ಉದ್ಯೋಗದ ಸ್ಥಳದಲ್ಲಿ ಮಿಂಚುವ ತಾರೆಯಾಗುವುದು-ll

ಒಬ್ಬ ದೊಡ್ಡ ದೇವಸೇವಕರು ಒಮ್ಮೆ ಹೀಗೆ ಹೇಳಿದ್ದಾರೆ "ನೀವು ಯಾವುದನ್ನು ಗೌರವಿಸುತ್ತಿರೋ ಅದು ನಿಮ್ಮ ಬಳಿಗೆ ಬರುತ್ತದೆ.ನೀವು ಯಾವುದನ್ನು ಅಗೌರವಿಸುತ್ತೀರೋ ಅದು ನಿಮ್ಮ ಬಳಿಯಿಂದ ದೂರಾಗುತ್ತದೆ" ಎಂದು

"ದಾಸರಾಗಿ ಮತ್ತೊಬ್ಬರ ಅಧೀನದಲ್ಲಿರುವವರು ತಮ್ಮ ಯಜಮಾನರನ್ನು ಎಲ್ಲಾ ಮಾನಕ್ಕೂ ಯೋಗ್ಯರೆಂದೆಣಿಸಲಿ; ಇಲ್ಲದಿದ್ದರೆ ದೇವರ ನಾಮಕ್ಕೂ ನಾವು ಹೊಂದಿರುವ ಉಪದೇಶಕ್ಕೂ ನಿಂದೆ ಉಂಟಾದೀತು.²ಯಾರಿಗಾದರೂ ಕ್ರಿಸ್ತನನ್ನು ನಂಬುವವರಾದ ಯಜಮಾನರಿದ್ದರೆ ಅವರು ಆ ಯಜಮಾನರನ್ನು ಸಹೋದರರೆಂದು ಉದಾಸೀನಮಾಡದೆ ತಮ್ಮ ಸೇವೆಯ ಫಲವನ್ನು ಹೊಂದುವವರು ನಂಬುವವರೂ ಪ್ರಿಯರೂ ಆಗಿದ್ದಾರೆಂದು ತಿಳಿದು ಅವರಿಗೆ ಹೆಚ್ಚಾದ ಸಂತೋಷದಿಂದಲೇ ಸೇವೆಮಾಡಬೇಕು. ಈ ಉಪದೇಶವನ್ನು ಮಾಡಿ ಅವರನ್ನು ಎಚ್ಚರಿಸು." ಎಂದು ‭‭1 ತಿಮೊಥೆಯನಿಗೆ‬ ‭6:1‭-‬2‬ ರಲ್ಲಿ ಸತ್ಯವೇದವು ನಮ್ಮನ್ನು ಎಚ್ಚರಿಸುತ್ತದೆ.

ಈಗ ಇದರರ್ಥ ನೀವು ಎಲ್ಲರಿಗೂ ಕಾಲಕಸ ವಾಗಿರಬೇಕೆಂದಲ್ಲ ಆದರೂ ನಮ್ಮಲ್ಲಿ ಬಹುತೇಕರು (ಕ್ರೈಸ್ತರು) (ಹೃದಯಾಳದಿಂದ) ತಮ್ಮ ಮೇಲಿನವರಿಗೆ ಮರ್ಯಾದೆಯನ್ನು ಕೊಡುವುದಿಲ್ಲ ಎಂಬುದು ಬಿಚ್ಚಿಟ್ಟ ರಹಸ್ಯವಾಗಿದೆ.

ಒಂದು ಸರಳವಾದ ನಗೆಯಿಂದಲೂ ಅಥವಾ ಶುಭ ಮುಂಜಾನೆ ಎಂದು ಹೇಳುವ ಮೂಲಕ ಅಭಿನಂದಿಸುವುದು ಇಷ್ಟಾದರೂ ಸಾಕು. ಆದರೂ ನಾವು ಕಹಿತನದಿಂದಲೂ ನೋವುಂಡವರಂತೆಯೂ ನಡೆಯುತ್ತೇವೆ. ಇದು ನಮ್ಮ ಉದ್ಯೋಗ ಸ್ಥಳದಲ್ಲಿ ದೇವರು ನಮಗಾಗಿ ಇಟ್ಟಿರುವ ಯೋಜನೆಯನ್ನು ಸಂಪೂರ್ಣವಾಗಿ ಹದಗೆಡಿಸುತ್ತದೆ. (ಯೆರೆಮಿಯಾ 29:11). ನಿಮ್ಮ ಯಜಮಾನರು ಯಾರೇ ಆಗಿರಲಿ, ಅವರ ಸ್ವಭಾವ ಎಂತೆದ್ದೇ ಆಗಿರಲಿ,ಅವರ ಗುಣ ಎಂತದ್ದೇ ಆಗಿರಲಿ ನೀವು ಕೊಡುವಂತಹ ಯಥಾರ್ತವಾದ ಗೌರವವು ನಿಮ್ಮ ಹಾಗೂ ನಿಮ್ಮ ಯಜಮಾನರ ನಡುವೆ ಒಂದು ವಿಶ್ವಾಸದ ಪರಿಸರವನ್ನು ಸೃಷ್ಟಿಸುತ್ತದೆ.

ಎಷ್ಟೋ ಪ್ರಕರಣಗಳಲ್ಲಿ ನೀವು ಗೌರವ ತೋರಿಸದೊಡನೆಯೇ ಅದೇ ಗೌರವವನ್ನು ಅವರು ಸಹ ಆಗಲೇ ನಿಮಗೆ ಕೊಟ್ಟುಬಿಡುವುದಿಲ್ಲ ಎಂಬುದನ್ನು ನೀವೀಗ ಅರ್ಥ ಮಾಡಿಕೊಳ್ಳಿ. ಇದಕ್ಕೆ ಕೆಲ ಸಮಯ ಹಿಡಿಯುತ್ತದೆ. ಆದ್ದರಿಂದ ದೇವರ ವಾಕ್ಯದ ಮೇಲೆ ಆಧಾರಗೊಳ್ಳಿ ಕರ್ತನು ನಿಮ್ಮನ್ನು ಸನ್ಮಾನಿಸುವವನು. ನೆನಪಿಡಿ. "ದೇವರು ದೀನರಿಗೆ ಕೃಪೆಯನ್ನು ತೋರಿಸುವವನಾಗಿದ್ದಾನೆ" (ಯಾಕೋಬ 4:6)

Bible Reading: 1 Chronicles 1-3

ಉದ್ಯೋಗದ ಸ್ಥಳದಲ್ಲಿ ಮಿಂಚುವ ತಾರೆಯಾಗುವುದು-ll

Most Read