हिंदी मराठी తెలుగు മലയാളം தமிழ் ಕನ್ನಡ Contact us Contact us Listen on Spotify Listen on Spotify Download on the App StoreDownload iOS App Get it on Google Play Download Android App
 
Login
Online Giving
Login
  • Home
  • Events
  • Live
  • TV
  • NoahTube
  • Praises
  • News
  • Manna
  • Prayers
  • Confessions
  • Dreams
  • E-Books
  • Commentary
  • Obituaries
  • Oasis
  1. Home
  2. Daily Manna
  3. ഇപ്പോള്‍ യേശു സ്വര്‍ഗ്ഗത്തില്‍ എന്താണ് ചെയ്യുന്നത്?
Daily Manna

ഇപ്പോള്‍ യേശു സ്വര്‍ഗ്ഗത്തില്‍ എന്താണ് ചെയ്യുന്നത്?

Sunday, 10th of August 2025
1 0 138
Categories : പ്രാര്‍ത്ഥന (Prayer) മദ്ധ്യസ്ഥത (Intercession)
 സമയം, കര്‍ത്താവായ യേശുക്രിസ്തു ഇപ്പോള്‍ സ്വര്‍ഗ്ഗത്തില്‍ എനിക്കും നിങ്ങള്‍ക്കും വേണ്ടി  പക്ഷവാദം  ചെയ്തുകൊണ്ടിരിക്കുകയാണെന്ന് നിങ്ങള്‍ക്ക് അറിയാമോ?

എബ്രായര്‍ 7:25 നമ്മോടു പറയുന്നു, "അതുകൊണ്ടു താൻ മുഖാന്തരമായി ദൈവത്തോട് അടുക്കുന്നവർക്കുവേണ്ടി പക്ഷവാദം ചെയ്‍വാൻ സദാ ജീവിക്കുന്നവനാകയാൽ അവരെ പൂർണമായി രക്ഷിപ്പാൻ അവൻ പ്രാപ്തനാകുന്നു".

അതുപോലെ റോമര്‍ 8:34 നമ്മോടു പറയുന്നു, "ക്രിസ്തുയേശു മരിച്ചവൻ; മരിച്ചിട്ട് ഉയിർത്തെഴുന്നേറ്റവൻതന്നെ; അവൻ ദൈവത്തിന്‍റെ വലത്തുഭാഗത്തിരിക്കയും നമുക്കുവേണ്ടി പക്ഷവാദം കഴിക്കയും ചെയ്യുന്നു".
യേശുക്രിസ്തു മരണത്തില്‍ നിന്നും പുനരുത്ഥാനം പ്രാപിച്ചതിനു ശേഷം, അവന്‍റെ ശുശ്രൂഷ പക്ഷവാദം ചെയ്യുക എന്നതാണ്. പക്ഷവാദം എന്ന ശുശ്രൂഷ യേശുവിന്‍റെ ശുശ്രൂഷ ആകുന്നുവെങ്കില്‍, അത് നമ്മുടേയും ശുശ്രൂഷ ആയിരിക്കണം. പക്ഷവാദത്തിന്‍റെ ശുശ്രൂഷ അന്ത്യ കാല ശുശ്രൂഷയാകുന്നു. 

യേശു സിംഹാസനത്തിനു മുമ്പാകെ പക്ഷവാദം കഴിക്കുന്നു എന്ന സത്യം വ്യക്തമായി സൂചിപ്പിക്കുന്നത് യേശു ജീവിച്ചിരിക്കുന്നുവെന്നും നമ്മുടെ തികഞ്ഞ മഹാപുരോഹിതന്‍ ആയിരിക്കുവാനുള്ള അധികാരം പിതാവിങ്കല്‍ നിന്നും തനിക്കു ലഭിച്ചിരിക്കുന്നു എന്നുമാകുന്നു.

പഴയ നിയമത്തില്‍, ജനങ്ങള്‍ക്ക്‌ പകരമായി പ്രവര്‍ത്തിക്കുവാന്‍ വേണ്ടിയാണ് മഹാപുരോഹിതന്മാരെ നിയമിച്ചിരുന്നത്.
1. യിസ്രായേലിനു വേണ്ടി, അവരുടെ പാപങ്ങള്‍ക്ക്‌ പകരമായി മഹാപുരോഹിതന്‍ യാഗം അര്‍പ്പിക്കുകയും അവര്‍ക്കുവേണ്ടി പ്രാര്‍ത്ഥിക്കുകയും ചെയ്യണമായിരുന്നു. (എബ്രായര്‍ 5:1).
2. എന്നാല്‍ അത് വീണ്ടും വീണ്ടും ചെയ്യണമായിരുന്നു.
3. പുരോഹിതന്‍ മരിച്ചുകഴിഞ്ഞാല്‍, പുതിയ പുരോഹിതന്മാരെ നിയമിക്കുകയും വേണമായിരുന്നു. (എബ്രായര്‍ 7:23).

വ്യത്യാസം എന്തെന്നാല്‍:
1. യേശുവിനു ഒരു പ്രാവശ്യം മാത്രം യാഗം അര്‍പ്പിച്ചാല്‍ മതിയായിരുന്നു. പിന്നീട് അവന്‍ മരണത്തില്‍ നിന്നും ഉയര്‍ത്തെഴുന്നേറ്റു. ഇത് അവന്‍റെ ത്യാഗപരമായ മരണത്തിന്‍റെ നിത്യമായ മൂല്യത്തെയാണ് നമുക്ക് കാണിച്ചുതരുന്നത്.
2. യേശു എന്നെന്നേക്കും ജീവിച്ചിരിക്കുന്നതുകൊണ്ട്, അവസാനമില്ലാതെ നമുക്കുവേണ്ടി പക്ഷവാദം കഴിക്കുവാന്‍ അവന്‍ കഴിവുള്ളവനാകുന്നു. അവന്‍ അത് എന്നെന്നേക്കുമായി തുടരുകയും ചെയ്യുന്നു. (എബ്രായര്‍ 7:24).
ദൈവത്തിന്‍റെ മുമ്പാകെ എപ്പോഴും നമുക്കെതിരായി കുറ്റം ആരോപിക്കുന്ന സാത്താന്‍റെ പ്രവര്‍ത്തികള്‍ക്ക്, യേശുവിന്‍റെ പക്ഷവാദത്തിന്‍റെ ശുശ്രൂഷ തിരിച്ചടി നല്‍കുന്നു. (വെളിപ്പാട് 12:10).
ഒരുപക്ഷേ ചില കാര്യങ്ങള്‍ നിങ്ങളെ അലട്ടുന്നുണ്ടാകാം, അതുകൊണ്ട് നിങ്ങള്‍ക്ക് സമാധാനം ഇല്ലാത്ത അവസ്ഥയിലായിരിക്കാം. ഇപ്പോള്‍ത്തന്നെ അറിയുക, നിങ്ങള്‍ക്കും നിങ്ങളുടെ പ്രിയപ്പെട്ടവര്‍ക്കും വേണ്ടി യേശു പക്ഷവാദം ചെയ്തുകൊണ്ടിരിക്കുകയാണ്. ഈ പരമമായ യാഥാര്‍ത്ഥ്യം നിങ്ങളുടെ ഹൃദയത്തില്‍ സമാധാനം കൊണ്ടുവരുവാന്‍ ഇടയാകും.

Bible Reading: Isaiah 65-66 ; Jeremiah 1
Prayer
കര്‍ത്താവായ യേശുവേ, പിതാവിന്‍റെ മുമ്പാകെ എനിക്കുവേണ്ടി സംസാരിക്കുന്നതിനാല്‍ ഞാന്‍ അങ്ങേയ്ക്ക് നന്ദി പറയുന്നു. അവിടുന്ന് എപ്പോഴും എനിക്കായി പക്ഷവാദം ചെയ്യുന്നുവല്ലോ. മറ്റുള്ളവരുമായും ഈ ആശ്വാസ സന്ദേശം പങ്കുവെക്കുവാന്‍ എന്നെ പഠിപ്പിക്കേണമേ. പക്ഷവാദം ചെയ്യുവാന്‍ എന്നെ പഠിപ്പിക്കേണമേ. ആമേന്‍.

Join our WhatsApp Channel


Most Read
● ഇന്നലകളെ പോകുവാന്‍ അനുവദിക്കുക
● പരിശുദ്ധാത്മാവിനോടുള്ള അവബോധം വളര്‍ത്തുക - 2
● നിങ്ങള്‍ യേശുവിങ്കലേക്ക് എപ്രകാരമാണ് നോക്കുന്നത്?
● കര്‍ത്താവായ യേശുക്രിസ്തുവിനെ അനുകരിക്കുന്നത് എങ്ങനെ.
● കൃപയാല്‍ രക്ഷിയ്ക്കപ്പെട്ടു
● ആസക്തികളെ ഇല്ലാതാക്കുക
● കുടുംബത്തോടൊപ്പം പ്രയോജനമുള്ള സമയം
Comments
CONTACT US
Phone: +91 8356956746
+91 9137395828
WhatsApp: +91 8356956746
Email: [email protected]
Address :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
GET APP
Download on the App Store
Get it on Google Play
JOIN MAILING LIST
EXPLORE
Events
Live
NoahTube
TV
Donation
Manna
Praises
Confessions
Dreams
Contact
© 2025 Karuna Sadan, India.
➤
Login
Please login to your NOAH account to Comment and Like content on this site.
Login