దేవుని అత్యంత స్వభావము

అయితే ఆత్మ ఫలమేమనగా (ఆయన సన్నిధి సమక్షంలో నెరవేర్చబడే గొప్ప కార్యము), ప్రేమ, సంతోషము (ఆనందం), సమాధానము, దీర్ఘశాంతము (సమానత్వం, సహనం), దయాళుత్వము, మంచితనము (పరోపకారం), విశ్వాసము, సాత్వికము (సౌమ్యత, వినయం), ఆశా నిగ్రహము (స్వీయ నిగ్రహం, నిర్బంధం). ఇట్టి వాటికి విరోధమైన నియమమేదియు (అది కార్యము చేయగలదు) లేదు.

ఆ తొమ్మిది లక్షణాలు, ఆత్మ ఫలం, దేవుని స్వభావం మరియు స్వరూపం. అవి మన ప్రభువైన యేసుక్రీస్తు స్వభావం మరియు స్వరూపం.

ఆయన నడిచే, మాట్లాడే విధానం ఆత్మ ఫలం యొక్క వ్యక్తీకరణం. ఆత్మ ఫలం క్రీస్తు యొక్క "సారూప్యము".

ఎందుకనగా తన కుమారుడు అనేక సహోదరులలో జ్యేష్ఠుడగునట్లు, దేవుడెవరిని ముందు ఎరిగెనో, వారు తన కుమారునితో సారూప్యము గలవారవుటకు వారిని ముందుగా నిర్ణయించెను. (రోమీయులకు 8:29)

వాస్తవానికి, దేవుని వాక్యం మరియు అభిషేకం యొక్క అంతిమ ఉద్దేశ్యం మనలను మార్చడం మరియు మన స్వభావం ఆయన వలె మార్చబడటం. 

గుర్తుంచుకోండి, ప్రభువైన యేసయ్య ఇలా అన్నాడు, "మీరు బహుగా ఫలించుట వలన నా తండ్రి ఘనపరచబడును మరియు మహిమపరచబడును, మరియు మీరు నా నిజమైన శిష్యులగా నిరూపించబడతారు మరియు నిరూపించుకుంటారు." (యోహాను 15:8)

ప్రజలు ఆత్మ ఫలం లేకుండా పరిశుద్ధాత్మ వరముతో పనిచేయడానికి ప్రయత్నించినప్పుడు, వరము చివరికి భ్రష్టమైపోవును మరియు దాని సంపూర్ణతతో పనిచేయదు.

అలాంటి వరాలను దుర్వినియోగం చేయడం వల్ల తండ్రికి ఎలాంటి మహిమ పొందుకోడు. అందువల్ల, మీరు ఆయన సన్నిధిలో చేరి ఉండడం మరియు ఫలించడం చాలా అవసరం. పరిశుద్ధాత్మ యొక్క వరములు ఎల్లప్పుడూ ఆత్మ ఫలం యొక్క శక్తివంతమైన ప్రభావంతో సమానంగా ఉపయోగించబడతాయి.

కఱ్ఱ యొక్క కథ సంఖ్యాకాండము 17లో చదువుతాము; దేవుడు ఒక ప్రధాన యాజకుడిని ఎన్నుకున్నాడు మరియు ప్రతి గోత్రం నుండి ఒక వ్యక్తి తన కఱ్ఱను తీసుకువచ్చి ప్రత్యక్షపు గుడారం తలుపు ముందు ఉంచమని మోషేకు ఆజ్ఞాపించాడు. చిగిరించిన కఱ్ఱ యాజకుని కోసం తన ఎంపికకు సూచనగా ఉంటుందని దేవుడు చెప్పాడు.

మరునాడు మోషే సాక్ష్యపు గుడారము లోనికి వెళ్లి చూడగా లేవి కుటుంబపుదైన అహరోను కఱ్ఱ చిగిర్చి యుండెను. అది చిగిర్చి పువ్వులు పూసి బాదము పండ్లుగలదాయెను. (సంఖ్యాకాండము 17:8)

ప్రభువైన యేసయ్య ఇలా అన్నాడు, "వారి ఫలములను బట్టి మీరు వారిని తెలిసికొందురు..." (మత్తయి. 7:16). ప్రధాన యాజకుని దేవుడు ఎన్నుకున్నాడని కఱ్ఱ మీద పండు ద్వారా తెలిసింది.

Bible Reading: Micah 4-7; Nahum 1