உங்கள் வேலையைப் பிசாசு எப்படித் தடுக்கிறான்

கவனச்சிதறல் மிகவும் வெற்றிகரமான கருவிகளில் ஒன்றாகும், இது எதிரி (பிசாசு) தேவனின் பிள்ளைகளுக்கு எதிராக அவர்களின் தெய்வீக வேலையை நிறைவேற்றுவதைத் தடுக்கிறது.

“தேவையானது ஒன்றே, மரியாள் தன்னை விட்டெடுபடாத நல்ல பங்கைத் தெரிந்துகொண்டாள் என்றார்.” ‭‭லூக்கா‬ ‭10‬:‭42‬

எதிரி செய்ய வேண்டியதெல்லாம், நாம் அழைக்கப்படும் ஒரு முதன்மைப் பணியிலிருந்து நமது பார்வையை மாற்றுவதுதான். எதிரி நம் கவனத்தை பல விஷயங்களில் வெற்றிகரமாக மாற்றினான். பெரும்பாலானவர்கள் எல்லாத் திசைகளிலும் நடக்கத் தொடங்கி, விரக்தியடைந்து, மனச்சோர்வடைந்த நிலையில்ல நடந்துக்கொண்டிருப்பதே இதின் முடிவாகும்.

பல ஆண்டுகளாக, எதிரி தேவனால் கொடுக்கப்பட்ட பணியிலிருந்து ஜனங்களை எவ்வாறு திசை திருப்புகிறான் என்பதை நான் பார்த்திருக்கிறேன். சிலருக்கு, மது வழங்குகிறான்; சிலருக்கு, அவன் போதை பொருட்கள் மற்றும் பிற பொருட்களை வழங்குகிறான். சிலருக்கு, மக்களை ஒரு நாளைக்கு மணிக்கணக்கில் கட்டுக்குள் வைத்திருக்கும் பாதிப்பில்லாத இணைய விளையாட்டுகளை அவன் வழங்குகிறான். பலனற்ற நாட்களும் வாரங்களும் கடந்து செல்கின்றன.

ஒரு சமயம் தங்கள் சபையில்ல நடந்த உண்மைச் சம்பவத்தைப் பற்றி ஒரு போதகர் என்னிடம் பகிர்ந்து கொண்டார். சில ஆண்டுகளுக்கு முன்பு, ஒரு இளம் பெண் அவர்களது ஆராதனைகளில் தவறாமல் கலந்து கொண்டாள். அவள் மிகவும் ஜெபித்து, பரிசுத்த ஆவியால் நிரப்பப்பட்டாள். அவள் பாடகர் குழுவை வழிநடத்துவாள், வேதத்தை வாசிப்பாள், ஜனங்களுக்கு ஜெபம் செய்வாள்.

ஒரு குறிப்பிட்ட நாள், ஒரு வாலிபன் அவர்களின் ஆராதனையில் கலந்து கொள்ள ஆரம்பித்தான். அவர் சபையில் கூட சரியாக வரவில்லை விரைவில் இந்த பெண் அவனுடன் பேச ஆரம்பித்தாள், சில காரணங்களைச் சொல்லி ஆராதனைகளை தவிர்த்துவிடுவாள். மூன்று மாதங்கள் கூட ஆகவில்லை, அப்பெண்ணுக்கு திருமணமாகிய செய்தி போதகருக்கு கிடைத்தது. சபை ஒருபுறம் இருக்க, அதன் பிறகு நகரமெங்கும் உள்ள கிறிஸ்தவ கூட்டங்களில் கூட அவளைக் காணவில்லை. வருத்தம் ஆனால் உண்மை!

இப்படித்தான் பிசாசு தகாத உறவுகளைப் பயன்படுத்தி மக்களைத் தங்கள் பணிகளில் இருந்து விலக்கிக் கொள்கிறான். எல்லா உறவுகளும் தவறு என்று நான் சொல்லவில்லை. இருப்பினும், தவறான நேரத்தில் சரியான உறவு கூட ஒரு பேரழிவை ஏற்படுத்தும்.

“ஆலோசனையில்லாத இடத்தில் ஜனங்கள் விழுந்துபோவார்கள்; அநேக ஆலோசனைக்காரர் உண்டானால் சுகம் உண்டாகும்.”

‭‭நீதிமொழிகள்‬ ‭11‬:‭14‬

வேதம் நம்மை எச்சரிக்கிறது, “தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான்.” ‭‭1 பேதுரு‬ ‭5‬:‭8‬

ஒவ்வொரு ஜெபக்குறிப்பையும் குறைந்தது இரண்டு நிமிடங்கள் அல்லது அதற்கு மேல் ஜெபிக்க வேண்டும்

தனிப்பட்ட ஆவிக்குரிய வளர்ச்சி

பிதாவே, இயேசுவின் நாமத்தில், பகுத்தறிவு தாரும் உம்மிடம் ஜெபிக்கிறேன். உமது வழிகளில் நான் வளர உதவும். சரியான நபர்களுடன் என்னைச் சூழ்ந்துகொள்ளும். பிதாவே, இயேசுவின் நாமத்தில், எனது உண்ணதப் பணியிலிருந்து என்னைத் தடுக்கும் ஒவ்வொரு கவனச்சிதறல் ஆவியையும் நான் பிணைக்கிறேன். ஆமென்!

குடும்ப இரட்சிப்பு

பரிசுத்த ஆவியின் அக்கினி இயேசுவின் நாமத்தினாலே என் மீதும் என் குடும்ப உறுப்பினர்கள் மீதும் மீண்டும் விழுகிறது. ஆண்டவரே, என் வாழ்க்கையில், என் குடும்பத்தில் பரிசுத்தமில்லாத அனைத்தையும் உமது அக்கினி இயேசுவின் நாமத்தினாலே எரிக்கட்டும்.

பொருளாதார முன்னேற்றம்

உதவிக்காக என்னைப் பார்ப்பவர் ஏமாற்றமடையமாட்டார். என் தேவைகளைப் பூர்த்தி செய்வதற்குப் போதுமானதை விட அதிகமாகவும், தேவைப்படும் மற்றவர்களுக்குக் கொடுப்பதற்கும் ஏராளமாக இருக்கும். நான் கடன் கொடுப்பவன், கடன் வாங்குபவன் அல்ல. இயேசுவின் நாமத்தினாலே.

கேஎஸ்எம் சபை

பிதாவே, பாஸ்டர் மைக்கேல், அவரது குடும்ப உறுப்பினர்கள், ஊழியர்கள் மற்றும் குழு உறுப்பினர்கள் இயற்கைக்கு அப்பாற்பட்ட ஞானம், புரிதல், அறிவுரை வலிமை, அறிவு மற்றும் கர்த்தருக்குப் பயந்து நடக்க பிரார்த்தனை செய்கிறேன் (ஏசாயா 11:2-3)

தேசம்

பிதாவே, உமது நீதி எங்கள் தேசத்தை நிரப்பட்டும். எங்கள் தேசத்திற்கு எதிரான இருள் மற்றும் அழிவு சக்திகள் அனைத்தும் அழிக்கப்படட்டும். எங்கள் தேசத்தின் ஒவ்வொரு நகரத்திலும், மாநிலத்திலும் அமைதியும் வளமும் நிலவட்டும். இயேசுவின் நாமத்தினாலே.

உங்கள் வேலையைப் பிசாசு எப்படித் தடுக்கிறான்

Most Read