പന്ത്രണ്ടില്‍ ഒരുവന്‍

എല്ലാവർക്കുംവേണ്ടി ഒരുവൻ മരിച്ചിരിക്കെ, എല്ലാവരും മരിച്ചു എന്നും ജീവിക്കുന്നവർ ഇനി തങ്ങൾക്കായിട്ടല്ല തങ്ങൾക്കുവേണ്ടി മരിച്ച് ഉയിർത്തവനായിട്ടുതന്നെ ജീവിക്കേണ്ടതിന് അവൻ എല്ലാവർക്കുംവേണ്ടി മരിച്ചു എന്നും ഞങ്ങൾ നിർണയിച്ചിരിക്കുന്നു. (2 കൊരിന്ത്യര്‍ 5:15).

ക്രിസ്തുവിന്‍റെ കാലത്ത് ഏകദേശം 5000 വിശ്വാസികള്‍ ഉണ്ടായിരുന്നു എന്ന് വിശ്വസിക്കപ്പെടുന്നു. ആ വിശ്വാസികളില്‍, മൂന്നു തരത്തിലുള്ള ആളുകള്‍ ഉണ്ടായിരുന്നു. വിശ്വാസികളില്‍ ഭൂരിഭാഗം പേരും യേശുവിന്‍റെ അടുക്കല്‍ രക്ഷയ്ക്കുവേണ്ടി മാത്രം വന്നവരായിരുന്നു. രക്ഷയ്ക്കായി അവര്‍ അവന്‍റെ അടുക്കല്‍ വരികയും അല്പം ആഴത്തില്‍ അവര്‍ അവനെ സേവിക്കയും ചെയ്തു. വളരെ ചുരുങ്ങിയ ഒരു വിഭാഗം, ഏകദേശം 500 എന്ന് പറയാം, ശരിക്കും അവനെ അനുഗമിക്കയും സേവിക്കയും ചെയ്തു. പിന്നെ ശിഷ്യന്മാരും ഉണ്ടായിരുന്നു. ഇവര്‍ യേശുവിനോടുകൂടെ എപ്പോഴും ആയിരുന്നവരായിരുന്നു. യേശു ജീവിച്ചതുപോലെ അവരും ജീവിക്കുവാന്‍ ഇടയായി. ഇവരില്‍ ഓരോരുത്തരും കഠിനമായ സാഹചര്യത്തില്‍ മരണം വരിച്ചവര്‍ ആയിരുന്നു. അവര്‍ വളരെ കഷ്ടത അനുഭവിച്ചു, അത്ഭുതങ്ങള്‍ കണ്ടു, മനുഷ്യനായി ഇറങ്ങിവന്ന ദൈവവുമായി അവര്‍ കൂട്ടായ്മ ആചരിച്ചു.

നിങ്ങളുടെ ജീവിതത്തെ ഇതില്‍ ഏതു കൂട്ടരാണ് പ്രതിനിധികരിക്കുന്നത് എന്ന് നിങ്ങള്‍ പറയുമെങ്കില്‍, നിങ്ങള്‍ ഏതു കൂട്ടത്തില്‍ വരും? - വെറുതെ വിശ്വസിച്ച 5000 പേര്‍, രക്ഷകനില്‍ നിന്നും പഠിച്ചതായ കാര്യങ്ങള്‍ അനുവര്‍ത്തിക്കുവാന്‍ താല്പര്യപ്പെട്ടു അവനെ അനുഗമിച്ച 500 പേര്‍, അല്ലെങ്കില്‍ രക്ഷകന്‍റെ ജീവിതവും ദൌത്യവുമായി പൂര്‍ണ്ണമായി ചേര്‍ന്നുപോയ ആ 12 പേര്‍?

കര്‍ത്താവായ യേശു നമ്മെ ഓരോരുത്തരേയും വിളിച്ചത് അവനോടുകൂടെ പൂര്‍ണ്ണമായി ആയിരിക്കുവാന്‍ വേണ്ടിയാകുന്നു. "നാം അവനിൽ ഇരിക്കുന്നു എന്ന് ഇതിനാൽ നമുക്ക് അറിയാം. അവനിൽ വസിക്കുന്നു എന്നു പറയുന്നവൻ അവൻ നടന്നതുപോലെ നടക്കേണ്ടതാകുന്നു". (1 യോഹന്നാന്‍ 2:5-6). ശരിയായ ക്രിസ്തീയ വിശ്വാസത്തിന്‍റെ അന്തഃസത്ത ഇതാകുന്നു; ക്രിസ്തുവിലുള്ള നമ്മുടെ ദൈവീകമായ വ്യക്തിത്വത്തെ ആലിംഗനം ചെയ്യുവാന്‍ നമ്മെ നയിക്കുന്നതായ ഒരു ആത്മീക യാത്രയാകുന്നു ഇത്, കേവലം ഒരു വിശ്വാസത്തില്‍ നിന്നും ക്രിസ്തുവുമായുള്ള അഭേദ്യമായ ഒരു ബന്ധത്തിലേക്ക് നാം പോകും.

ക്രിസ്തുവുമായി ചേര്‍ന്നുള്ള ഒരു ജീവിതം നയിക്കുന്നത് പുറമേ തിളക്കമുണ്ടാക്കുന്നതായ ഒരു ആന്തരീക പരിവര്‍ത്തനം കൊണ്ടുവരുവാന്‍ ഇടയായിത്തീരും. അപ്പോസ്തലനായ പൌലോസ് പറയുന്നതുപോലെ, "ഒരുത്തൻ ക്രിസ്തുവിലായാൽ അവൻ പുതിയ സൃഷ്ടി ആകുന്നു; പഴയത് കഴിഞ്ഞുപോയി, ഇതാ, അതു പുതുതായി തീർന്നിരിക്കുന്നു". (2 കൊരിന്ത്യര്‍ 5:17).

ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 3 നിമിഷമോ അതിലധികമോ പ്രാവശ്യം പ്രര്‍ത്ഥിക്കുക.

വ്യക്തിപരമായ ആത്മീക വളര്‍ച്ച:

ഞാൻ ക്രിസ്തുവിനോടുകൂടെ ക്രൂശിക്കപ്പെട്ടിരിക്കുന്നു; ഇനി ജീവിക്കുന്നത് ഞാനല്ല ക്രിസ്തുവത്രേ എന്നിൽ ജീവിക്കുന്നു; ഇപ്പോൾ ഞാൻ ജഡത്തിൽ ജീവിക്കുന്നതോ എന്നെ സ്നേഹിച്ച് എനിക്കുവേണ്ടി തന്നെത്താൻ ഏല്പിച്ചുകൊടുത്ത ദൈവപുത്രങ്കലുള്ള വിശ്വാസത്താലത്രേ ജീവിക്കുന്നത്.

കുടുംബത്തിന്‍റെ രക്ഷ:

വാഴ്ത്തപ്പെട്ട പരിശുദ്ധാത്മാവേ, എന്‍റെ കുടുംബത്തിലെ ഓരോ അംഗങ്ങളോടും ശുശ്രൂഷിപ്പാന്‍ എന്നെ ശക്തീകരിക്കേണമേ. യേശുവിന്‍റെ നാമത്തില്‍. ആമേന്‍.

സാമ്പത്തീകമായ മുന്നേറ്റം:

പിതാവേ, യേശുവിന്‍റെ നാമത്തില്‍, ആര്‍ക്കും അടയ്ക്കുവാന്‍ കഴിയാത്ത വാതിലുകള്‍ അങ്ങ് എനിക്കുവേണ്ടിയും എന്‍റെ കുടുംബാംഗങ്ങള്‍ക്കു വേണ്ടിയും തുറക്കുന്നതിനാല്‍ ഞാന്‍ അങ്ങേയ്ക്ക് നന്ദി പറയുന്നു. (വെളിപ്പാട് 3:8)

സഭാ വളര്‍ച്ച:

പിതാവേ, യേശുവിന്‍റെ നാമത്തില്‍, എല്ലാ ചൊവ്വ/വ്യാഴം/ശനി ദിവസങ്ങളിലെ കെ എസ് എം തത്സമയ സംപ്രേഷണ പരിപാടിയില്‍ ആയിരങ്ങള്‍ ശ്രദ്ധിക്കുവാന്‍ വേണ്ടി ഞാന്‍ പ്രാര്‍ത്ഥിക്കുന്നു. അവരേയും അവരുടെ കുടുംബത്തേയും അങ്ങയിലേക്ക് തിരിക്കേണമേ കര്‍ത്താവേ. അവര്‍ അങ്ങയുടെ അത്ഭുതം അനുഭവിക്കുവാന്‍ ഇടയാകട്ടെ. അങ്ങയുടെ നാമം ഉയര്‍ത്തപ്പെടുവാനും മഹത്വപ്പെടുവാനും വേണ്ടി സാക്ഷ്യം പറയുവാന്‍ അവരെ ഇടയാക്കേണമേ.

രാജ്യം:

പിതാവേ, യേശുവിന്‍റെ നാമത്താലും യേശുവിന്‍റെ രക്തത്താലും, ദുഷ്ടന്‍റെ പാളയത്തിലേക്ക് അങ്ങയുടെ പ്രതികാരം അയയ്ക്കുകയും ഒരു ദേശമെന്ന നിലയില്‍ ഞങ്ങള്‍ക്ക് നഷ്ടപ്പെട്ട യശസ്സ് പുനഃസ്ഥാപിക്കയും ചെയ്യേണമേ.

പന്ത്രണ്ടില്‍ ഒരുവന്‍

Most Read