english हिंदी తెలుగు മലയാളം தமிழ் ಕನ್ನಡ Contact us आमच्याशी संपर्क साधा स्पॉटिफाय वर ऐका स्पॉटिफाय वर ऐका Download on the App StoreIOS अँप डाउनलोड करा Get it on Google Play अँड्रॉइड अँप डाउनलोड करा
 
लॉग इन
ऑनलाइन देणगी
लॉग इन
  • होम
  • कार्यक्रम
  • थेट प्रसारण
  • टी.वी.
  • नोहाट्यूब
  • स्तुती
  • बातमी
  • डेली मन्ना
  • प्रार्थना
  • अंगीकार
  • स्वप्ने
  • ई पुस्तके
  • भाष्य
  • श्रद्धांजली
  • ओएसिस
  1. होम
  2. डेली मन्ना
  3. दुष्ट आत्म्यांचे प्रवेशाचे मार्ग बंद करणे- ३
डेली मन्ना

दुष्ट आत्म्यांचे प्रवेशाचे मार्ग बंद करणे- ३

Monday, 3rd of March 2025
14 15 187
Categories : आध्यात्मिक युद्ध पश्चाताप पाप शहाणपण सुटका
गलती. ५:१९-२१ मध्ये, प्रेषित पौल देहाच्या कर्मांमध्ये मत्सर आणि हेवा यांस जोडतो, यावर जोर देत की हया नकारात्मक भावना एका व्यक्तीच्या जीवनात स्पष्टपणे उघड, दृश्य आणि दिसून येतात. जेव्हा कोणीतरी त्यांच्या हृदयात मत्सर किंवा हेवा बाळगून असतो, तेव्हा ती लपलेली भावना नाही, परंतु त्याऐवजी सहज लक्षात येण्याजोगे भावना आहेत जे त्यांच्या सभोवतालच्या लोकांद्वारे ओळखले जाऊ शकतात.

खरा धोका उत्पन्न होतो जेव्हा एखादा व्यक्ति मत्सर किंवा हेवा सतत बाळगून राहतो, हे मग खून करण्याच्या सैतानी आत्म्यास त्यांच्या जीवनात प्रवेश करण्यासाठी द्वार उघडते. ही अंधारी शक्ती लोकांना मग मत्सर किंवा हेवा करण्याच्या नावात भयंकर कृत्ये करण्याकडे प्रेरित करते, ज्यामुळे ते त्यांच्या स्वतःला आणि इतरांना अपरिवर्तनीय हानी करण्याकडे नेते.

हेच जे शौलाच्या प्रकरणात घडले, ज्यास युद्धभूमीतील दाविदाच्या यशामुळे आणि त्यानंतरच्या त्याच्या प्रसिद्धीमुळे मत्सर वाटू लागला. त्याने विचार केला की दावीद त्याची सत्ता काढून घेईन.

"७ नृत्य करणाऱ्या स्त्रिया आळीपाळीने येणेप्रमाणे म्हणत: "शौलाने हजारो वधले, दाविदाने लाखो वधले." ८ हे ऐकून शौलाला फार क्रोध आला; हे त्यांचे शब्द त्याला आवडले नाहीत; तो म्हणाला, "त्यांनी दाविदाला लाखांचे यश दिले व मला केवळ हजारांचे यश दिले; राज्यावाचून त्याला आणखी काय मिळायचे राहिले?" ९ त्या दिवसापासून पुढे शौलाने दाविदावर डोळा ठेवला. १० दुसऱ्या दिवशी शौलाच्या ठायी देवाकडील दुरात्मा जोराने संचरला, व तो आपल्या मंदिरात बडबडू लागला; दावीद आपल्या नित्यक्रमाप्रमाणे वीणा वाजवत होता; आणि शौलाच्या हाती भाला होता." (१ शमुवेल १८:७-१०)

लोकांची दाविदाप्रती प्रशंसा इतकी विलक्षण होती त्यामुळे राजा शौलामध्ये मत्सराची तीव्र भावना उत्पन्न झाली की, त्या दिवसापासून पुढे तो दाविदाला मारून टाकण्याचा विचार करू लागला. त्याच्या घातक मत्सराच्या इर्षेने खुनाच्या द्वेषपूर्ण आत्म्यासाठी दार उघडले, ज्याने त्याच्या निश्चयास प्रेरित केले की दाविदाचा वध करावा, हे अनियंत्रित मत्सराच्या विनाशक सामर्थ्यास प्रदर्शित करते.

हीच गोष्ट काइनच्या बाबतीत घडली जेव्हा देवाला त्याचे अर्पण आवडले नाही पण काइनाचा भाऊ हाबेलचे अर्पण त्याने स्वीकारले. मत्सर व क्रोधाने भरून, त्याने त्याचा भाऊ हाबेलास ठार केले. (उत्पत्ति ४:१-८ पाहा). शेवटी, मत्सर नेहमीच त्याच्या क्रोधाच्या उद्दिष्ट्यास मारून टाकू इच्छितो.

म्हणून, शौलामध्ये खुनाच्या आत्म्यासाठी प्रवेशाचा मार्ग हे मत्सराचे पाप होते. शौलाने या पापाचा कधीही पश्चाताप केला नाही, आणि तसेच इतर मार्गांमध्ये देखील, त्याने देवाची आज्ञा मोडली होती, शमुवेल संदेष्ट्याद्वारे प्रभूची विशेष आज्ञा पाळण्याचा नकार केला होता (१ शमुवेल १३:१-१४; १५:१-२२ पाहा), आणि दैवज्ञांच्या माध्यमाचा देखील सल्ला घेतला (१ शमुवेल २८:३-१९ पाहा).

हे महत्वाचे आहे हे समजणे की खुनाचा आत्मा हा केवळ कोणाचा शारीरिक प्राण घेण्याच्या इच्छेच्याही पलीकडे जातो; यामध्ये त्यांचे चारित्र्य, प्रतिष्ठा आणि प्रभावाला बिघडवून टाकण्याची इच्छा देखील सामावलेली असते. जेव्हा दुसऱ्या व्यक्तीप्रती मत्सराची भावना निर्माण होते, तेव्हा तुम्ही अनावश्यकपणे त्यांच्या मृत्यूची इच्छा बाळगणार नाही, परंतु तुम्ही ती कृत्ये किंवा आचरणात व्यस्त व्हाल जे त्यांच्या प्रतिमेस खराब करण्याचे ध्येय ठेवेल किंवा त्याच्या यशाला कमी लेखेल, जरी ते सूक्ष्म मार्गांनी जसे की खोटे पसरविणे किंवा सामाजिक माध्यमांवर गोष्टींमध्ये फेरबदल करणे इत्यादी. बायबल शिकविते की एखाद्याच्या प्रती द्वेष किंवा अन्यायकारक क्रोध बाळगणे हे आपल्या हृदयात खून करण्यासारखे आहे.

"२१ खून करू नकोस आणि जो कोणी खून करील तो न्यायसभेच्या दंडास पात्र होईल, असे प्राचीन लोकांना सांगितले होते, हे तुम्ही ऐकले आहे. २२ मी तर तुम्हांला सांगतो, जो कोणी आपल्या भावावर [उगाच] रागावेल तो न्यायसभेच्या शिक्षेस पात्र होईल; जो कोणी आपल्या भावाला, 'अरे वेडगळा,' असे म्हणेल तो वरिष्ठ सभेच्या शिक्षेस पात्र होईल आणि जो कोणी त्याला 'अरे मुर्खा,' असे म्हणेल, तो नरकाग्नीच्या शिक्षेस पात्र होईल." (मत्तय ५:२१-२२)

तुमच्या स्वतःला विचारा: "मी कोणाबद्दल मत्सर बाळगून आहे काय? मी दुसऱ्या व्यक्तीच्या वरदानाबद्दल किंवा त्याच्याप्रती देवाच्या कृपेबद्दल किंवा त्यावर देवाच्या आशीवार्दाबद्दल हेवा करतो काय?" हे असू शकते की हा व्यक्ति तुमच्यापेक्षा अधिक यशस्वी, अधिक अभिषिक्त, किंवा दिसण्यास अधिक चांगला असेल. जर तुम्ही कोणत्याही प्रकारच्या पुढारीपणाच्या पदावर असाल, तर तुम्ही कोणाबद्दल मत्सर बाळगून आहात काय जो तुमच्यावर अधिकारी आहे किंवा एखादा तुमच्या अधिकारात आहे आणि तो विशेषतः प्रतिभावान असल्याचे दिसते?

तुमच्या मत्सरासाठी कोणतेही विशेष कारण असले तरी, मला तुम्हांला चेतावणी देऊ द्या की वारंवार मत्सर हे खून करण्याच्या आत्म्याला दार उघडेल. पश्चाताप करा आणि शौलासारखे शापाच्या अधीन असण्यापासून पळा! या क्षणी दुष्ट आत्म्याला काढून टाकण्याचा निर्णय करा आणि तुमच्या जीवनात देवासाठी आज्ञाधारक होणे आणि आत्म्याची फळे विकसित करण्याद्वारे हे प्रवेश करण्याचे मार्ग कायमचे बंद करा.

"२२ आत्म्याच्या द्वारे निष्पन्न होणारे फळ, प्रीती, आनंद, शांती, सहनशीलता, ममता, चांगुलपणा, विश्वासूपणा, २३ सौम्यता, इंद्रियदमन हे आहे, अशांविरुद्ध नियमशास्त्र नाही." (गलती. ५:२२-२३)



Bible Reading: Deuteronomy 7-9
प्रार्थना
पित्या, मला नम्रतेचे दान दे, की मी माझ्या स्वतःची ताकद आणि कमकुवतपणा ओळखावा आणि मत्सरावाचून इतरांची दाने व प्रतिभांची प्रशंसा करावी. तुझ्या प्रीतीने माझे अंत:करण भर की मी इतरांवर प्रीती करावी जसे तू मजवर प्रीती करतो आणि विभाजनपेक्षा एकतेसाठी प्रयत्न करावे. येशूच्या नावाने. आमेन!


Join our WhatsApp Channel


Most Read
● कृपेचे दान
● छाटण्याचा समय– २
● मृतामधून प्रथम जन्मलेला
● तुम्ही प्रार्थना करा, तो ऐकतो
● टिकणारे बदल तुमच्या जीवनात कसे आणावे – २
● देव आज मला पुरवठा करू शकतो काय?
● चांगले हे उत्तमतेचे शत्रू आहे
टिप्पण्या
संपर्क
फ़ोन: +91 8356956746
+91 9137395828
व्हाट्स एप: +91 8356956746
ईमेल: [email protected]
पता :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
आमच्या सामाजिक नेटवर्कवर सामील व्हा!
Download on the App Store
Get it on Google Play
मेलिंग यादीमध्ये सामील व्हा
अन्वेषण
कार्यक्रम
थेट प्रसारण
नोहाट्यूब
टी.वी.
देणगी
डेली मन्ना
स्तुती
अंगीकार
स्वप्ने
संपर्क
© 2025 Karuna Sadan, India.
➤
लॉग इन
कृपया या साईट वर टिपणी आणि कंमेंट करण्यासाठी आपल्या NOAH खात्यावर प्रवेश करा |
लॉग इन