నూతనముగా మీరు

మీరు ఒక పురుషుడు లేదా స్త్రీ అయినా, మీరు నిన్న చేసిన ఎంపికల వల్ల ఈ రోజు మీరేమై ఉన్నారు. మీరు పనిచేసిన లేదా బహుశా నివసించిన వాతావరణం కారణంగా మీరు ఈ రోజు మీరేమై ఉన్నారు.

"విశ్వాసం నుండి విశ్వాసం" వరకు మన విశ్వాస స్థాయికి ఎదగాలని బైబిల్ స్పష్టంగా చెబుతుంది (రొమియులకు 1:17). మనం రోజూ మహిమ నుండి మహిమగా రూపాంతరం చెందాలి (2 కొరింథీయులకు 3:18). కాబట్టి మన విశ్వాసం పెరగడానికి మరియు మహిమ యొక్క తదుపరి స్థాయికి వెళ్ళాలని దేవుడు కోరుకుంటున్నట్లు స్పష్టమవుతుంది.

మీరు గతంలో తప్పు ఎంపికలు చేసి ఉంటే ఇప్పుడు చింతించకండి. మీ సహవసాలు లేదా వాతావరణం అంతగా కావాల్సినవి కాకపోతే మిమ్మల్ని మీరు నిందించుకొకండి.

మంచి శుభవార్త ఏమిటంటే, మీరు పరిశుద్ధాత్మ సహాయంతో మరియు మీ సంకల్పంతో పూర్తిగా భిన్నమైన వ్యక్తిగా మారవచ్చు. దేవుడు మీరు ఉండాలని కోరుకునేవన్నీ మీరు కావచ్చు.

ముఖ్యమైన అంశం క్రింది వాక్యంలో ఉంది:
ప్రవక్త సమూయేలు సౌలుతో ఇలా అన్నాడు, యెహోవా ఆత్మ నీమీదికి బలముగా దిగివచ్చును, అప్పుడు మీరు నూతన వ్యక్తిగా అవుతారు (1 సమూయేలు 10:6)

అపొస్తలుడైన యోహాను మరియు అతని సోదరుడు యాకోబు ఉరుము పుత్రులుగా పిలువబడ్డారు, బహుశా వారి కోపం వల్ల. ఒక రోజు, ప్రభువైన యేసు మరియు ఆయన శిష్యులు యెరూషలేముకు వెళ్ళేటప్పుడు సమరయ గ్రామం గుండా ప్రయాణిస్తున్నప్పుడు, సమరయలు ఆయనను స్వీకరించలేదు. కాబట్టి సోదరులు, కోపంతో, గ్రామాన్ని నాశనం చేయడానికి పరలోకం నుండి అగ్నిని పిలవడానికి అనుమతి కోసం యేసును సంప్రదించారు (లూకా 9:52-54).

ప్రభువైన యేసు వారిని తీవ్రంగా మందలించాడు. అయినప్పటికీ, యేసు యొక్క నిరంతర సహవాసం మరియు పరిశుద్ధాత్మతో నింపబడం ద్వారా వారు తమను తాము మార్చుకున్నారు. ఈ రోజు మనం యోహానును ప్రేమ ఎలా అపొస్తలుడిగా చూస్తూన్నాము. (1 యోహాను, 2 యోహాను, 3 యోహాను). ఎంత తీవ్రమైన మార్పు! ఇది మీకు కూడా జరుగుతుంది. ప్రతి రోజు పరిశుద్ధాత్మ మరియు దేవుని వాక్యంతో సహవాసం చేయడం, మరియు అతి త్వరలో, మీరు పూర్తిగా నూతనముగా ఉంటారు.

ఒప్పుకోలు
తండ్రీ, యేసు నామములో, నేను క్రీస్తులో ఉన్నాను మరియు నేను నూతన సృష్టిగా ఉన్నందుకు మీకు వందనాలు. పాత వన్నీ గతించేను, నా జీవితంలో సమస్తము నూతనముగా జరిగాయని నేను ఆజ్ఞాపిస్తున్నాను మరియు ప్రకటిస్తున్నాను. తండ్రీ, నేను మీ స్వంత చేతిపనిని అని మీకు వందనాలు. మీ పనితనం, మంచి పనుల కోసం క్రీస్తు యేసులో పునః సృష్టి చేయబడింది. యేసు నామంలో. ఆమెన్.