पित्याचे हृदय प्रकट केले गेले

“जो प्रीती करत नाही तो देवाला ओळखत नाही; कारण देव प्रीती आहे.” (१ योहान ४:८)

तुम्ही देवाला कसे समजता?

तो सावलीत लपलेला हुकुमशाही आकृती, तुम्हांला पापाच्या कृतीत पकडण्यासाठी तयार असणारा आहे का? किंवा, तो प्रेमळ पिता आहे, प्रत्येक वळणावर तुम्हांला मिठी मारणारा.

विधी आणि नियमांच्याही पलीकडील:

शतकानुशतके, यहूदी लोकांनी देवाला मोशेच्या नियमशास्त्राच्या दृष्टीकोनातून पाहिले- कठोर आदेश देणारा आणि न्याय करणारा परमेश्वर, परम पवित्र रहस्यात झाकलेले, चोहोबाजूस करुबीम आणि जळणारा धूप. प्रेम किंवा पिता म्हणून त्यांना देवाचे प्रकटीकरण झाले नव्हते.

जेव्हा प्रभू येशूने त्याच्या सेवाकार्याचा आरंभ केला, त्याने या कथानकास मुलभूतपणे बदलले. त्याने देवाला ‘पिता’ असे म्हटले, त्यांना आश्चर्यचकित केले ज्यांनी देवाला केवळ नियमशास्त्र आणि बलिदानांच्या रचनेमध्येच समजले होते. अचानकपणे, तो देव देहधारी होता, आणि तो विश्वाच्या निर्माणकर्त्याला ‘पिता’ म्हणत होता.

“परंतु जितक्यांनी त्याचा स्वीकार केला तितक्यांना म्हणजे त्याच्या नावावर विश्वास ठेवणाऱ्यांना त्याने देवाची मुले होण्याचा अधिकार दिला.” (योहान १:१२)

प्रीती जी बरे करते

लूक १३ मध्ये, प्रभू येशू अठरा वर्षांपासून कुबडी असलेल्या स्त्रीला भेटला. धार्मिक परंपरेने शब्बाथच्या दिवशी अशा प्रकारचे उपचार करणे टाळले असते, परंतु येशूने नियामांचे उल्लंघन केले. त्याने तिला पाहिले, तिला स्पर्श केला, आणि तिला बरे केले. त्याच्या कृतीमध्ये, येशूने पित्याच्या हृदयाला प्रकट केले- शुद्ध आणि बिनशर्त प्रीतीचे हृदय.

“प्रीती सहनशील आहे, परोपकारी आहे; प्रीती हेवा करत नाही; प्रीती बढाई मारत नाही; फुगत नाही; ती गैरशिस्त वागत नाही; स्वार्थ पाहत नाही, चिडत नाही, अपकार स्मरत नाही; ती अनीतीत आनंद मानत नाही, तर सत्यासंबंधी आनंद मानते; ती सर्वकाही सहन करते, सर्वकाही खरे मानण्यास सिद्ध असते, सर्वांची आशा धरते, सर्वांसंबंधाने धीर धरते.” (१ करिंथ. १३:४-७)

प्रीतीला कोणताही अडथळा नाही

संतप्त सभास्थानाच्या नेत्याला फटकारत, धार्मिक परंपरेमुळे प्रेमाला रोखण्याच्या मूर्खपणावर प्रकाश टाकत होता. “शब्बाथ दिवशी ह्या स्त्रीला बंधनापासून सोडवणे योग्य नव्हते काय?” येथे येशूनी आपल्याला दाखवले की मानवी नियम किंवा कायद्यांमुळे देवाचे नियम बाधित नाही.

“कारण माझी खातरी आहे की, मरण, देवदूत, अधिपती, वर्तमानकाळच्या गोष्टी, भविष्यकाळच्या गोष्टी, बले, उंची, खोली, किंवा दुसरी कोणतीही सृष्ट वस्तू, ख्रिस्त येशू आपला प्रभू ह्याच्यामध्ये देवाची आपल्यावरील जी प्रीती आहे तिच्यापासून आपल्याला विभक्त करायला समर्थ होणार नाही.” (रोम. ८:३८-३९)

व्यवहारिक पाऊले:

१. देवाबद्दल तुमच्या दृष्टीकोनाची पुन्हा तपासणी करा: तुमची परिपूर्णता प्रीती किंवा नियमांवर आधारित आहे का?

२. देवाच्या प्रीतीला प्रतिबिंबित करा: देव आपल्यावर प्रेम करतो म्हणून इतरांवर बिनशर्त प्रेम करण्यासाठी मूर्त पावले उचला.

३. अडथळे मोडून काढा: तुमच्या जीवनातून काहीही ते ओळखा आणि त्यास नष्ट करा जे देवाच्या प्रीतीस व्यक्त करण्यास अडथळा निर्माण करते.

येशूने प्रकट केलेला देव हा काही दूरचा देव नाही; तो एक प्रेमळ पिता आहे, ज्याचे हृदय त्याच्या लेकरांसाठी प्रेमाने ओतप्रोत वाहते. हे ते प्रेम आहे जे भेदभाव करत नाही; योग्य वेळेसाठी वाट पाहत नाही, आणि त्यास काहीही अडथळा माहित नाही.

आज, चला आपण देवाच्या चारित्र्याच्या या शक्तिशाली प्रकटीकरणास आत्मसात करू आणि त्याची नितांत गरज असलेल्या जगात त्याच्या प्रेमाचे वाहक बनण्याचा प्रयत्न करू या. आमेन.

पित्याचे हृदय प्रकट केले गेले

Most Read