ಆಳತ್ವವನ್ನು ನೋಡಬೇಕೇ ವಿನಃ ಪ್ರದರ್ಶನವನ್ನಲ್ಲ

"ಹೆರೋದನು ಯೇಸುವನ್ನು ಕಂಡಾಗ, ಅತ್ಯಂತ ಸಂತೋಷಪಟ್ಟನು. ಏಕೆಂದರೆ ಅವನು ಯೇಸುವಿನ ವಿಷಯವಾಗಿ ಅನೇಕ ಸಂಗತಿಗಳನ್ನು ಕೇಳಿದ್ದರಿಂದ, ಅವರನ್ನು ಕಾಣಲು ಬಹಳ ಕಾಲದಿಂದ ಆಶೆಪಟ್ಟಿದ್ದನು. ಅವರಿಂದಾಗುವ ಸೂಚಕಕಾರ್ಯವನ್ನು ಕಾಣಲು ನಿರೀಕ್ಷಿಸುತ್ತಿದ್ದನು."(ಲೂಕ 23:8)

ನಮ್ಮ ಆಧುನಿಕ ಜಗತ್ತಿನಲ್ಲಿ, ಮನರಂಜನೆಯ ಆಕರ್ಷಣೆ ಎಲ್ಲೆಡೆ ಇದೆ. ಸಾಮಾಜಿಕ ಮಾಧ್ಯಮವು ಸಂವೇದನೆ, ತಕ್ಷಣದ ತೃಪ್ತಿ ಮತ್ತು ಕಣ್ಮನ ಸೆಳೆಯುವ ಪ್ರದರ್ಶನಗಳಲ್ಲಿ ಅಭಿವೃದ್ಧಿ ಹೊಂದುತ್ತದೆ. ಜೀವನದಲ್ಲಿ ನಿಜವಾದ ಸಂಪತ್ತುಗಳು ಸಾಮಾನ್ಯವಾಗಿ ಸಾಂದರ್ಭಿಕ ನೋಟಕ್ಕಿಂತ ಹೆಚ್ಚಿನದನ್ನು ಬಯಸುತ್ತವೆ ಎಂಬುದನ್ನು ಮರೆಯುವುದು ಸುಲಭ; ಅವುಗಳಿಗೆ ಆಳವಾದ, ಉದ್ದೇಶಪೂರ್ವಕ ಗಮನ ಬೇಕಾಗುತ್ತದೆ.

ಹೆರೋದನು ಗಮನಾರ್ಹ ಅಧಿಕಾರ ಮತ್ತು ಪ್ರಭಾವವನ್ನು ಹೊಂದಿದ್ದ ವ್ಯಕ್ತಿಯಾಗಿದ್ದು ಪ್ರಭಾವಶಾಲಿ ಮತ್ತು ಅಸಾಧಾರಣವಾದ ವಿಷಯಗಳನ್ನು ಅನುಭವಿಸುವುದಕ್ಕೆ ಅವನು ಒಗ್ಗಿಕೊಂಡಿದ್ದನು. ಅವನು ವಾಸಿಸುತ್ತಿದ್ದ ಸಮಾಜದ ದೃಷ್ಟಿಯಲ್ಲಿ, ಅವನಿಗೆ ಎಲ್ಲವೂ ಇತ್ತು. ಅಂತಿಮವಾಗಿ ಯೇಸುವನ್ನು ಭೇಟಿಯಾಗುವ ಅವಕಾಶ ಸಿಕ್ಕಾಗ, ಅದು ಜ್ಞಾನೋದಯ ಅಥವಾ ಆತ್ಮೀಕ ಬೆಳವಣಿಗೆಗಾಗಿ ಇರದೇ; ಮನರಂಜನೆಗಾಗಿ ಆ ಭೇಟಿಯನ್ನು ಬಯಸಿದನು.

ಹೆರೋದನಿಗೆ, ಯೇಸು ಒಬ್ಬ ಕುತೂಹಲಕಾರಿಯಾದ, ಬಹುಶಃ ಸೂಚಕಕಾರ್ಯಗಳಿಂದ ಅವನನ್ನು ರಂಜಿಸಬಲ್ಲ ಆಕರ್ಷಕ ವ್ಯಕ್ತಿಯಾಗಿ ಕಂಡು ಬಂದನು ಆದರೆ ದೇವಕುಮಾರನಾದ ಕ್ರಿಸ್ತನು ಬಂದದ್ದು ಮನರಂಜಿಸಲಲ್ಲ.

"ನಾನು ತಂದೆಯಲ್ಲಿ ಇದ್ದೇನೆ ಮತ್ತು ತಂದೆಯು ನನ್ನಲ್ಲಿ ಇದ್ದಾರೆ ಎಂದು ನೀನು ನಂಬುವುದಿಲ್ಲವೇ? ನಾನು ನಿಮಗೆ ಹೇಳುವ ಮಾತುಗಳನ್ನು ನನ್ನಷ್ಟಕ್ಕೆ ನಾನೇ ಮಾತನಾಡುವುದಿಲ್ಲ; ನನ್ನಲ್ಲಿರುವ ತಂದೆಯೇ ತಮ್ಮ ಕ್ರಿಯೆಗಳನ್ನು ಮಾಡುತ್ತಾರೆ ನಾನು ತಂದೆಯಲ್ಲಿಯೂ ತಂದೆಯು ನನ್ನಲ್ಲಿಯೂ ಇದ್ದಾರೆಂದು ಹೇಳುವಾಗ ನೀವು ನನ್ನನ್ನು ನಂಬಿರಿ, ಇಲ್ಲದಿದ್ದರೆ ಆ ಕ್ರಿಯೆಗಳನ್ನಾದರೂ ನೀವು ನಂಬಿರಿ."(ಯೋಹಾನ 14:10-11)

ಕರ್ತನಾದ ಯೇಸು ಅದ್ಭುತಗಳನ್ನು ಮಾಡುವವನಾಗಿದ್ದರೂ, ಆತನ ಪ್ರತಿಯೊಂದು ಕ್ರಿಯೆಯು ಆಳವಾದ ಆತ್ಮೀಕ ಅರ್ಥವನ್ನು ಹೊಂದಿತ್ತು. ಅವು ಪ್ರಭಾವ ಬೀರಲು ಉದ್ದೇಶಿಸಲಾದ ಯಾದೃಚ್ಛಿಕ ಕ್ರಿಯೆಗಳಾಗಿರಲಿಲ್ಲ; ಅವು ದೇವರಿಗೆ ಮಹಿಮೆ ತರಲು, ಆತನ ಸಂದೇಶವನ್ನು ದೃಢೀಕರಿಸಲು ಮತ್ತು ಅಗತ್ಯವಿರುವ ಜನರಿಗೆ ಸಹಾಯ ಮಾಡಲು ಒಂದು ಉದ್ದೇಶವನ್ನು ಪೂರೈಸುವ ಲೆಕ್ಕಾಚಾರದ ಕ್ರಿಯೆಗಳಾಗಿದ್ದವು. ಕ್ರಿಸ್ತನ ಸೂಚಕಕಾರ್ಯಗಳು ಆತನ ಪ್ರೀತಿ ಮತ್ತು ಅನಂತ ಜ್ಞಾನದ ಅಭಿವ್ಯಕ್ತಿಗಳಾಗಿದ್ದವು.

"ನಾನು ಮನುಷ್ಯರ ಭಾಷೆಗಳನ್ನೂ, ದೇವದೂತರ ಭಾಷೆಗಳನ್ನೂ ಮಾತನಾಡುವವನಾದರೂ ನನಗೆ ಪ್ರೀತಿಯಿಲ್ಲದಿದ್ದರೆ, ನಾದ ಕೊಡುವ ಕಂಚೂ ಗಣಗಣಿಸುವ ತಾಳವೂ ಆಗಿದ್ದೇನೆ. ನನಗೆ ಪ್ರವಾದನ ವರವಿದ್ದರೂ ನಾನು ಎಲ್ಲಾ ರಹಸ್ಯಗಳನ್ನೂ, ಸಕಲ ವಿದ್ಯೆಯನ್ನು ತಿಳಿದಿದ್ದರೂ ಬೆಟ್ಟಗಳನ್ನು ಕದಲಿಸುವಷ್ಟು ನಂಬಿಕೆಯಿದ್ದರೂ ನನಗೆ ಪ್ರೀತಿಯಿಲ್ಲದಿದ್ದರೆ, ಶೂನ್ಯನಾಗಿದ್ದೇನೆ.ನಾನು ನನ್ನ ಎಲ್ಲಾ ಆಸ್ತಿಯನ್ನು ದಾನಮಾಡಿದರೂ, ನಾನು ಹೊಗಳಿಕೊಳ್ಳುವಂತೆ ನನ್ನ ದೇಹವನ್ನು ಸುಡುವುದಕ್ಕಾಗಿ ಒಪ್ಪಿಸಿಕೊಟ್ಟರೂ ಪ್ರೀತಿಯು ನನಗಿಲ್ಲದಿದ್ದರೆ, ನನಗೇನೂ ಪ್ರಯೋಜನವಾಗುವುದಿಲ್ಲ."(1 ಕೊರಿಂಥ 13:1-3)

ನಾವು ಕೂಡ ಆಗಾಗ್ಗೆ ಲೋಕದ ಉತ್ಸಾಹಭರಿತತೆಯಲ್ಲಿ ಸಿಲುಕಿಕೊಂಡು, ವೈಯಕ್ತಿಕ ಸೌಕರ್ಯ ಮತ್ತು ಮನರಂಜನೆಯನ್ನು ಮಾತ್ರ ಬಯಸುವ ಮೇಲ್ಮೈ ಮಟ್ಟದ ಆತ್ಮೀಕತೆಯಲ್ಲಿ ತೃಪ್ತರಾಗಿದ್ದೇವೆ. ನಮ್ಮ ಸಂಬಂಧಗಳು, ವೃತ್ತಿಜೀವನಗಳು ಮತ್ತು ನಂಬಿಕೆಯಲ್ಲಿಯೂ ಸಹ, ನಾವು ಅದ್ಭುತ ಮತ್ತು ಅಸಾಧಾರಣವಾದದ್ದನ್ನು ಹುಡುಕುತ್ತೇವೇ ವಿನಃ ಶಾಶ್ವತವಾಗಿರುವ ಕೇವಲ ಕ್ಷಣಿಕವಾದ ಚಮತ್ಕಾರಕ್ಕಿಂತ ಹೆಚ್ಚಿನದನ್ನು ನೀಡುವ ದೇವರ ಸ್ಥಿರ, ಪ್ರೀತಿಯ ಪ್ರಸನ್ನತೆಯನ್ನು ಪ್ರಶಂಸಿಸಲು ವಿಫಲರಾಗುತ್ತೇವೆ.

ಹೃದಯದಲ್ಲಿ ಶುದ್ಧರಾಗಿರುವವರು ಧನ್ಯರು, ಅವರು ದೇವರನ್ನು ಕಾಣುವರು.(ಮತ್ತಾಯ 5:8).

ನಮ್ಮ ಜೀವನದಲ್ಲಿ ನಿಜವಾಗಿಯೂ "ದೇವರನ್ನು ನೋಡಲು", ನಾವು ಆತನು ನಮಗಾಗಿ ಏನು ಮಾಡಬಲ್ಲನೋ ಅದಕ್ಕಾಗಿ ಅಲ್ಲದೆ, ಆತನು ಯಾರಾಗಿದ್ದಾನೆಂದು ಹುಡುಕಬೇಕು. ಇದರರ್ಥ ನಾವು ಸೂಚಕಕಾರ್ಯಗಳನ್ನು ಬಯಸಬಾರದು ಅಥವಾ ಅದ್ಭುತಗಳನ್ನು ಆಶಿಸಬಾರದು ಎಂದಲ್ಲ; ಇದರರ್ಥ ನಮ್ಮ ಪ್ರಾಥಮಿಕ ಗಮನವು ದೇವರೊಂದಿಗೆ ಆಳವಾದ, ಶಾಶ್ವತವಾದ ಸಂಬಂಧವನ್ನು ಬೆಳೆಸಿಕೊಳ್ಳುವುದರ ಮೇಲೆ ಇರಬೇಕು ಎಂಬುದಾಗಿದೆ. ಆಗ ಕ್ರಿಸ್ತನ ಹುಡುಕಾಟ ಸೂಚಕಕಾರ್ಯಗಳಲ್ಲೇ ಅಂತ್ಯಗೊಳ್ಳದೇ, ಪ್ರೀತಿ ಮತ್ತು ಭಕ್ತಿಯಲ್ಲಿ ಆಳವಾಗಿ ಬೇರೂರಿರುವ ನಂಬಿಕೆಯ ದೃಢೀಕರಣಗಳಾಗುತ್ತವೆ.

ನಾನು ನಿಮ್ಮನ್ನು ಕೇಳುವುದೇನೆಂದರೆ. ನೀವು ದೇವರನ್ನು ಆತನು ನೀಡುವ ಸಂಬಂಧದ ಆಳಕ್ಕಾಗಿ ಹುಡುಕುತ್ತೀರಾ ಅಥವಾ ಆ ಕ್ಷಣದ ಮೇಲ್ಮೈ ಮಟ್ಟದ ರೋಮಾಂಚನದಲ್ಲಿಯೇ ನೀವು ತೃಪ್ತರಾಗಿದ್ದೀರಾ? ದೇವರ ಪ್ರೀತಿಯ ಸಾಗರದಲ್ಲಿ ಆಳವಾಗಿ ಧುಮುಕಲು ನಿಮಗೆ ನೀವು ಸವಾಲನ್ನು ಒಡ್ಡಿಕೊಳ್ಳಿ, ಆಗ ನಿಜವಾದ ಅದ್ಭುತಗಳು ಸಂಭವಿಸುತ್ತವೆ - ಆದರೆ ಅವು ಕೇವಲ ಪ್ರದರ್ಶನದಲ್ಲಿ ಅಲ್ಲ ಆದರೆ ರೂಪಾಂತರಗೊಂಡ ಜೀವನದಲ್ಲಿ ಸಂಭವಿಸುತ್ತದೆ.

Bible Reading: John 18-19

ಆಳತ್ವವನ್ನು ನೋಡಬೇಕೇ ವಿನಃ ಪ್ರದರ್ಶನವನ್ನಲ್ಲ

Most Read