శిక్ష మరియు మరణ ధృవీకరణ పత్రాన్ని రద్దు చేశాడు.

ఒకరోజు, ఒక యవ్వనాడు నా దగ్గరకు వచ్చి, "నాకు ప్రభువు యొక్క సేవ చేయడం అంటే చాలా ఇష్టం, కానీ ఆ ప్రదేశంలో ఉన్న ప్రజలను నేను ఇష్టపడను; అందుకే నేను దేవుని సేవించడం మానేశాను." ప్రపంచవ్యాప్తంగా చాలా చోట్ల ఇదే మాటలు పునరావృతమవుతున్నాయి. కానీ, ప్రభువును అంతగా ప్రేమించే వ్యక్తులు ఈ విధంగా ఎందుకు ఉంటారు అని మీరు ఆలోచిస్తున్నారా?

మనము మొదటి సారిగా ఉచితంగా పొందిన అదే కృపను ఇతరులకు అందించడంలో వైఫల్యం కారణంగా ఇది జరిగిందని నేను నమ్ముతున్నాను.

2 పేతురు 1:2 ఇలా చెబుతోంది, "మీకు కృపయు సమాధానమును విస్తరించును గాక."

దేవుని రాజ్యంలో, ఇతరులకు పంచి ఇవ్వడం, వ్యాపించడం లేదా కుమ్మరించడం తప్ప ఏదీ విస్తరించబడదు. అది మన ప్రభువు పంచి ఇచ్చిన చేపలు మరియు రొట్టెలు కావచ్చు లేదా ఎలీషా ప్రవక్త కాలంలో విధువరాలి పాత్రలలో పోసిన నూనె కావచ్చు.

లూకా 6:38 అనేది చాలా సాధారణమైన వచనం, ఇది సాధారణంగా ఇవ్వడం గురించి వర్తించబడుతుంది. "ఇయ్యుడి, అప్పుడు మీకియ్యబడును; అణచి, కుదిలించి, దిగజారునట్లు నిండు కొలతను మనుష్యులు మీ ఒడిలో కొలుతురు. మీరు ఏ కొలతతో కొలుతురో ఆ కొలతతోనే మీకు మరల కొలువబడునని చెప్పెను." కృపకు కూడా ఇది వర్తిస్తుంది.

ధర్మశాస్త్రం ఇలా సెలవిస్తుంది, "ఒకడు నరుని దొంగిలించి అమ్మినను, తన యొద్ద నుంచు కొనినను, వాడు నిశ్చయముగా మరణశిక్ష నొందును." (నిర్గమకాండము 21:16)

ధర్మశాస్త్రం ప్రకారం, యోసేపు సహోదరులు అతన్ని బంధించి ఐగుప్తునకు అమ్మివేసినందున వారు మరణానికి అర్హులు, కానీ యోసేపు వారికి జీవితాన్ని ఇచ్చాడు.

ఆత్మ చెప్పుచున్న మాట నేను విన్నాను, "ప్రజలకు వారు అర్హులైన వాటిని ఇవ్వకండి; వారికి కావలసినవి లేదా ఆవరమయ్యే వాటిని ఇవ్వుడి." మీరు ప్రజలకు ఇవ్వాల్సిన వాటిని ఇస్తే, మీరు ధర్మశాస్త్రానికి లోబడి వ్యవహరిస్తున్నారు. కానీ మీరు ప్రజలకు అవసరమైన వాటిని ఇస్తే, మీరు కృపతో వ్యవహరిస్తున్నారు. ధర్మశాస్త్రం ప్రకారం క్షమాపణ అనేది లేదు. కృప ద్వారా క్షమాపణ ఉంది.

తండ్రీ, యేసు నామంలో నీ కృప యొక్క సమృద్ధిని నా జీవితంలో విడుదల చేయి.