അനുദിനവും യേശു കണ്ടുമുട്ടിയിരുന്ന അഞ്ചു തരത്തിലുള്ള ആളുകള്‍ #2

അനുദിനവും യേശു കണ്ടുമുട്ടിയ ആളുകള്‍ എന്ന നമ്മുടെ പഠന പരമ്പര തുടരുകയാണ്, ഇന്ന് മറ്റു ചില കൂട്ടത്തിലുള്ള ആളുകളെ കുറിച്ച് നമുക്ക് നോക്കാം.

ജനങ്ങള്‍ യേശുവിനെ എവിടെയെല്ലാം അനുഗമിച്ചു എന്നതിനെ സംബന്ധിച്ച് വേദപുസ്തകം പലപ്രാവശ്യം സംസാരിക്കുന്നുണ്ട്.
അവൻ അവരെ സൌഖ്യമാക്കി; ഗലീല, ദെക്കപ്പൊലി, യെരൂശലേം, യെഹൂദ്യ, യോർദ്ദാനക്കരെ എന്നീ സ്ഥലങ്ങളിൽ നിന്നു വളരെ പുരുഷാരം അവനെ പിന്തുടർന്നു. (മത്തായി 4:25).

അവൻ രോഗികളിൽ ചെയ്യുന്ന അടയാളങ്ങളെ കണ്ടിട്ട് ഒരു വലിയ പുരുഷാരം അവന്‍റെ പിന്നാലെ ചെന്നു. (യോഹന്നാന്‍ 6:2).

ഒരു ജനക്കൂട്ടം ദൃഷ്ടാന്തീഭവിക്കുന്നത് അവരുടെ വികാരങ്ങള്‍ ഒരു അറ്റത്തുനിന്ന് മറ്റേ അറ്റംവരെയും ആടിയുലയുന്നതിനെയാണ്. ഒരു നിമിഷം അവര്‍ നിങ്ങളെ സ്നേഹിക്കും, അടുത്ത നിമിഷത്തില്‍ അവര്‍ നിങ്ങളെ വെറുക്കുവാനും സാധ്യതയുണ്ട്.

ഒരു നിമിഷം അവര്‍ ഇപ്രകാരം ആര്‍ത്തുവിളിക്കും, "ദാവീദിന്‍റെ പുത്രനു ഹോശന്ന! കര്‍ത്താവിന്‍റെ നാമത്തില്‍ വരുന്നവന്‍ അനുഗ്രഹിക്കപ്പെട്ടവന്‍! അത്യുന്നതങ്ങളില്‍ ഹോശന്നാ!"എന്നാല്‍ ശരിയായ പ്രേരണ കിട്ടികഴിയുമ്പോള്‍, അവര്‍ ഇങ്ങനെ നിലവിളിക്കും, "അവനെ ക്രൂശിക്ക! അവനെ ക്രൂശിക്ക!" ജനക്കൂട്ടത്തിന്‍റെ സത്യസന്ധത സ്വഭാവത്തില്‍ അസ്ഥിരമായതാണ്.

സുവിശേഷം വളരെ ശ്രദ്ധയോടെ പഠിക്കുമ്പോള്‍, യേശുവിന്‍റെ കാലത്ത് അവനെ അനുഗമിച്ചിരുന്ന ജനക്കൂട്ടത്തെ സംബന്ധിച്ചും ഇന്ന് യേശുവിനെ അനുഗമിക്കുന്ന ആളുകളെ സംബന്ധിച്ചും അവര്‍ തമ്മിലുള്ള അതിശക്തമായ സമാനതകള്‍ ഒരുവന് കാണുവാന്‍ കഴിയും.

നാം ഓരോരുത്തരും നമ്മോടുതന്നെ ചോദിക്കേണ്ട ചോദ്യങ്ങള്‍ എന്തെന്നാല്‍:
ഞാന്‍ സഭയില്‍ പോകുമ്പോള്‍, ഞാന്‍ ജനക്കൂട്ടത്തിന്‍റെ ഭാഗമാണോ അല്ലെങ്കില്‍ ഞാന്‍ ഭവനത്തിന്‍റെ ഭാഗമാണോ? ജനക്കൂട്ടം പലപ്പോഴും തങ്ങള്‍ക്ക് എന്ത് കിട്ടുമെന്ന് കാണുവാന്‍ വേണ്ടിയാണ് വരുന്നത്, എന്നാല്‍ അവരെത്തന്നെ നല്കുവാനല്ല.

ഞാന്‍ ആഘോഷത്തിന്‍റെ ഭാഗമാണോ, അഥവാ ദൈവവചനത്തിലെ ആഴമായ സത്യങ്ങള്‍ അവിടെ പഠിപ്പിക്കുമ്പോഴും ഞാന്‍ അവിടെയുണ്ടോ? യേശു പുരുഷാരത്തെ ഉപമകളാല്‍ ഉപദേശിച്ചു എന്നാല്‍ തന്‍റെ ശിഷ്യന്മാര്‍ക്ക് സ്വകാര്യമായി ആഴമേറിയ സത്യങ്ങള്‍ വിശദീകരിച്ചു കൊടുത്തു. (മത്തായി 10:13-17; മര്‍ക്കൊസ് 4:2).

ഞാന്‍ ദൈവത്തെ സേവിക്കുന്നത് ആളുകളുടെ ചിന്തകളെ ആശ്രയിച്ചാണോ, അല്ലെങ്കില്‍ ദൈവവചനം എന്നോടു പറയുന്നതുകൊണ്ട് ഞാന്‍ കര്‍ത്താവിനെ സേവിക്കുകയാണോ ചെയ്യുന്നത്?

ഇതെല്ലാം പ്രയാസമേറിയ ചോദ്യങ്ങളാണ്, എന്നാല്‍ ഇതെല്ലാം ആര്‍ക്കും ഒന്നും മറയ്ക്കുവാന്‍ കഴിയാത്ത കര്‍ത്താവിന്‍റെ മുമ്പാകെ നിങ്ങളുടെ ലക്ഷ്യങ്ങളെ ശരിയായി വയ്ക്കുവാന്‍ ഇടയാക്കും. (എബ്രായര്‍ 4:13).