संपन्नतेसाठी विसरलेली किल्ली

प्रत्येक प्रार्थना अस्त्र कमीत कमी २ मिनिटे पुन्हा म्हणा

सात्विकांच्या दिनचर्येकडे परमेश्वराचे लक्ष असते; त्यांचे वतन सर्वकाळ टिकेल. ते विपत्काली लज्जित होणार नाहीत; ते दुष्काळाच्या दिवसांत तृप्त राहतील. (स्तोत्रसंहिता ३७:१८-१९)

त्या समयी असे होईल की तुझ्या खांद्यावरून त्याचा भार व तुझ्या मानेवरून त्याचे जूं निघेल आणि तुझ्या पुष्टतेमुळे ते मोडून जाईल. (यशया १०:२७)

मी पाण्याच्या प्रवाहाजवळ लाविलेल्या झाडासारखा आहे. जे काही मी करेन त्यात संपन्न होईन. (स्तोत्रसंहिता १:३)

मी न खचलो तर यथाकाळी माझ्या पदरी पीक पडेल. (गलती ६:९)

ख्रिस्त येशूच्या ठायी गौरवाच्या द्वारे माझा देव आपल्या संपत्यनुरूप माझी सर्व गरज पुरवील. (फिलिप्पै ४:१९)

तुमच्या देशासाठी प्रार्थना करण्यास काही वेळ घ्या

१. आज उपासाचा ७वा दिवस आहे. आता अनेकांना ठाऊक आहे, की आपण ऑगस्ट व सप्टेंबर महिन्यात प्रत्येक आठवडयात (मंगळावर, गुरुवार व शनिवारी) उपास करीत आहोत. ह्या उपास करण्यास 5 महत्वाचे उद्देश आहेत.

२. प्रत्येक प्रार्थना मुद्द्यांसाठी कमीतकमी 3 मिनिटे किंवा जास्त वेळ प्रार्थना केली पाहिजे.

३. तसेच ह्या प्रार्थना मुद्द्यांना ज्या दिवशी तुम्ही उपास करीत नाहीत तेव्हा तुमच्या आध्यात्मिक वाढी साठी वापर करा.

व्यक्तिगत आध्यात्मिक वाढ
परमेश्वर पित्या, तुझ्या वचनात मला स्थिर कर, असे होवो की तुझ्या वचनाने माझ्या जीवनात फळ उत्पन्न करावे. शांतिदात्या परमेश्वरा, मला तुझ्या वचनाने शुद्ध कर, कारण तुझे वचन हेच सत्य आहे. येशूच्या नांवात. आमेन.

कुटुंबाचे तारण
परमेश्वर पित्या, मी तुला विनंती करीत आहे की माझ्या कुटुंबाच्या सर्व सदस्यांवर कार्य कर की ख्रिस्ताचे सत्य स्वीकारावे. त्यांना असे हृदय दे की येशू ख्रिस्ताला प्रभु, परमेश्वर व तारणारा असे जाणावे. त्यांच्या संपूर्ण हृदयाने त्यांना तुझ्याकडे वळीव.

आर्थिकतेचा नवीन मार्ग
मी तुला धन्यवाद देतो पित्या, कारण हा तो तूच आहे जो मला संपन्नता प्राप्त करण्यास सामर्थ्य देतो. संपन्नता निर्माण करण्याचे सामर्थ्य मजवर उतरो. येशूच्या नांवात. (अनुवाद ८:१८)

केएसएम चर्च
पित्या, पास्टर मायकल व त्याच्या कुटुंबाचे सदस्ये, कर्मचारी व संघ सदस्य व प्रत्येक व्यक्ति जो करुणा सदन सेवाकार्याशी जुळलेला आहे त्यांस येशूच्या नांवात संपन्न कर.

देश
पित्या, तुझे वचन सांगते की हा तूच आहे जो शासनकर्त्यास आदराच्या उच्च पदावर नियुक्त करतो आणि हा तूच आहे जो पुढाऱ्यांना त्यांच्या उच्च पदावरून काढतो. हे परमेश्वरा, आमच्या देशाच्या प्रत्येक राज्यात, शहरात योग्य पुढारी निर्माण कर. येशूच्या नांवात. आमेन.