இன்று பரிசுத்தப்படுத்து அதிசயங்கள் நாளை

இஸ்ரவேல் புத்திரர் அவர்களின் மிக முக்கியமான வெற்றிகளில் ஒன்றின் விளிம்பில் இருந்தனர். இந்த தருணத்தில்தான் யோசுவா இஸ்ரவேல் ஜனங்களுக்குச் சொன்னார். "உங்களைப் பரிசுத்தம்பண்ணிக்கொள்ளுங்கள். நாளைக்குக் கர்த்தர் உங்கள் நடுவிலே அற்புதங்களைச் செய்வார் என்றான்". (யோசுவா 3:5)

யோசுவாவிற்கு இது ஒரு புதிய திட்டம் அல்ல. அவருடைய வழிகாட்டியாக இருந்த தேவனின் மனிதரான மோசேயால் இந்த திட்டம் செயல்படுத்தப்படுவதை அவர் பார்த்தார்.

ஒவ்வொரு முறையும் தேவன் தம்முடைய ஜனங்களுக்கு மத்தியில் ஏதோ பெரிய காரியத்தைச் செய்ய ஆயத்தமாகும்போது, கர்த்தர் தங்களைப் பரிசுத்தப்படுத்தும்படி அவர்களுக்குச் சொல்வார். பின்வரும் வசனங்களில், கர்த்தர் இஸ்ரவேல் புத்திரருக்கு நேரில் தோன்ற விரும்பினார், எனவே அவர் தங்களை பரிசுத்தப்படுத்தும்படி கேட்டார்.

"பின்னும் கர்த்தர் மோசேயை நோக்கி: நீ ஜனங்களிடத்தில் போய், இன்றைக்கும் நாளைக்கும் அவர்களைப் பரிசுத்தப்படுத்து. அவர்கள் தங்கள் வஸ்திரங்களைத் தோய்த்து, மூன்றாம் நாளைக்கு ஆயத்தப்பட்டிருக்கக்கடவர்கள். மூன்றாம் நாளில் கர்த்தர் சகல ஜனங்களுக்கும் பிரத்தியட்சமாகச் சீனாய்மலையின்மேல் இறங்குவார்".

(யாத்திராகமம் 19:10,11)

நாம் கர்த்தருடன் ஒரு புதிய சந்திப்பைப் பெற வேண்டுமானால், அசுத்தமான மற்றும் தேவபக்தியற்ற எல்லாவற்றிலிருந்தும் நம்மைப் பரிசுத்தப்படுத்த வேண்டும் என்று இது நமக்குச் சொல்கிறது.

யோசுவாவும், தேவனின் அற்புதங்களைத் தங்கள் நடுவில் காண வேண்டுமானால், அவர்கள் ஆவிக்குரிய ரீதியில் அதைப் பெறுவதற்குத் தயாராக இருக்க வேண்டும், தேவன் தங்கள் மத்தியில் அற்புதங்களை செய்வதைப் புரிந்து கொள்ள வேண்டும் என்பதை அறிந்திருந்தார்.

பெற்றோர்களே, உங்களைப் பரிசுத்தப்படுத்த வேண்டிய நேரம் இது - தேவன் உங்கள் வீட்டையும் பிள்ளைகளையும் பார்க்க விரும்புகிறார். அவர் அவர்களைத் தொடப் போகிறார். உங்கள் தலைமுறைகள் ஆசீர்வதிக்கப்படும். போதகர்களே, தலைவர்களே, உங்களைப் பரிசுத்தப்படுத்திக் கொள்ள வேண்டிய நேரம் இது - உங்களுக்குக் கீழ் உள்ள ஜனங்கள் ஆடுகளைப் போல் பெருகப் போகிறார்கள். உங்கள் கீழ் உள்ள ஜனனங்கள் தேவனுக்காக அக்கினியாய் இருப்பார்கள்.

இளைஞர்களே, உங்களைப் பரிசுத்தப்படுத்திக் கொள்ள வேண்டிய நேரம் இது. தேவன் தலைமுறையைத் தொட உங்களைப் பயன்படுத்துவார். நீங்கள் யோசேப்பைப் போல் இருப்பீர்கள். உங்களால், பலர் சரீரம் மற்றும் நித்திய மரணத்திலிருந்து காப்பாற்றப்படுவார்கள். "நாளையதினத்துக்கு உங்களைப் பரிசுத்தம்பண்ணிக்கொள்ளுங்கள். இஸ்ரவேலரே, சாபத்தீடானது உங்கள் நடுவே இருக்கிறது. நீங்கள் சாபத்தீடானதை உங்கள் நடுவிலிருந்து விலக்காதிருக்குமட்டும், நீங்கள் உங்கள் சத்துருக்களுக்கு முன்பாக நிற்கக்கூடாது என்று இஸ்ரவேலின் தேவனாகிய கர்த்தர் சொல்லுகிறார்".

(யோசுவா 7:13)

இன்னும், மற்றொரு சந்தர்ப்பத்தில், தேவன் ஜனங்களிடம், "ஜனங்கள் தங்களைப் பரிசுத்தப்படுத்திக்கொள்ள (பரிசுத்தப்படுத்த) கட்டளையிடுங்கள்" என்று கூறினார். பரிசுத்தமாக்குதல் என்பது வெறும் பரிந்துரை அல்லது ஆலோசனை அல்ல என்பதே இதன் பொருள்; அது தேவனின் கட்டளை.

புதிய ஏற்பாடும் அதே உண்மையை தேவன் கூறுகிறார். "நீங்கள் பரிசுத்தமுள்ளவர்களாகவேண்டுமென்பதே தேவனுடைய சித்தமாயிருக்கிறது".

(1 தெசலோனிக்கேயர் 4:3)

மேலும், வேதம் கூறுகிறது, "நாளையதினத்துக்கு உங்களைப் பரிசுத்தம்பண்ணிக்கொள்ளுங்கள்".

(யோசுவா 7:13) எனவே, பரிசுத்தமாக்குதல் என்பது நாளைய ஆயத்தமாகும்.

நாளை நம் வழியில் வரவிருப்பதற்கு இன்று நாம் ஆவிக்குரிய ரீதியில் தயாராக இருக்க வேண்டும் என்று கர்த்தர் விரும்புகிறார் என்று நான் நம்புகிறேன். யுத்தம் கர்த்தருடையது, ஆனால் கிறிஸ்துவில் நமக்கு ஏற்கனவே வாக்குத்தத்தம் செய்யப்பட்டுள்ள வெற்றிக்காக நாம் நம்மை சரியாக நிலைநிறுத்திக் கொள்ள வேண்டும்.

Bible Reading: Daniel 12; Hosea 1-4

இன்று பரிசுத்தப்படுத்து அதிசயங்கள் நாளை

Most Read