वराला भेटण्यास तयार राहा

"ह्यास्तव, हे इस्राएला, मी तुला असेच करीन; मी तुला असेच करीन, म्हणून हे इस्राएला, आपल्या देवासमोर येण्यास सिद्ध ऐस." (आमोस ४:१२)

विवाहाचा दिवस हा जोडप्यासाठी सर्वात आनंदाचा दिवस आहे. एकटे, विशेषतः महिला, त्या विशेष दिवसासाठी वाट पाहत असतात जेव्हा ते लक्ष वेधून घेणे आणि आकर्षून घेण्याचे मुख्य व्यक्ति असतात. कदाचित त्यांच्या आयुष्यातील एकमेव दिवस जेव्हा शेकडो लोक त्यांच्या लहान मुलीच्या खास क्षणासाठी शहरातून प्रवास करून येतात. कुटुंबातील एकेकाळची मुलगी आता दुसऱ्या पुरुषाची पत्नी होणार असते. हा नेहमीच एक विशेष क्षण असतो. जर तुम्ही कधी वधू झाला असाल, किंवा विवाहाच्या दिवशी कधी वधूच्या अगदी जवळ असाल, तर तुम्ही कदाचित हे समजू शकाल की त्या एका विशेष दिवसासाठी तयारी करण्यास तुम्हाला किती वेळ लागला होता, तो दिवस तुमच्या उर्वरित आयुष्यासाठी एक स्थान निश्चित करेल.

हॉल बुक केल्याच्या अनेक आठवडयानंतर आणि विवाहासाठी चर्च मध्ये तारीख घेतल्यावर, तो दिवस शेवटी येतो, वधूभोवती तिच्या मैत्रिणी असतात, की त्या दिवसासाठी सर्वात सुंदर स्त्रीला तयार करण्यास सज्ज, ती चांगले बसणारे लग्नाचे वस्त्र घालते, आणि त्याबरोबर जुळणारे आणि आरामदायक बूट घालते. आणि मग डोक्यावरील राजसी आच्छादन जे मुकुटासारखे दिसत असते. मग ती एक झालर घालते आणि मेकअप करणारी तिचे काम करते. मेकअप करणाऱ्या व्यक्तीने तिचे काम केल्यानंतर अनेक स्त्रिया या जगापेक्षा वेगळ्या आहेत असे स्वतःला पाहतात. मग तिला हातमोजे घालण्यात येतात, आणि मग त्या रंगाशी जुळणारी हातातील बैग तिला देण्यात येते आणि मग ती शाहीपणाने चालत जाते. एका वधूला तिच्या मोठया दिवसासाठी तयार करण्यात आपण किती प्रयत्न करतो आणि किती गोष्टींकडे लक्ष देतो त्याचे हे सव्विस्तर वर्णन दाखविते.

इतर सर्व वधुंसारखे, एस्तेरला सुद्धा तयारी करण्याचा तीचा क्षण होता. राजासमोर येणे ही एका वेळेची संधी होती ज्याची आपण कल्पना करू शकतो त्या सर्व गोष्टींची मागणी करते. राजाने देखील त्यांनी त्याच्यासमोर हजर व्हावे म्हणून त्यांच्या तयारीसाठी पुरवठा केला होता. बायबल म्हणते, "ह्यानंतर अहश्वेरोश राजाचा क्रोध शमला, तेव्हा त्याला वश्तीने काय केले होते व त्यामुळे तिच्याविरुद्ध काय ठराव झाला होता ह्याचे स्मरण झाले. मग त्याची सेवाचाकरी करणारे त्याचे सेवक त्याला म्हणाले, “राजासाठी तरुण व सुंदर कुमारींचा शोध करावा; राजाने आपल्या राज्याच्या सर्व प्रांतांत अंमलदार नेमावेत, त्यांनी सर्व सुंदर व तरुण कुमारी शूशन राजवाड्यातील अंतःपुरात जमा करून राजस्त्रियांचा रक्षक खोजा जो हेगे त्याच्या स्वाधीन कराव्यात आणि त्यांच्या शुद्धतेसाठी असलेल्या वस्तू त्यांना द्याव्यात. मग त्यांपैकी जी कुमारी राजाच्या मनास येईल ती वश्तीच्या ठिकाणी राजाची पट्टराणी व्हावी.” ही गोष्ट राजाला पसंत पडून त्याप्रमाणे त्याने केले." (एस्तेर २:१-४)

होय, वश्तीने तिचे राजपद गमाविले होते, परंतु जो कोणी ती जागा घेईल त्याने योग्य प्रकारे तयारी केली पाहिजे. एस्तेरसारखे, आपल्या सर्वांना तयारी केली पाहिजे की एका दिवशी आपल्या वरासमोर उभे राहावे. बायबल म्हणते की चर्च ही देवाची वधू आहे, आणि या वराची इच्छा आहे की राजासमोर त्याच्या वधूला सादर करावे.

इफिस ५:२५-२७ मध्ये बायबल म्हणते, "पतींनो, जशी ख्रिस्ताने मंडळीवर प्रीती केली तशी तुम्हीही आपापल्या पत्नीवर प्रीति करा; ख्रिस्ताने मंडळीवर प्रीति केली आणि स्वतःस तिच्यासाठी समर्पण केले, अशासाठी की, तिला त्याने वचनाद्वारे जलस्नानाने स्वच्छ करून पवित्र करावे, आणि गौरवयुक्त मंडळी अशी ती स्वतःला सादर करावी, म्हणजे तिला डाग, सुरकुती किंवा अशासारखे काही नसून ती पवित्र व निर्दोष असावी." या विशेष दिवसासाठी तुम्ही किती तयार आहात? तुम्हाला याची जाणीव देखील आहे काय तुम्ही ख्रिस्ताची वधू आहात?

इस्राएली लोकांकडे देखील एक क्षण होता जेव्हा त्यांना राजासमोर हजर व्हावयाचे होते, आणि या भेटीसाठी तयार असले पाहिजे होते. निर्गम १९:१०-११ मध्ये बायबल म्हणते, "परमेश्वर मोशेला म्हणाला, “तू लोकांकडे जा आणि त्यांना आज व उद्या पवित्र कर. त्यांनी आपले कपडे धुवावेत. तिसरा दिवस येईपर्यंत त्यांनी तयार राहावे, कारण तिसर्‍या दिवशी सर्व लोकांदेखत परमेश्वर सीनाय पर्वतावर उतरेल."

मुख्य तयारी ही त्यांनी स्वतःला प्रत्येक अस्वच्छता आणि पापापासून शुद्ध करावयाचे होती. येशूने त्याचे रक्त वाहिले म्हणजे आपण तो विशेष दिवस-प्रभूचा महान दिवस यासाठी पवित्र केले जावे. येशू अजूनही येत आहे की आपल्याला घरी न्यावे, ज्याप्रमाणे पती येतो की त्याच्या पत्नीला घरी न्यावे. परंतु प्रश्न हा आहे, या विशेष दिवसासाठी तुम्ही किती तयार आहात? ही वेळ आहे की पुन्हा विचार करावा आणि आपले हृदय आणि मन स्वच्छ करावे.

पित्या, येशूच्या नावाने, तुझ्या वचनाचे सत्य जे आज मला पाठविले गेले आहे त्यासाठी मी तुझे आभार मानतो. मी आज, माझ्या स्वतःला तुझ्यासमोर सादर करतो, आणि मी प्रार्थना करतो की तूं मला पवित्र व शुद्ध कर. आता मला पवित्र कर जेणेकरून मी येणाऱ्या वरासाठी तयार असावे. मी प्रार्थना करतो की पवित्र आत्म्याच्या साहाय्याने, मी आतापासून निर्दोष जीवन जगेन. येशूच्या नावाने. आमेन.