ಹಗರಣದ ಪಾಪಕ್ಕೆ ಅದ್ಭುತ ಕೃಪೆ ಬೇಕು

ವರ್ಗಗಳು: ವಿಮೋಚನೆ ಕೃಪೆ ಪ್ರಲೋಭನೆ

'ಅದ್ಭುತ ಕೃಪೆ' ಎಂಬ ಬಹು ಪ್ರಖ್ಯಾತವಾದ ಒಂದು ಸ್ತುತಿಗೀತೆಯ ಸಾಹಿತ್ಯ ಹೀಗಿದೆ:

ಅದ್ಭುತ ಕೃಪೆ,

ಅದೆಷ್ಟು ಮಧುರ

ನನ್ನಂತಹ ದರಿದ್ರನನ್ನು ರಕ್ಷಿಸಿತು

ಹಿಂದೆ ಕಳೆದುಹೋಗಿದ್ದ ನನ್ನ

ಹುಡುಕಿ ರಕ್ಷಿಸಿದೆ ನನ್ನ

ನಾನು ಕುರುಡನಾಗಿದ್ದೆ,

ಆದರೀಗ ನಾನು ನೋಡುತ್ತಿದ್ದೇನೆ...

ಆತನ ಕಣ್ಣಿನಲ್ಲಿ ಪ್ರೀತಿಯನ್ನು ಕಾಣುತ್ತಿದ್ದೇನೆ.

ಏಕೆಂದರೆ ಮೋಶೆಯ ಮೂಲಕ ಧರ್ಮಶಾಸ್ತ್ರವು ಕೊಡಲ್ಪಟ್ಟಿತು, ಆದರೆ ಕೃಪೆಯೂ ಮತ್ತು ಸತ್ಯವೂ ಯೇಸು ಕ್ರಿಸ್ತನ ಮುಖಾಂತರ ಬಂದವು. (ಯೋಹಾನ 1:17)

ಯೇಸು ಕ್ರಿಸ್ತನ ಸುವಾರ್ತೆಯಲ್ಲಿ ನಮಗೆ ನೀಡಲಾದ ದೇವರ ಕೃಪೆಯು ಸಂಪೂರ್ಣವಾಗಿ ಅದ್ಭುತವಾಗಿದೆ. ನಾವು ನಿಜವಾಗಿಯೂ ಅದಕ್ಕೆ ಅರ್ಹರಲ್ಲ. ದೇವರ ಮಗನಾದ ಯೇಸು ಮಾನವ ರೂಪದಲ್ಲಿ ಇಳಿದು ಬಂದು, ಪರಿಪೂರ್ಣ ಜೀವನವನ್ನು ನಡೆಸಿದನು. ಆದರೆ ಮನುಷ್ಯರಾದ ನಾವು ಆತನನ್ನು ಕೊಲ್ಲಲು ಯಾವುದೇ ಕಾರಣವಿರದಿದ್ದರೂ, ಆತನನ್ನು ಕೊಂದೆವು.

ಆತನು ನಮ್ಮನ್ನು ಪ್ರೀತಿಸಿ ನಮ್ಮನ್ನು ಆತನ ರಕ್ತದ ಮೂಲಕ ತೊಳೆದು ಪಾಪಗಳಿಂದ ಶುದ್ದೀಕರಿಸಿದನು

(ಪ್ರಕಟನೆ 1:5) ಎಂದು ಧರ್ಮಗ್ರಂಥವು ಹೇಳುತ್ತದೆ.ಅಷ್ಟೇ ಅಲ್ಲದೆ ಹೀಗೆ ನಾವು ಆತನ ಪುತ್ರರು ಮತ್ತು ಪುತ್ರಿಯರಾಗಲು ಆತನು ತನ್ನ ಬೇಷರತ್ತಾದ ಕೃಪೆಯನ್ನು ನಮಗೆ ದಯಪಾಲಿಸಿದನು.

ಬಹುಶಃ ದಾವೀದನ ಜೀವನದಲ್ಲಿ ಕಾಣುವಷ್ಟು ಸ್ಪಷ್ಟವಾಗಿ ದೇವರ ಕೃಪೆಯ ಚಿತ್ರಣವನ್ನು ಬೇರೆಲ್ಲಿಯೂ ನಾವು ಕಾಣಲು ಸಾಧ್ಯವಿಲ್ಲ ಎನಿಸುತ್ತದೆ. ಯೇಸುವಿನ ವಂಶಾವಳಿಯನ್ನು ದಾವೀದನಿಂದಲೂ ಗುರುತಿಸಬಹುದು. ಯೇಸುವನ್ನೇ ದಾವೀದನ ಮಗ ಎಂದು ಕರೆಯಲಾಗುತ್ತಿತ್ತು. ಈಗ ಆ ಅದ್ಭುತವಾದ ಕೃಪೆಯು ಕಾರ್ಯರೂಪದಲ್ಲಿದೆ.

ಬಹುಶಃ ನೀವು ನಿಮ್ಮನ್ನು ಶುದ್ಧವಾಗಿಟ್ಟುಕೊಳ್ಳಲು ನಿರ್ಧರಿಸಿರಬಹುದು ಮತ್ತುಅದರಲ್ಲಿ ವಿಫಲರಾಗಿದ್ದಿರಬಹುದು. ಆದರೆ ನಿಮ್ಮ ಧೈರ್ಯವನ್ನು ಬಿಟ್ಟುಬಿಡಬೇಡಿ ನೀವಿಟ್ಟ ಹೆಜ್ಜೆಯನ್ನು ಹಿಂದೆ ಸರಿಸಬೇಡಿ. ನೀವು ದೇವರ ಕೃಪೆಯನ್ನು ನೋಡಬೇಕೆಂದು ನಾನು ಬಯಸುತ್ತೇನೆ.

ನಿಮ್ಮ ಶಕ್ತಿಯಿಂದ ನೀವು ಎಂದಿಗೂ ಮಾಡಲು ಸಾಧ್ಯವಾಗದ ವಿಷಯಗಳಿವೆ. ನೀವು ನೋಡಬೇಕೆಂದು ನಾನು ಬಯಸುವ ಸತ್ಯವೆಂದರೆ ದೇವರು ದಾವೀದನನ್ನು ಲೈಂಗಿಕ ಪಾಪದಿಂದ ವಿಮೋಚಿಸಿದರೆ, ಆತನು ನಿಮ್ಮನ್ನೂ ಸಹ ವಿಮೋಚಿಸಬಹುದು. ಲೈಂಗಿಕ ಬಂಧನದ ಬಲೆಗಳಿಂದ ಮುಕ್ತಗೊಳಿಸುವುದು ಸಲಹೆಗಳು ಮತ್ತು ತಂತ್ರಗಳ ಮೂಲಕ ಸಾಧ್ಯವಿಲ್ಲ , ಆದರೆ ಅದು ದೇವರ ಅದ್ಭುತ ಕೃಪೆಯ ಮೂಲಕ ಮಾತ್ರ ಸಾಧ್ಯ.

ದೇವರು ಮಾತ್ರ ನಮ್ಮನ್ನು ಬಿಡುಗಡೆಗೊಳಿಸುವ ಶಕ್ತಿಯನ್ನು ಹೊಂದಿದ್ದಾನೆ. ಲೈಂಗಿಕ ಪ್ರಲೋಭನೆಯನ್ನು ಜಯಿಸಲು ನಿಮಗೆ ಬೇಕಾದ ಎಲ್ಲಾ ಕೃಪೆಯನ್ನು ನಿಮಗೆ ನೀಡುವುದಾಗಿ ದೇವರು ನಮಗೆ ಭರವಸೆ ನೀಡಿದ್ದಾನೆ:

"ದೇವರು ಸಕಲ ವಿಧವಾದ ದಾನಗಳನ್ನು ನಿಮಗೆ ಧಾರಾಳವಾಗಿ ಅನುಗ್ರಹಿಸುವುದಕ್ಕೆ ಶಕ್ತನಾದ್ದರಿಂದ, ನೀವೂ ಯಾವಾಗಲೂ ಎಲ್ಲಾ ವಿಷಯಗಳಲ್ಲಿ ಪರಿಪೂರ್ಣತೆಯುಳ್ಳವರಾಗಿ ಸಕಲ ಸತ್ಕಾರ್ಯಗಳನ್ನು ಹೇರಳವಾಗಿ ಮಾಡುವವರಾಗಿರಬೇಕು.(2 ಕೊರಿಂಥ 9:8)

ಆದ್ದರಿಂದ ನೀವು ಮಾಡಬೇಕಾದದ್ದು ಇಲ್ಲಿದೆ. ನಿಮ್ಮ ಹೃದಯವನ್ನು ತೆರೆದು ನೀವು ಹೇಗೆ ಗೊಂದಲಕ್ಕೊಳಗಾಗಿದ್ದೀರಿ ಮತ್ತು ಅದನ್ನು ಜಯಿಸಲು ಆತನ ಸಹಾಯದ ಅಗತ್ಯವಿದೆ ಎಂಬುದನ್ನು ಆತನ ಬಳಿ ಹೇಳಿ. ಪ್ರಾಮಾಣಿಕವಾಗಿರಿ. ಇದು ತುಂಬಾ ಸರಳ ಪ್ರಾರ್ಥನೆ ಎಂಬುದು ನನಗೆ ತಿಳಿದಿದೆ, ಆದರೆ ಶಕ್ತಿಯುತವಾಗಿದೆ.

ಗಮನಿಸಿ: ಇದನ್ನು ಓದುವುದರಿಂದ ಯಾರಿಗಾದರೂ ಸಹಾಯವಾಗುತ್ತದೆ ಎಂದು ನಿಮಗೆ ತಿಳಿದಿದ್ದರೆ, ಮೇಲ್ಭಾಗದಲ್ಲಿರುವ "ಶೇರ್" ಬಟನ್ ಬಳಸಿ. ಅದು ಒಂದು PDF ಅನ್ನು ರಚಿಸಿಕೊಡುತ್ತದೆ, ಆಗ ಅದನ್ನು ನೀವು ಅನೇಕರೊಂದಿಗೆ ಹಂಚಿಕೊಳ್ಳಬಹುದು.

Bible Reading: Lamentations 5 ; Ezekiel 1-3

ಹಗರಣದ ಪಾಪಕ್ಕೆ ಅದ್ಭುತ ಕೃಪೆ ಬೇಕು

Most Read