कालेबचा आत्मा

अशा जगात जेथे अपयश आणि पराभवाची भावना अनेकदा आपल्या विश्वासाच्या क्षितिजावर ढगाचे आच्छादन करतात. तेथे कालेबची कथा अतुलनीय आत्मविश्वास आणि दैवी आश्वासनाचा दिवा म्हणून उभी आहे. गणना १४:२४ मध्ये परमेश्वराने म्हटले, “माझा सेवक कालेब ह्याची वृत्ती निराळी आहे”, ज्याने त्याला असाधारण विश्वासाचा माणूस म्हणून वेगळे केले होते. त्याची कथा ही केवळ ऐतिहासिक नाही, तर ती आज आपल्या आध्यात्मिक प्रवासासाठी आराखडा आहे.

(१) कालेबची मनोवृत्ती इस्राएली छावणीवर प्रभाव पाडणाऱ्या निराशेच्या अगदी विरुद्ध होती. त्याने वचन दिलेला देश हे अशक्य दिग्गजांचे ठिकाण म्हणून पाहिले नाही तर देवाच्या सामर्थ्याने विजयासाठी योग्य क्षेत्र म्हणून पाहिले. फिलिप्पै. ४:१३ या भावनेस प्रतिध्वनित करते, “मला जो सामर्थ्य देतो त्या ख्रिस्ताकडून मी सर्वकाही करण्यास शक्तिमान आहे.” कालेबचा दृष्टीकोन दहा हेरांच्या नकारात्मक अहवालाने डगमगला नाही, त्याने देवाच्या अभिवचनावर विश्वास ठेवण्याचे निवडले.

(२) कालेबच्या विश्वासाचे मूळ बालपणात नव्हते, तर देवाच्या सर्वशक्तिमानतेच्या गहन समजेत होते. त्यास माहित होते की, पत्येक दिग्गज, प्रत्येक अडथळे हे देव आपल्या पक्षाचा आहे यासह त्यावर ताबा मिळवता येईल. हा विश्वास दाविदासारखा होता, जेव्हा त्याने गल्ल्याथचा सामना केला, जसे १ शमुवेल १७:४५ मध्ये सांगितले आहे, “तू तलवार, भाला व बरची घेऊन माझ्यावर चालून आलास; पण इस्राएली सैन्यांच्या देवाला तू तुच्छ लेखले आहेस; त्या सेनाधीश परमेश्वराच्या नामाने मी तुझ्याकडे आलो आहे.”

(३) कालेबचा दृष्टांत काळानुसार अंधुक झाला नाही ना ही विलंबाने परावृत्त झाला नाही. कारण पंचेचाळीस वर्षे, तो त्या अभिवचनावर विसंबून राहिला होता, जे इब्री. १०:३६चे उदाहरण देऊन स्पष्ट करते, “तुम्ही देवाच्या इच्छेप्रमाणे वागून वचनानुसार फलप्राप्ती करून घ्यावी, म्हणून तुम्हांला सहनशक्तीचे अगत्य आहे.” त्याचा संकल्प आपल्याला दैवी वेळेचे मूल्य आणि देवाच्या अभिवचनांच्या प्रकटीकरणासाठी परिश्रम करण्याची चिकाटी शिकवतो.

(४) ऐंशी वय असतानाही, कालेबचा आत्मा नेहमीसारखा तरुण आणि जोमदार होता. त्याचे देवाप्रती असलेले समर्पण वयानुसार कमी झाले नाही; त्याऐवजी ते तीव्र झाले. स्तोत्र. ९२:१४ घोषित करते, “वृद्धपणातही ते फळ देत राहतील; ते रसभरीत व टवटवीत असतील.” कालेबचे जीवन हे एका समर्पित अंत:करणास वृद्धापकाळ आड येत नाही आणि देवाला वचनबद्द जीवनातून मिळालेल्या सहन करण्याच्या शक्तीची साक्ष आहे.

कालेबचे जीवन आपल्याला शंका आणि भीतीच्या नियमांच्या पलीकडे जाणारा आत्मा जोपासण्याचे आव्हान करते. पेला अर्धा भरलेला दिसतो अशा विश्वासाला स्वीकारण्यास ते आमंत्रित करते, की वय किंवा परिस्थितीमुळे अंधुक न झालेली दृष्टी ठेवावी आणि आपल्या वयाची पर्वा न करता देवाच्या कार्यासाठी तरुण उत्साह टिकवून ठेवावा. कालेबचा वारसा केवळ जमीन जिंकण्याचा नाही; तर हे जीवनातील दिग्गजांवर विश्वासाच्या विजयाबद्दल आहे.

आपण आपल्या वैयक्तिक वाळवंटातून प्रवास करत असताना, आपल्या स्वतःच्या दिग्गजांना तोंड देत असताना, आपल्याला कालेबच्या उदाहरणाने प्रेरणा मिळावी. कालेबचे समर्पण ही अशी मानसिकता अंगीकारण्याबद्दल आहे जी जगाच्या नकारात्मक अहवालांना नकार देते, जी देवाच्या वचनांवर धैर्याने कार्य करते, आणि जी शाश्वत आत्म्याने तरुण राहते आणि परमेश्वराला समर्पित असते.

कालेबचा आत्मा

Most Read