దేవుని వాక్యం మిమ్మల్ని అభ్యంతరపరుస్తుందా?

యేసు తన శిష్యులు దీనిని గూర్చి సణుగుకొనుచున్నారని తనకు తానే ఎరిగి వారితో ఇట్లనెను - ''దీని వలన మీరు అభ్యంతరపడుచున్నారా?

యోహాను 6లో, యేసు తనను తాను పరలోకపు రొట్టెగా అభివర్ణించాడు. తన శరీరము మరియు రక్తము ఒక వ్యక్తిని నిత్యజీవము కొరకు పోషించునని కూడా చెప్పాడు. అది విన్న పరిసయ్యులు, సద్దూకయ్యులు జీర్ణించుకోలేక చాలా బాధపడ్డారు. తప్పుగా బోధించిన యేసును మతబోధకుడని అని వారు ముద్రవేశారు.

ఆ సమయంలో, "ఆయన శిష్యులలో అనేకులు ఈ మాట విని - ఇది కఠినమైన మాట, ఇది ఎవడు వినగలడని చెప్పుకొనిరి." ఆయన శిష్యులలో చాలా మంది ఆయనను వెంబడించలేదని కూడా లేఖనం స్పష్టంగా సెలవిస్తుంది. (యోహాను 6:60,66)

ఆయన అత్యంత సన్నిహిత శిష్యులు కూడా అభ్యంతర చెందే దశలో ఉన్నారు. ఆ సమయంలో యేసు వారిని ఇలా అడిగాడు, "దీని వలన మీరు అభ్యంతరపడుచున్నారా?"

నిజమేమిటంటే, మిమ్మల్ని అభ్యంతరపరిచే విధంగా వాక్యంలో ఎప్పుడూ ఏదో ఒకటి ఉంటుంది. క్షమాపణ గురించి ఒక సందేశాన్ని బోధించడం నాకు గుర్తుంది, మరియు నన్ను ఎగతాళి చేసిన ఒక వ్యక్తి అప్పుడు జనంలో ఉన్నాడు. అయితే, ఆ రోజు నేను బోధించిన వాక్యం అతన్ని దోషిగా నిలబెట్టింది, మరియు అతడు తన జీవితాన్ని ప్రభువుకు సమర్పించాడు. ఈ రోజు, ఈ వ్యక్తి మన సంఘ సభ్యుడు.

ఎవరైనా మన సంప్రదాయాలు లేదా భావోద్వేగాలతో సరికాని నిజాలను పంచుకున్నప్పుడు, అది మనల్ని బాధిస్తుంది మరియు అభ్యంతరపరుస్తుంది. దానిని దేవుని వాక్యంగా చూడడానికి బదులుగా మరియు మరింత అవగాహన కోసం పరిశుద్ధాత్మను అడగడానికి బదులుగా, మనం మనస్తాపం చెందుతాము.

యేసయ్య వాక్యమై, ఆ వాక్యము శరీరధారియై యుండెను, మరియు ఇక్కడ ఆయన ఏమని సెలవిచ్చాడో ఒక్కసారి గమనించండి, "మరియు నా విషయమై అభ్యంతరపడనివాడు ధన్యులు" (మత్తయి 11:6). మీరు వాక్యాన్ని మిమ్మల్ని అభ్యంతరపరచడానికి అనుమతించనప్పుడు, దానికి బదులుగా వాక్యం మిమ్మల్ని రూపించడానికి అనుమతించినప్పుడు, మీరు ధన్యులు.