ಬಾಗಿಲನ್ನು ಮುಚ್ಚಿರಿ.

"ಆದರೆ ನೀನು ಪ್ರಾರ್ಥನೆ ಮಾಡುವಾಗ, ನಿನ್ನ ಕೋಣೆಯೊಳಗೆ ಹೋಗಿ, ಬಾಗಿಲನ್ನು ಮುಚ್ಚಿ ಅದೃಶ್ಯವಾಗಿರುವ ನಿನ್ನ ತಂದೆಗೆ ಪ್ರಾರ್ಥನೆ ಸಲ್ಲಿಸು. ಆಗ ರಹಸ್ಯದಲ್ಲಿ ನಡೆಯುವುದನ್ನು ಕಾಣುವ ನಿನ್ನ ತಂದೆ ನಿನಗೆ ಬಹಿರಂಗವಾಗಿ ಪ್ರತಿಫಲ ಕೊಡುವನು."(ಮತ್ತಾಯ 6:6)

ಈ ದೇವರವಾಕ್ಯದಲ್ಲಿ "ಕೋಣೆ" ಎಂಬ ಕರ್ತನ ಉಲ್ಲೇಖವನ್ನು ಅಕ್ಷರಶಃ ಭೌತಿಕವಾದ ಸ್ಥಳವೆಂದು ಪರಿಗಣಿಸಬಾರದು. ಏಕೆಂದರೆ ಈ ವಾಕ್ಯವು ಅನೇಕ ಕೋಣೆಗಳನ್ನು ಹೊಂದಿರುವ ಮನೆಯನ್ನು ಹೊಂದಿರುವ ಜನರಿಗೆ ಮಾತ್ರ ಅನ್ವಯಿಸುತ್ತದೆ. ಕರ್ತನಾದ ಯೇಸು ಸ್ವತಃ ಉದ್ಯಾನಗಳು, ಪರ್ವತಗಳು ಮತ್ತು ಅರಣ್ಯದಂತಹ ವಿವಿಧ ಸ್ಥಳಗಳಲ್ಲಿ ಪ್ರಾರ್ಥಿಸಿದನು. ಯಾಕೆಂದರೆ ಗೊಂದಲಗಳಿಂದ ದೂರವಿರುವ ಶಾಂತತೆಯಿಂದ ಕೂಡಿದ , ಏಕಾಂತ ಸ್ಥಳವನ್ನು ಕಂಡುಕೊಳ್ಳುವುದರ ಮೇಲೆ ಒತ್ತು ನೀಡಲಾದಂತ ಸ್ಥಳ ಅದಾಗಿರುತಿತ್ತು. ಏಕೆಂದರೆ ಇದು ದೇವರೊಂದಿಗೆ ಆಳವಾದ ಮತ್ತು ಹೆಚ್ಚು ಕೇಂದ್ರೀಕೃತ ಸಂಪರ್ಕ ಹೊಂದಲು ಅನುವು ಮಾಡಿಕೊಡುತ್ತದೆ.

ಈ ಪರಿಕಲ್ಪನೆಯು ಸಾರ್ವತ್ರಿಕವಾಗಿಯೂ ಅನ್ವಯಿಸುತ್ತದೆ, ಕ್ರೈಸ್ತರು ತಮ್ಮ ಸುತ್ತಮುತ್ತಲಿನ ಭೌತಿಕ ಪ್ರದೇಶಗಳನ್ನು ಲೆಕ್ಕಿಸದೆ ತಮ್ಮದೇ ಆದ ಆತ್ಮೀಕ ಅಭಯಾರಣ್ಯಗಳನ್ನು ರಚಿಸಿಕೊಳ್ಳಲು ಇದು ಪ್ರೋತ್ಸಾಹಿಸುತ್ತದೆ. ಬಾಗಿಲು ಮುಚ್ಚುವುದು ಎನ್ನುವಂಥದ್ದು ಗೊಂದಲಗಳನ್ನು ಮುಚ್ಚಿ ಹಾಕುವ ಕುರಿತು ಹೇಳುವಂತದ್ದಾಗಿದೆ.

ದೇವರು ನಿಮ್ಮನ್ನು ಏನಾಗಿ ಕರೆದಿದ್ದಾನೆ ಎಂಬುದಕ್ಕೆ ಇರುವ ಮೊದಲ ಶತ್ರು ಗೊಂದಲಗಳು. ಗೊಂದಲಗಳು ನಿಮ್ಮ ಗಮನವನ್ನು ಕಸಿದುಕೊಳ್ಳುತ್ತವೆ. ಗೊಂದಲಗಳು ಅಪಾಯಕಾರಿಯಾದವುಗಳು ಏಕೆಂದರೆ ಅವು ಆಗಾಗ್ಗೆ ನಮ್ಮ ಗಮನವನ್ನು ಹೆಚ್ಚಿನ ಪ್ರಾಮುಖ್ಯತೆ ಕೊಡಬೇಕಾದ ಸಂಗತಿಗಳಿಗಿಂತ ಕಡಿಮೆ ಪ್ರಾಮುಖ್ಯತೆ ಕೊಡಬಹುದಾದ ಸಂಗತಿಗಳ ಕಡೆಗೆ ವರ್ಗಾಯಿಸುತ್ತದೆ.

ನೀವು ಎಲ್ಲಾ ಗೊಂದಲಗಳನ್ನು ಛೇದಿಸುವ ಮೂಲಕ ಸಾಂಕೇತಿಕವಾಗಿ ಬಾಗಿಲುಗಳನ್ನು ಮುಚ್ಚಿದಾಗ, ಅತಿಶಯವು ಸಂಭವಿಸಲು ಪ್ರಾರಂಭಿಸುತ್ತವೆ. ನೀವು ನಿಜವಾಗಿಯೂ ದೇವರ ಗಮನವನ್ನು ನಿಮ್ಮೆಡೆಗೆ ಸೆಳೆಯುವ ಸಮಯ ಇದು. ನಂತರ ಆತನು ನಿಮ್ಮ ಜೀವನದಲ್ಲಿ ನೀವು ಊಹಿಸದ ರೀತಿಯಲ್ಲಿ ಕಾರ್ಯ ಮಾಡಲು ಪ್ರಾರಂಭಿಸುತ್ತಾನೆ. ನಿಮ್ಮ ಜೀವನದಲ್ಲಿ ದೇವರು ಕಾರ್ಯ ಮಾಡುತ್ತಿದ್ದಾನೆ ಎಂದು ಜನರು ಒಪ್ಪಿಕೊಳ್ಳುವಂತೆ ಒತ್ತಾಯಿಸಲ್ಪಡುತ್ತಾರೆ.

ಪ್ರವಾದಿಯಾದ ಎಲೀಷನು ಆ ವಿಧವೆಗೆ, “ಹೋಗಿ, ನೆರೆಯವರಿಂದ ಖಾಲಿ ಪಾತ್ರೆಗಳನ್ನು ಎರವಲಾಗಿ ಪಡೆದು ತಂದು (ಎಲ್ಲಾ - ; ಕೆಲವನ್ನು ಮಾತ್ರ ಸಂಗ್ರಹಿಸಬೇಡಿ). ನೀನು ಮತ್ತು ನಿನ್ನ ಗಂಡು ಮಕ್ಕಳು ಮನೆಯೊಳಗೆ ಹೋಗಿ ಬಾಗಿಲನ್ನು ಮುಚ್ಚಿ ; ನಂತರ ಎಣ್ಣೆಯನ್ನು ಆ ಎಲ್ಲಾ ಪಾತ್ರೆಗಳಲ್ಲಿ ಸುರಿಯಿರಿ ಮತ್ತು ತುಂಬಿದ ಪಾತ್ರೆಗಳನ್ನು ಪಕ್ಕಕ್ಕೆ ಇರಿಸಿ.” ಎಂದು ಹೇಳಿದನು.

ಗಮನಿಸಿ, ವಿಧವೆ ಬಾಗಿಲನ್ನು ಮುಚ್ಚಿದಾಗ ಮಾತ್ರ ಎಣ್ಣೆ ವೃದ್ಧಿಯಾಗಲು ಪ್ರಾರಂಭಿಸಿತು. ಇದು ನಿಮ್ಮ ಸುತ್ತಲಿನ ಎಲ್ಲಾ ನಕಾರಾತ್ಮಕ ಧ್ವನಿಗಳಿಗೆ ಬಾಗಿಲು ಮುಚ್ಚುವ ಸಮಯ. ನಿಮ್ಮ ಪ್ರಾರ್ಥನೆಯ ಸಮಯದಲ್ಲಿ ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಆಫ್ ಮಾಡುವ ಸಮಯ ಇದು. ನಾನು ಅದನ್ನು ನಿಮ್ಮ ಸ್ಮಾರ್ಟ್‌ಫೋನ್‌ನಿನ ಉಪವಾಸ ಎಂದು ಕರೆಯುತ್ತೇನೆ. ಅನೇಕರಿಗೆ, ನೀವು ನಿಮ್ಮ ಫೋನ್‌ಗಳಿಂದ ದೈಹಿಕವಾಗಿ ಬೇರ್ಪಡಬೇಕಾಗುತ್ತದೆ ಎಂದು ಹೇಳುತ್ತೇನೆ.

ಉದಾಹರಣೆಗೆ, ನಿಮ್ಮ ಪ್ರಾರ್ಥನಾ ಸಮಯದಲ್ಲಿ ಕೆಲವರು ತಮ್ಮ ಸ್ಮಾರ್ಟ್‌ಫೋನ್ ಅನ್ನು ಅವರು ಪ್ರಸ್ತುತ ಇರುವ ಕೋಣೆಯಲ್ಲಿ ಇಟ್ಟುಕೊಳ್ಳದೆ , ಬೇರೆ ಕೋಣೆಯಲ್ಲಿ ಇಡಬೇಕಾಗುತ್ತದೆ. ಈ ಸಮಯದಲ್ಲಿಯೇ ನಿಮ್ಮ ಜೀವನದಲ್ಲಿ ಹೊರಹರಿವು ಪ್ರಾರಂಭವಾಗುತ್ತದೆ.

Bible Reading: 2 Chronicles 26-28

ಬಾಗಿಲನ್ನು ಮುಚ್ಚಿರಿ.

Most Read