english हिंदी मराठी తెలుగు தமிழ் ಕನ್ನಡ Contact us ഞങ്ങളെ ബന്ധപ്പെടുക സ്പോട്ടിഫൈയില്‍ ശ്രവിക്കുക സ്പോട്ടിഫൈയില്‍ ശ്രവിക്കുക Download on the App StoreiOS ആപ് Get it on Google Play ആന്‍ഡ്രോയ്ഡ് ആപ്
 
ലോഗിൻ
ഓണ്‍ലൈനിലൂടെ നല്‍കുക
ലോഗിൻ
  • ഹോം
  • സംഭവങ്ങള്‍
  • ലൈവ്
  • റ്റി വി
  • നോഹട്യൂബ്
  • സ്തുതികള്‍
  • വാര്‍ത്തകള്‍
  • മന്ന
  • പ്രാര്‍ത്ഥനകള്‍
  • ഏറ്റുപറച്ചില്‍
  • സ്വപ്‌നങ്ങള്‍
  • ഇ ബുക്കുകള്‍
  • ബൈബിൾ
  • ചരമക്കുറിപ്പുകള്‍
  • മരുപ്പച്ച
  1. ഹോം
  2. അനുദിന മന്ന
  3. ശീര്‍ഷകം: സമ്പൂര്‍ണ്ണനായ ബ്രാന്‍ഡ്‌ മാനേജര്‍
അനുദിന മന്ന

ശീര്‍ഷകം: സമ്പൂര്‍ണ്ണനായ ബ്രാന്‍ഡ്‌ മാനേജര്‍

Wednesday, 14th of May 2025
1 0 99
Categories : Storms
യാക്കോബ് 1:4 പറയുന്നു, "എന്നാൽ നിങ്ങൾ ഒന്നിലും കുറവില്ലാതെ തികഞ്ഞവരും സമ്പൂർണരും ആകേണ്ടതിനു സ്ഥിരതയ്ക്കു തികഞ്ഞ പ്രവൃത്തി ഉണ്ടാകട്ടെ". ജീവിതത്തിലെ കൊടുങ്കാറ്റുകളില്‍ കൂടി, ദൈവം നമ്മെ ശുദ്ധീകരിച്ച് ഏറ്റവും പുതിയ ഒരു സൃഷ്ടിയാക്കി, അവന്‍റെ സ്നേഹത്തിന്‍റെയും കൃപയുടെയും ഒരു സാക്ഷ്യമാക്കി മാറ്റുകയാണ് ചെയ്യുന്നത്. 

നാം അഭിമുഖീകരിക്കുന്ന പരീക്ഷകളും പരിശോധനകളും എന്തുതന്നെയായാലും, ദൈവത്തിന്‍റെ കണ്ണിന്‍ മുമ്പാകെയുള്ള നമ്മുടെ യഥാര്‍ത്ഥ വില നാം ഒരിക്കലും മറക്കരുത്. വിലയില്ലാത്ത എന്തിനെങ്കിലും വേണ്ടിയല്ല കര്‍ത്താവായ യേശു തന്‍റെ വിലയേറിയ രക്തം ചൊരിഞ്ഞത്; അവന്‍ എനിക്കും നിങ്ങള്‍ക്കും വേണ്ടി തന്‍റെ ജീവനെ തന്നു, മാത്രമല്ല വിലയേറിയവരും പ്രിയരുമായ എണ്ണമറ്റ വ്യക്തികള്‍ക്കുവേണ്ടിയുമാണ് താന്‍ ജീവന്‍ വെടിഞ്ഞത്. ജീവിതത്തിലെ കൊടുങ്കാറ്റില്‍ കൂടി നാം യാത്രചെയ്യുമ്പോള്‍, ആത്യന്തീകമായ ബ്രാന്‍ഡ് മാനേജര്‍ ആയ ദൈവത്താല്‍ തന്നെ ശ്രദ്ധയോടെയും ഉദ്ദേശത്തോടെയും രൂപകല്പന ചെയ്യപ്പെട്ട ഏറ്റവും ഉയര്‍ന്ന ബ്രാന്‍ഡുകള്‍ ആകുന്നു നാം ഓരോരുത്തരുമെന്നുള്ള കാര്യം നാം ഓര്‍ക്കണം. 

നമ്മുടെ ജീവിതത്തിലെ ദൈവത്തിന്‍റെ ശ്രദ്ധയോടെയും ക്ഷമയോടെയുമുള്ള പ്രവര്‍ത്തി ശ്രദ്ധേയമായതാണ്. നമ്മുടെ അപൂര്‍ണ്ണതകളെ ദൈവം സ്നേഹത്തോടെ ചെത്തിവെടിപ്പാക്കുകയും, നമ്മുടെതായ ഏറ്റവും നല്ല പതിപ്പിലേക്ക് നമ്മെ ശുദ്ധീകരിക്കയും ചെയ്യുന്നു. നാം അഭിമുഖീകരിക്കുന്ന വെല്ലുവിളികളോടുകൂടെ, ദൈവം നമ്മുടെ സ്വഭാവത്തെ ശക്തീകരിക്കയും, നമ്മുടെ വിശ്വാസത്തിന്‍റെ ആഴം വര്‍ദ്ധിപ്പിക്കയും, നമ്മുടെ ശരിയായ ഉദ്ദേശം വെളിപ്പടുത്തുകയും ചെയ്യുന്നു.

യേശു കൊടുങ്കാറ്റിനെ ശാന്തമാക്കിയപ്പോള്‍, അവന്‍റെ ശക്തിയിങ്കല്‍ ശിഷ്യന്മാര്‍ ആശ്ചര്യപ്പെട്ടുകൊണ്ട്, ഇങ്ങനെ പറഞ്ഞു, "കാറ്റും കടലും കൂടെ ഇവനെ അനുസരിക്കുന്നുവല്ലോ; ഇവൻ ആർ എന്നു തമ്മിൽ പറഞ്ഞു". (മര്‍ക്കൊസ് 4:41). ഈ ഭയം കൊടുങ്കാറ്റിനാല്‍ ഉളവായതല്ല എന്നാല്‍ അവര്‍ അനുഭവിച്ച ശാന്തതയാല്‍ ഉണ്ടായതാണ്. എല്ലാ ഭയങ്ങളും ദൈവത്തിന്‍റെ ഭയത്താല്‍ അതിജീവിക്കുവാന്‍ കഴിയുമെന്ന സത്യം ഈ സംഭവം പുറത്തുകൊണ്ടുവരുന്നു. ദൈവഭയം നമ്മെ ധൈര്യശാലികള്‍ ആക്കുന്നതുപോലെ മറ്റൊന്നും അങ്ങനെ ചെയ്യുന്നില്ല. ഒരു ദൈവഭക്തന്‍ ഒരിക്കല്‍ ഇങ്ങനെ പറഞ്ഞു, "ദൈവത്തെ ഭയപ്പെടുക, അങ്ങനെയെങ്കില്‍ മറ്റൊന്നിനെയും നിങ്ങള്‍ക്ക്‌ ഭയപ്പെടേണ്ടതില്ല".

നാം ജീവിതത്തില്‍ അഭിമുഖീകരിക്കുന്ന കൊടുങ്കാറ്റുകള്‍ ദൈവത്തിന്‍റെ സ്വഭാവത്തേയും ശക്തിയേയും ആഴമായി മനസ്സിലാക്കുവാനുള്ള അതുല്യമായ അവസരങ്ങളാണ് നമുക്ക് നല്‍കുന്നത്, ഒടുവില്‍ അത് ഒരു രൂപാന്തരത്തിന്‍റെ വെളിപ്പാടിലേക്ക് നയിക്കയും ചെയ്യുന്നു. 

ഒരു വെളിപ്പാട് നിങ്ങളുടെ ജീവിതത്തില്‍ ഒരു വിപ്ലവം ഉണ്ടാക്കുവാന്‍ ഇടയാകും. ദൈവത്തിന്‍റെ സ്വഭാവത്തെ സംബന്ധിച്ചുള്ള ഒരു വെളിപ്പാട് നമ്മുടെ വിശ്വാസത്തെ ശക്തിപ്പെടുത്തുക മാത്രമല്ല ചെയ്യുന്നത് മറിച്ച് നമ്മുടെ ജീവിതത്തില്‍ ഒരു വിപ്ലവത്തെ ഉരുവാക്കുകയും ചെയ്യുന്നു. ഇത് നമ്മുടെ കാഴ്ചപ്പാടുകളെ വീണ്ടും രൂപപ്പെടുത്തുകയും നാം വെല്ലുവിളികളോട് പ്രതികരിക്കുന്ന രീതികളില്‍ മാറ്റം വരുത്തുകയും ചെയ്യുന്നു.

നിങ്ങളില്‍ ചിലര്‍ ജീവനു ഭീഷണിയുയര്‍ത്തിയ രോഗങ്ങളില്‍ കൂടി കടന്നുപോയവരാണ്, രക്ഷപ്പെടുവാനുള്ള സാദ്ധ്യത വളരെ കുറവാണെന്ന് ഡോക്ടര്‍മാര്‍ വിലയിരുത്തിയതായിരിക്കാം. എന്നിട്ടും, കര്‍ത്താവിന്‍റെ കരുണയാലും ദൈവീക ഇടപ്പെടലിനാലും, നിങ്ങള്‍ വിജയികളായി ഉദിച്ചുയരുകയും, ലാസറിനെ പോലെ കല്ലറയില്‍ നിന്നും പുറത്തേക്ക് നടക്കുകയും, ജീവിതത്തിലേക്ക് തിരികെ വരികയും ചെയ്തു. ഈ അനുഭവം ഒരു സൌഖ്യദായകന്‍ എന്ന അഗാധമായ ഒരു വെളിപ്പാട് യേശുവിനെകുറിച്ച് നിങ്ങള്‍ക്ക്‌ ലഭിക്കുവാന്‍ ഇടയാക്കി.

പുതിയതായി കണ്ടെത്തിയ ഈ പരിജ്ഞാനത്താല്‍ ഇപ്പോള്‍ സന്നദ്ധരായിരിക്കുമ്പോള്‍, "ഇത് ഒരു ശവപ്പെട്ടിയുടെ വിഷയമാകുന്നു" എന്ന് ആരെങ്കിലും പറയുന്നത് അടുത്തപ്രാവശ്യം നിങ്ങള്‍ കേള്‍ക്കേണ്ടതായി വരുന്ന സാഹചര്യം ഉണ്ടാകും. അപ്പോള്‍ നിങ്ങള്‍ സധൈര്യം പ്രഖ്യാപിക്കുക, "അങ്ങനെയല്ല! യേശു സൌഖ്യദായകന്‍ ആകുന്നു". വിശ്വാസത്തില്‍ ഉറച്ചു നില്‍ക്കുവാനും ദൈവത്തിന്‍റെ സ്നേഹത്തിന്‍റെയും, കൃപയുടെയും, സൌഖ്യമാക്കുന്ന ശക്തിയുടേയും ഒരു സാക്ഷിയായി തീരുവാനും ഈ വെളിപ്പാട് നിങ്ങളെ ശക്തീകരിക്കുന്നു. 

അതുകൊണ്ട്, നിങ്ങള്‍ കൊടുങ്കാറ്റില്‍ കൂടി കടന്നുപോകുമ്പോള്‍, നിങ്ങള്‍ പ്രാപിച്ച വെളിപ്പാട് ഓര്‍ക്കുക, കാറ്റിനേയും കടലിനേയും ശാന്തമാക്കിയവനില്‍ നിങ്ങള്‍ ആശ്രയിക്കുന്നത് തുടരുമ്പോള്‍ അവ നിങ്ങളുടെ വിശ്വാസത്തിനു ഇന്ധനമായി തീരട്ടെ. 

Bible Reading: 1 Chronicles 1-3
പ്രാര്‍ത്ഥന
പിതാവേ, അങ്ങ് എന്നില്‍ പ്രവര്‍ത്തിക്കുന്നതിനാലും, ഒരു നന്മയ്ക്കും കുറവില്ലാതെ, അങ്ങയില്‍ ഞാന്‍ പൂര്‍ണ്ണന്‍ ആയിരിക്കുന്നതിനാലും ഞാന്‍ അങ്ങേയ്ക്ക് നന്ദി പറയുന്നു. പരിശുദ്ധാത്മാവേ, ഞാന്‍ അഭിമുഖീകരിക്കുന്ന കൊടുങ്കാറ്റുകളെ അതിജീവിക്കേണ്ടതിനു അവിടുന്ന് എന്നെ പഠിപ്പിച്ച സകല കാര്യങ്ങളേയും എന്‍റെ ഓര്‍മ്മയില്‍ കൊണ്ടുവരേണമേ. യേശുവിന്‍റെ നാമത്തില്‍. ആമേന്‍.


Join our WhatsApp Channel


Most Read
● നിങ്ങളുടെ ഭവനത്തിന്‍റെ പരിതഃസ്ഥിതി മാറ്റുക - 2 
● ശരിയായ ബന്ധങ്ങള്‍ എങ്ങനെ കെട്ടിപ്പടുക്കാം
● നിങ്ങളുടെ ഭവനത്തിന്‍റെ പരിതഃസ്ഥിതി മാറ്റുക - 1   
● പരിശുദ്ധാത്മാവിന്‍റെ എല്ലാ വരങ്ങളും എനിക്ക് വാഞ്ചിക്കുവാന്‍ കഴിയുമോ?
● ദിവസം 11 : 40 ദിവസ ഉപവാസവും പ്രാര്‍ത്ഥനയും
● സാത്താൻ നിങ്ങളെ ഏറ്റവും കൂടുതൽ തടസ്സപ്പെടുത്തുന്ന മേഖല.
● ബന്ധങ്ങളിലെ ആദരവിന്‍റെ നിയമം
അഭിപ്രായങ്ങള്‍
ഞങ്ങളെ ബന്ധപ്പെടുക
ഫോണ്‍: +91 8356956746
+91 9137395828
വാട്സാപ്പ്: +91 8356956746
ഇ മെയില്‍: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
Download on the App Store
Get it on Google Play
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
സംഭവങ്ങള്‍
ലൈവ്
നോഹട്യൂബ്
റ്റി വി
സംഭാവന
മന്ന
സ്തുതികള്‍
ഏറ്റുപറച്ചില്‍
സ്വപ്‌നങ്ങള്‍
ബന്ധപ്പെടുക
© 2025 Karuna Sadan, India.
➤
ലോഗിൻ
ഈ സൈറ്റിലെ ഉള്ളടക്കം ഇഷ്ടപ്പെടുന്നതിനും അഭിപ്രായം അറിയിക്കുന്നതിനും ദയവായി നിങ്ങളുടെ നോഹ അക്കൗണ്ടില്‍ പ്രവേശിക്കുക.
ലോഗിൻ