ದೈನಂದಿನ ಮನ್ನಾ

ನಿಮ್ಮ ಸಂಬಂಧಗಳಲ್ಲಿ, ಅದು ಕೆಲಸದಲ್ಲಿಯೇ ಆಗಲೀ, ಮನೆಯಲ್ಲಿ ಅಥವಾ ಯಾವುದೇ ಸ್ಥಳದಲ್ಲಿಯಾಗಿರಲಿ, ನೀವು ಗೌರವಿಸುವ ತತ್ವವನ್ನು ಕಲಿಯಬೇಕು. ನೀವು ಯಾವುದನ್ನು ಗೌರವಿಸುತ್ತೀರೋ ಅದು ನಿಮ್ಮ ಕಡೆಗೆ ಬರುತ್ತದೆ ಮತ್ತು ನೀವು ಅವಮಾನಿಸುವಂತದ್ದು ನಿಮ್ಮಿಂದ ದೂರವಾಗುತ್ತದೆ.

ಉದಾಹರಣೆಗೆ, ನೀವು ಹಣವನ್ನು ಬಳಸಿಕೊಂಡು ಮತ್ತು ಬುದ್ಧಿವಂತಿಕೆಯಿಂದ ಹೂಡಿಕೆ ಮಾಡುವ ಮೂಲಕ ಅದನ್ನು ಗೌರವಿಸಿದಾಗ, ಹಣವು ನಿಮ್ಮ ಕಡೆಗೆ ಹರಿದುಬರುತ್ತದೆ; ಇಲ್ಲದಿದ್ದರೆ, ನೀವು ಅದನ್ನು ನೀವೇ ಹುಡುಕಿ ಹೋಗಬೇಕಾಗುತ್ತದೆ. ಈ ಗೌರವದ ತತ್ವವನ್ನು ಸಂಬಂಧಗಳಿಗೂ ಅನ್ವಯಿಸಬಹುದು.

ಹಳೆಯ ಒಡಂಬಡಿಕೆಯಲ್ಲಿ, ದೇವರು ತನ್ನ ಜನರಿಗೆ 10 ಆಜ್ಞೆಗಳನ್ನು ಕೊಟ್ಟನು. ಅದರಲ್ಲಿ ಮೊದಲ ನಾಲ್ಕು ಆಜ್ಞೆಗಳು ದೇವರನ್ನು ಗೌರವಿಸುವುದರ ಕುರಿತು ವ್ಯವಹರಿಸುತ್ತವೆ. ಕೊನೆಯ ಆರು ಆಜ್ಞೆಗಳು ಜನರನ್ನು ಗೌರವಿಸುವುದರ ಕುರಿತು ವ್ಯವಹರಿಸುತ್ತವೆ.

ನಾನು ಮುಂದುವರಿಯುವ ಮೊದಲು, ಹಿಂದಿನ ಕಾಲದಲ್ಲಿ, ಗೌರವದ ತತ್ವವನ್ನು ಅಭ್ಯಾಸ ಮಾಡುವಲ್ಲಿ ನಾನು ಅನೇಕ ತಪ್ಪುಗಳನ್ನು ಮಾಡಿದ್ದೇನೆ ಎಂದು ನಾನು ಒಪ್ಪಿಕೊಳ್ಳಲೇಬೇಕು. ಆದಾಗ್ಯೂ, ತಾಳ್ಮೆಯಿಂದ ನನ್ನ ಕೈ ಹಿಡಿದು ನನಗೆ ಕಲಿಸುತ್ತಿರುವ ಪರಿಶುದ್ಧ ಪವಿತ್ರಾತ್ಮನಿಗೆ ನಾನು ಶಾಶ್ವತವಾಗಿ ಕೃತಜ್ಞನಾಗಿದ್ದೇನೆ

ನಮ್ಮ ಸುತ್ತಮುತ್ತಲಿನ ಜನರನ್ನು ನೋಡುವಾಗ

,ಅವರಲ್ಲಿ ಕಿರಿಕಿರಿಗೊಳಿಸುವ ಅಭ್ಯಾಸಗಳು, ಗಂಭೀರ ನಿರಾಶೆಗಳು, ವೈಫಲ್ಯಗಳನ್ನು ನೋಡಲು ಮತ್ತು ಆ ಎಲ್ಲಾ ಕೊಳಕಿನ ಅಡಿಯಲ್ಲಿ ದೇವರು ನಿಧಿಯನ್ನು ಮರೆಮಾಡಿದ್ದಾನೆ ಎಂಬ ಅಂಶವನ್ನು ಅರಿತುಕೊಳ್ಳಲು ನಮಗೆ ಮನೋವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಅಗತ್ಯವಿಲ್ಲ. (2 ಕೊರಿಂಥ 4:7)

"..ಈ ನಿಕ್ಷೇಪವು ಮಣ್ಣಿನ ಘಟಗಳಲ್ಲಿ ನಮಗುಂಟು " (2 ಕೊರಿಂಥ 4:7)

ನಾವು ಯಶಸ್ವಿ ಸಂಬಂಧಗಳನ್ನು ನಿರ್ಮಿಸಿಕೊಳ್ಳ ಬೇಕಾದರೆ, ಮಾನವರ ಸಾಮಾನ್ಯ ದೌರ್ಬಲ್ಯಗಳನ್ನು ಮೀರಿ ನೋಡುವ ಮೂಲಕ ಪರಸ್ಪರ ಗೌರವಿಸುವುದನ್ನು ಕಲಿಯಬೇಕು ಮತ್ತು ನಮ್ಮಲ್ಲಿ ಪ್ರತಿಯೊಬ್ಬರಲ್ಲೂ ಇರುವ ನಂಬಲಾಗದ ಮೌಲ್ಯವನ್ನು ಪ್ರಶಂಸಿಸಬೇಕು. ನಮ್ಮಲ್ಲಿ ಪ್ರತಿಯೊಬ್ಬರಿಗೂ ಇನ್ನೊಬ್ಬರಿಗೆ ನೀಡಲು ಏನಾದರೂ ಇದ್ದೇ ಇರುತ್ತದೆ. ನಾವು ಈ ಸತ್ಯವನ್ನು ಅರಿತುಕೊಂಡಾಗ, ಪರಸ್ಪರ ಸಕಾರಾತ್ಮಕ ಆಲೋಚನೆಗಳು ಮತ್ತು ಭಾವನೆಗಳು ಹೆಚ್ಚಾಗುತ್ತವೆ.

ಇನ್ನೊಂದು ಬದಿಯಲ್ಲಿ, ನಾವು ಇದನ್ನು ಮಾಡದಿದ್ದರೆ, ನಾವು ಒಬ್ಬರನ್ನೊಬ್ಬರು ಲಘುವಾಗಿ ಪರಿಗಣಿಸುತ್ತೇವೆ. ನಿಮ್ಮ ಭವಿಷ್ಯವು ನೀವು ಯಾರನ್ನು ಗೌರವಿಸುವುದನ್ನು ಆರಿಸಿಕೊಳ್ಳುತ್ತೀರಿ ಎಂಬುದರ ಮೇಲೆ ನಿರ್ಧರಿಸಲ್ಪಡುತ್ತದೆ ಮತ್ತು ನೀವು ನಿಮ್ಮ ಜೀವನದಲ್ಲಿ ವಿಫಲವಾದರೆ, ಅದು ನೀವು ಅವಮಾನಿಸಲು ಆಯ್ಕೆ ಮಾಡಿದ ವ್ಯಕ್ತಿಯ ಕಾರಣದಿಂದಾಗಿರುತ್ತದೆ.

ಆದಾಗ್ಯೂ, ಪದಗಳು ಮತ್ತು ಭಾವನೆಗಳನ್ನು ಮೀರಿ, ನಿಜವಾದ ಗೌರವವು ಕೃತ್ಯಗಳು ಮತ್ತು ಕಾರ್ಯಗಳಲ್ಲಿ ವ್ಯಕ್ತವಾಗುತ್ತದೆ.

ನಮ್ಮನ್ನು ನಾವು ಕೇಳಿ ಕೊಳ್ಳಬೇಕಾದ ಕೆಲವು ಪ್ರಶ್ನೆಗಳು.

ನಾನು ನನ್ನ ಕುಟುಂಬವನ್ನು (ನನ್ನ ಹೆಂಡತಿ, ಮಕ್ಕಳು)

ಲಘುವಾಗಿ ಪರಿಗಣಿಸಿದ್ದೇನೆಯೇ? ನನ್ನೊಂದಿಗೆ ಕೆಲಸ ಮಾಡುವ ಜನರನ್ನು ನಾನು ಲಘುವಾಗಿ ಪರಿಗಣಿಸಿದ್ದೇನೆಯೇ?

ನನ್ನ ಜೀವನದಲ್ಲಿ ದೇವಮನುಷ್ಯರನ್ನು ನಾನು ಲಘುವಾಗಿ ಪರಿಗಣಿಸಿದ್ದೇನೆಯೇ?.

ಈ ರೀತಿಯಾಗಿ ಆತ್ಮಾವಲೋಕನ ಪ್ರಕ್ರಿಯೆಯ ಮಾಡಿಕೊಳ್ಳುವ ಮೂಲಕ ಅವರನ್ನು ಗೌರವಿಸುವ ವಿಧಾನಗಳ ಕುರಿತು ಯೋಚಿಸಿ. ನೆನಪಿಡಿ, ನೀವು ಯಾವುದನ್ನು ಬಿತ್ತುತ್ತೀರೋ ಅದನ್ನೇ ನೀವು ಕೊಯ್ಯುವವರಾಗುತ್ತೀರಿ. ನೀವು ಗೌರವವನ್ನು ಬಿತ್ತಿದರೆ, ಅದೇ ನಿಮಗೆ ಹಿಂತಿರುಗುತ್ತದೆ.

Bible Reading: Psalms 108-117

ದೈನಂದಿನ ಮನ್ನಾ

Most Read