സങ്കീര്‍ത്തനങ്ങള്‍ 23 ഏറ്റുപറയുന്നു | Daily Confession

സങ്കീര്‍ത്തനങ്ങള്‍ 23:1-6

1 യഹോവ എന്‍റെ ഇടയനാകുന്നു;

എനിക്കു മുട്ടുണ്ടാകയില്ല.

2 പച്ചയായ പുല്പുറങ്ങളിൽ അവൻ എന്നെ കിടത്തുന്നു;

സ്വസ്ഥതയുള്ള വെള്ളത്തിനരികത്തേക്ക് എന്നെ നടത്തുന്നു.

3 എന്‍റെ പ്രാണനെ അവൻ തണുപ്പിക്കുന്നു;

തിരുനാമംനിമിത്തം എന്നെ നീതിപാതകളിൽ നടത്തുന്നു.

4 കൂരിരുൾതാഴ്വരയിൽകൂടി നടന്നാലും ഞാൻ ഒരു അനർഥവും ഭയപ്പെടുകയില്ല;

നീ എന്നോടുകൂടെ ഇരിക്കുന്നുവല്ലോ;

നിന്‍റെ വടിയും കോലും എന്നെ ആശ്വസിപ്പിക്കുന്നു.

5 എന്‍റെ ശത്രുക്കൾ കാൺകെ നീ എനിക്കു വിരുന്നൊരുക്കുന്നു;

എന്‍റെ തലയെ എണ്ണകൊണ്ട് അഭിഷേകം ചെയ്യുന്നു;

എന്‍റെ പാനപാത്രവും നിറഞ്ഞു കവിയുന്നു.

6 നന്മയും കരുണയും എന്‍റെ ആയുഷ്കാലമൊക്കെയും എന്നെ പിന്തുടരും;

ഞാൻ യഹോവയുടെ ആലയത്തിൽ ദീർഘകാലം വസിക്കും.