लहान तडजोडी

बायबल आपल्याला स्पष्टपणे सांगते की एक ख्रिस्ती म्हणून आपण देवाच्या वचना बाबत तडजोड करू नये.

"जे आपले वर्तन चोख ठेवून परमेश्वराच्या नियमशास्त्राप्रमाणे चालतात ते धन्य. जे त्याचे निर्बंध पाळून अगदी मनापासून त्याचा शोध करितात ते धन्य. ते काही अनीतीचे आचरण करीत नाहीत; तर त्याच्या मार्गाने चालतात. तुझेविधी आम्ही मन:पूर्वक पाळावे म्हणून तूं ते आम्हांस लावून दिले आहेत." (स्तोत्र ११९:१-४)

शलमोन हा एक महान राजा होता ज्याने पृथ्वीवर राज्य केले परंतु त्याच्या प्रत्यक्ष दिसणाऱ्या तडजोडीने त्याचा शेवट विनाश मध्ये केला.

अनुवाद १७:१६-१७ मध्ये राजाला देवाचा स्पष्टपणे आदेश होता,

मात्र त्याने फार घोडे बाळगू नयेत; घोडदळ वाढविण्यासाठी लोकांना मिसर देशाकडे पुन्हा धाव घेण्यास लावू नये, कारण त्या मार्गाने जाऊन नये असे परमेश्वराने तुम्हांला सांगितलेच आहे. राजाने पुष्कळ बायका करू नयेत नाहीतर त्याचे मन बहकून जावयाचे; तसेच त्याने स्वतःसाठी सोन्यारुप्याचा फार मोठा साठां करू नये.

परमेश्वराला हे नाही पाहिजे होते की इस्राएल च्या राजांनी प्रत्यक्षात दिसणारे घोडे व रथांवर अवलंबून राहू नये.

परमेश्वराला पाहिजे होते की त्याच्या लोकांनी केवळ त्याच्यावर अवलंबून राहावे.

शलमोन ह्याबाबतीत पूर्णपणे जाणून होता, कारण त्याने नीतिसूत्रे २१:३१ मध्ये लिहिले होते, "लढाईच्या दिवसासाठी घोडा सज्ज करितात, पण यश देणे परमेश्वराकडे असते." घोडे मागविण्याचा विषय हा शलमोन साठी एक शुल्लक गोष्ट दिसत होती, परंतु ती परमेश्वरासाठी महत्वाची होती. ह्या बाबतीत त्याच्या तडजोडीने देवापासून हळूहळू दूर होण्यास त्याची सुरुवात केली.

तडजोडीचा पुढील भाग हा त्याने अनेक बायका केल्या

शलमोन राजा फारोच्या कन्येशिवाय आणखी मवाबी, अम्मोनी, अदोमी, सिदोनी व हित्ती राष्ट्रांतल्या विदेशी स्त्रियांच्या नादी लागला; व त्यांतल्या स्त्रियांवर त्याचे प्रेम जडले. ह्या राष्ट्रांविषयी परमेश्वराने इस्राएल लोकांस सांगितले होते की तुम्ही त्यांच्याशी व्यवहार करू नये व त्यांनी तुमच्याशी व्यवहार करू नये, कारण ते खात्रीने तुमची मने आपल्या देवाकडे वळवितील. त्याच्या सातशे राण्या व तीनशे उपपत्नी होत्या; त्याच्या बायकांनी त्याचे मन बहकविले. (१ राजे ११:१-३)

शलमोन कडे त्याचे कारण असेन की विदेशी स्त्रियांबरोबर विवाह करून कसे राजकीय स्थिरता आणावी वगैरे, परंतु ह्या त्याच स्त्रिया होत्या ज्यांनी त्यास जिवंत परमेश्वरापासून दूर केले.

सैतान हा नेहमीच आपल्याला लहान गोष्टींमध्येनिष्काळजी करण्याद्वारे तो त्याचा मोठा प्रवेश करतो आणि हळूहळू आपल्याला पटवून देतो कीमहत्वाच्या विषयांमध्ये सुद्धा तसेच करीत जावे.

जरतो त्याचा पाय केवळ दरवाज्याजवळ स्थिर करू शकला, तर त्यास वाटते की त्याने विजय मिळविला आहे आणि मग आपल्याला देवापासून दूर करू शकतो. प्रेषित पौल, तथापि, आपल्यालाउपदेश देतो, ".....सैतानाला वाव देऊ नका. (इफिस४:२७)

ह्या वचनावर मनन करा

थोडेसे खमीर सगळा गोळा फुगविते. (गलती ५:९)

द्राक्षीच्या मळ्यांची नासधूस करणाऱ्या खोकडांस, त्या लहान कोल्यांस आम्हांसाठी धरा, कारण आमचे द्राक्षीचे मळे फुलले आहेत. (गीतरत्ने २: १५)

वचनाच्या संबंधात तुमच्या जीवनाच्या कोणत्या भागाशी तुम्ही तडजोड केली आहे? ते खाली लिहा. पश्चाताप करा व त्यावर प्रभुत्व मिळविण्यासाठी त्याची कृपा मागा.

Bible Reading: Nehemiah 10-11

लहान तडजोडी

Most Read