ప్రవచనాత్మక వాక్యాన్ని పొందుకున్న తర్వాత ఏమి చేయాలి?

ప్రవచనాత్మక వాక్యం మీ వినోదం కోసం మాత్రమే కాదు. ఇది పక్కన పెట్టడానికి మరియు మర్చిపోవడానికి కాదు. మీ మార్గంలో ఏ పర్వతాలు నిలిచినప్పటికీ, మీరు సరైన దారిలో ఉండటానికి తండ్రి హృదయం నుండి వచ్చిన సందేశం.

వ్యక్తిగత ప్రవచనాన్ని పొందుకోవడం శక్తివంతమైన మరియు అద్భుతమైన క్షణం. మీరు వ్యక్తిగత ప్రవచనాన్ని పొందుకునప్పుడు, దేవునికి మీ గురించి వ్యక్తిగతంగా తెలుసని మరియు మీ జీవితానికి ఒక ప్రణాళిక ఉందని ఇది మీకు గుర్తుకు వస్తుంది.

నేను వ్యక్తిగత ప్రవచనాన్ని పొందుకున్న తర్వాత ఏమి చేయాలి?
నేను దీనిలోకి వెళ్లే ముందు, వ్యక్తిగత ప్రవచనం అనేది దేవుడు ఇప్పటికే మీకు చూపుతున్నదానికి నిర్ధారణ అని మరియు ప్రాథమిక మార్గదర్శకత్వం కాదని స్పష్టంగా తేలియాజేస్తున్నాను.

1. మీ వ్యక్తిగత ప్రవచనాన్ని వ్రాసుకొండి లేదా రికార్డ్ చేయండి
"యెహోవా నాకీలాగు సెలవిచ్చెను చదువువాడు పరుగెత్తుచు చదువ వీలగునట్లు నీవు ఆ దర్శన విషయమును పలక మీద స్పష్టముగా వ్రాయుము. ఆ దర్శన విషయము నిర్ణయకాలమున జరుగును, సమాప్త మగుటకై ఆతురపడుచున్నది, అది తప్పక నెరవేరును, 

అది ఆలస్యముగా వచ్చినను దానికొరకు కనిపెట్టుకొనుము, అది తప్పక జరుగును, జాగుచేయక వచ్చును" (హబక్కూకు 2:2-3)

హబక్కూకు తనకు లభించిన ప్రవచనాత్మక వాక్యాన్ని వ్రాయమని ప్రభువు ఆదేశించాడు. అదేవిధంగా, మనము ఒక ప్రవచనాత్మక వాక్యాన్ని పొందుకునప్పుడు, ఆ వాక్యాన్ని వ్రాయడానికి మనం ప్రతి ప్రయత్నం చేయాలి. ఇది ఖచ్చితంగా గుర్తుకు తెచ్చుకోవడానికి మరియు అది ఎప్పుడు జరుగుతుందో ఖచ్చితంగా తెలుసుకోవడానికి మనకు వీలు కల్పిస్తుంది.

2. మీ వ్యక్తిగత ప్రవచనాన్ని గురించి ప్రార్థించండి
ప్రవచనాత్మక వాక్యాన్ని పొందుకున్న తర్వాత చేయగలిగే తదుపరి విషయం ప్రార్థన. ప్రార్థనలో ప్రభువు యొద్దకు ప్రవచనాత్మక వాక్యాన్ని తీసుకెళ్లండి. ఈ వాక్యం ప్రభువు యొద్ద నుండో కాదో అని నిర్ధారిస్తుంది. అలాగే, ప్రభువు మీకు అంతర్దృష్టులను మరియు మీరు పొందుకున్న వాక్యం గురించి ఎలా ముందుకు వెళ్లాలనే దానిపై కార్యాచరణ ప్రణాళికను ఇస్తాడు.

3. మీ ప్రవచనంతో ఆధ్యాత్మిక యుద్ధం చేయండి
నా కుమారుడువైన(పిల్లవైన) తిమోతీ, నీవు విశ్వాసమును మంచి మనస్సాక్షియు కలిగినవాడవై, నిన్నుగూర్చి ముందుగా చెప్పబడిన ప్రవచనముల చొప్పున ఈ మంచి పోరాటము పోరాడవలెనని వాటినిబట్టి యీ ఆజ్ఞను నీకు అప్పగించుచున్నాను.(1 తిమోతి 1:18)

అపొస్తలుడైన పౌలు తన ఆధ్యాత్మిక కుమారుడైన తిమోతికి తాను పొందుకున్న ప్రవచనాలను గుర్తు చేశాడు మరియు ఆధ్యాత్మిక యుద్ధాన్ని చేయమని ప్రోత్సహించాడు, అతడు పొందుకున్న ప్రవచనాత్మక వాక్యం పట్ల పట్టు కలిగి ఉన్నాడు.

ఒక వ్యక్తి ప్రవచనాత్మక వాక్యాన్ని పొందుకునప్పుడల్లా ఇది ముఖ్యమైన కారణాల్లో ఒకటి; శత్రువు అతను లేదా ఆమె పొందుకున్న వాక్యం యొక్క సంభావ్యతను తెలుసుకున్న వ్యక్తికి వ్యతిరేకంగా వస్తాడు. అలాంటి సమయాల్లో, ఆ వ్యక్తి వాక్యముకు కట్టుబడి ఉండి చీకటి శక్తులకు వ్యతిరేకంగా యుద్ధం చేయాలి మరియు వెనుకడుగు చేయకూడదు.

Bible Reading: Isaiah 31-34