దేవుని 7 ఆత్మలు: ప్రభువు యొక్క ఆత్మ

యెషయా ప్రవక్త పేర్కొన్న ఏడు ఆత్మలలో మొదటిది ప్రభువు యొక్క ఆత్మ. దీనిని రాజ్యమేలే ఆత్మ లేదా ఆధిపత్యం యొక్క ఆత్మ అని కూడా అంటారు.

సేవ చేసే శక్తితో మనల్ని అభిషేకించేవాడు ఆయనే. పాత మరియు క్రొత్త నిబంధనలలో ఆయనను వర్ణించిన ప్రతిసారీ, ఆయన ఎల్లప్పుడూ "వచ్చినప్పుడు."

న్యాయాధిపతులు 6లో, శత్రు దేశాలు ఇశ్రాయేలు సరిహద్దుల్లో యుద్ధానికి తమ గుడారాన్ని వేసినప్పుడు, అది ఇలా సెలవిస్తుంది: ​యెహోవా ఆత్మ గిద్యోనును మీదికి వచ్చెను. అతడు బూర ఊదినప్పుడు అబీయెజెరు కుటుంబపువారు అతని యొద్దకు వచ్చిరి (న్యాయాధిపతులు 6:34)

సమ్సోనును కట్టివేసి ఫిలిష్తీయులచే బంధింపబడినప్పుడు, బైబిలు ఇలా సెలవిస్తుంది: అతడు లేహీకి వచ్చువరకు ఫిలిష్తీయులు అతనిని ఎదుర్కొని కేకలు వేయగా, యెహోవా ఆత్మ అతని మీదికి బలముగా వచ్చినందున అతని చేతులకు కట్టబడిన తాళ్లు అగ్ని చేత కాల్చబడిన జనుపనారవలె నాయెను; సంకెళ్లును అతనిచేతులమీదనుండి విడిపోయెను. అతడు గాడిదయొక్క పచ్చి దవడ యెముకను కనుగొని చెయ్యి చాచి పట్టుకొని దానిచేత వెయ్యిమంది మనుష్యులను చంపెను. (న్యాయాధిపతులు 15:14-15)

ప్రభువు ఆత్మ మీ మీదికి వచ్చిన తర్వాత, మీరు ఇక సామాన్య వ్యక్తులు కారు. దేవుని చిత్తానికి అనుగుణంగా ఏదైనా చేసే ధైర్యం మీకు ఉంటుంది. "దేవుడు మనకు శక్తియు ప్రేమయు, ఇంద్రియ నిగ్రహమునుగల ఆత్మనే యిచ్చెను గాని పిరికితనముగల ఆత్మ నియ్యలేదు." (2 తిమోతి 1:7)

యేసు ప్రభువు గొప్ప శబ్దముతో ప్రకటించాడు,
" ప్రభువు ఆత్మ నా మీద ఉన్నది బీదలకు సువార్త ప్రకటించుటకై ఆయన నన్ను అభిషేకించెను చెరలోనున్న వారికి విడుదలను, గ్రుడ్డివారికి చూపును, (కలుగునని) ప్రకటించుటకును నలిగి ప్రభువు హితవత్సరము ప్రకటించుటకును ఆయన నన్ను పంపియున్నాడు" (లూకా 4:18-19)

నేను పరిచర్య చేయకముందే చాలా సార్లు, ప్రభువు ఆత్మ యొక్క అభిషేకం నా మీదకు రావాలని నేను ఎదురు చూస్తుండేవని. అప్పటి నుండి అది నేను కాదు అని మీరు ఖచ్చితంగా అనుకోవచ్చు. నేను పూర్తిగా భిన్నమైన వ్యక్తిని.

మంచి శుభవార్త ఏమిటంటే, ప్రభువైన యేసుపై ఉన్న అదే ప్రభువు ఆత్మ మనపై కూడా ఉంది. మీరు మరియు నేను యేసు ప్రభువు చేసిన ప్రతి శక్తివంతమైన కార్యాలను మరి ఎక్కువగా చేయగలము.

ప్రతి ప్రార్థన అంశము తప్పనిసరిగా  3  నిమిషాలు మరియు అంతకంటే ఎక్కువ ప్రార్థన చేయాలి.

వ్యక్తిగత ఆధ్యాత్మిక వృద్ధి

ప్రభువు ఆత్మ నామీద ఉంది. నేను యేసు నామంలో గొప్ప మహా కార్యాములను చేయుదును.

కుటుంబ రక్షణ

తండ్రీ, రక్షణ యొక్క కృపకై కోసం నేను నీకు వందనాలు చెల్లిస్తున్నాను; తండ్రీ, నీ కుమారుడైన యేసును మా పాపాల కోసం చనిపోవడానికి పంపినందుకు వందనాలు. తండ్రీ, యేసు నామమున, (ప్రియమైన వ్యక్తి పేరును పేర్కొనండి) నీ జ్ఞానంలో ప్రత్యక్షతను  దయచేయి. నిన్ను ప్రభువు మరియు రక్షకునిగా తెలుసుకునేందుకు వారి కళ్ళు తెరువు.

ఆర్థిక అభివృద్ధి

తండ్రీ, యేసు నామములో, నా పిలుపును నెరవేర్చడానికి ఆర్థిక అభివృద్ధి కోసం నేను నిన్ను వేడుకుంటున్నాను. నీవు గొప్ప పునరుద్ధరణకర్తవి.

KSM సంఘ ఎదుగుదల

తండ్రీ, KSM యొక్క సమస్త పాస్టర్‌లు, గ్రూప్ సూపర్‌వైజర్లు మరియు J-12 లీడర్‌లు నీ వాక్యంలో మరియు ప్రార్థనలో వృద్ధి చెందేలా చేయి. అలాగే, KSMతో అనుసంధానించబడిన ప్రతి వ్యక్తి నీ వాక్యం మరియు ప్రార్థనలో వృద్ధి చెందేలా చేయి. యేసు నామములో.

దేశం

తండ్రీ, యేసు నామములో, మా దేశ సరిహద్దులలో శాంతి కోసం ప్రార్థిస్తున్నాము. మా దేశంలోని ప్రతి రాష్ట్రంలో శాంతి మరియు గొప్ప అభివృద్ధి కోసం మేము ప్రార్థిస్తున్నాము. మా దేశంలో నీ సువార్తకు ఆటంకం కలిగించే ప్రతి శక్తిని నాశనం చేయి. ఆమెన్.