మార్పుకు ఆటంకాలు

మీరు అదే పనిని కొనసాగిస్తే, మీరు నూతనంగా ఏమీ ఆశించలేరు. వంటావార్పూలో ఏదో ఒకదానిని మార్చాలి, తద్వారా మనం వేరే వంటకాన్ని ఆశించవచ్చు. మీరు నూతన పంటను చూడాలనుకుంటే, మీరు విత్తుతున్న విత్తనాన్ని మార్చండి. సరళమైన మార్పు ఫలితాల నాణ్యత మరియు పరిమాణాన్ని ప్రభావితం చేస్తుంది.

ఒక వ్యక్తి జీవితంలో మార్పును అడ్డుకునే 5 అంశాలు ఉన్నాయి.

1. గర్వం (అహంకారం)
నేను మారాల్సిన అవసరం లేదని గర్వం చెబుతోంది.

గర్వం తన సొంత మార్గంలో పనులను చేయడానికి ఆసక్తి కలిగి ఉంటుంది. గర్వం దేవుని మార్గంలో పనులు చేయడానికి ఆసక్తి చూపదు.

వినయం దేవుని మార్గంలో పనులను చేస్తుంది.

మీరు ఈ లోక మర్యాదను అనుసరింపక, ఉత్తమమును, అనుకూలమును, సంపూర్ణమునై యున్న దేవుని చిత్తమేదో పరీక్షించి తెలిసికొనునట్లు మీ మనస్సు మారి నూతన మగుట వలన రూపాంతరము పొందుడి. (రోమీయులకు 12:2)

గర్వం మార్పుకు ఆటంకం. నేను మారాల్సిన అవసరం లేదని గర్వం చెబుతోంది. గర్వం ఎల్లప్పుడూ దాని ప్రస్తుత స్థితిని కాపాడుకోవడానికి ప్రయత్నిస్తుంది. గర్వానికి దాని స్వంత ఎజెండా (పద్దతి) ఉంది. నీ జీవితంలో గర్వం ఉన్నంత కాలం నువ్వు మారవు.

మీ హృదయ రహస్య అహంకారంతో వ్యవహరించమని ప్రభువును హృదయపూర్వకంగా వేడుకో. ఇది కఠినంగా ఉండవచ్చు, కానీ మీరు మీ జీవితంలో గొప్ప మార్పులను చూస్తారు.

2. భయం
నేను మారడానికి భయపడుతున్నాను అని భయం అంటుంది.
నేను సంకటం తీసుకోవడానికి భయపడుతున్నాను మరియు మీరు నన్ను మార్పు చెందమని చెబుతున్నారు.
వారు మార్పుకు భయపడతారు, కాబట్టి వారు కొత్తదానికి అడుగు వేయకుండా సగటున ఉన్న వాటిపై వేలాడుతూ ఉంటారు.

చాలా సార్లు, ప్రజలు మార్పుకు భయపడి తప్పు పడవలో ప్రయాణిస్తున్నారని తెలిసినప్పటికీ వారి నమ్మిన పద్దతిలో మరియు ఇతర విషయాలపై వ్రేలాడబడాలని కోరుకుంటారు. ఇది వారి భద్రతా వ్యవస్థ. వాళ్ళు ఏమనుకుంటారో మరియు విరేమనుకుంటారో అని వారు భయపడుతుంటారు. భయం వారిని మారకుండా చేస్తుంది.

భయం దేవుని నుండి కాదు. దేవుడు మనకు శక్తియు ప్రేమయు, ఇంద్రియ నిగ్రహమునుగల ఆత్మనే యిచ్చెను గాని పిరికితనముగల ఆత్మ నియ్యలేదు. (2 తిమోతి 1:7)

గతంలో ఏదో జరిగింది కాబట్టి భయపడవద్దు. మీరు ఆయన ఉత్తమమైనదాన్ని కలిగి ఉండాలని దేవుడు కోరుకున్నప్పుడు మంచి కోసం స్థిరపడకండి. మంచికి సర్వోత్తము శత్రువు అని ఎవరో అన్నారు.

భయం నుండి బయటపడే సమయం ఇది. నీటి మీద నడవడానికి సమయం ఇది. యేసుపై దృష్టి పెట్టవలసిన సమయం ఇది. భయం నుండి బయటపడటానికి. గొప్ప మార్పు రాబోతోంది.

తండ్రీ, దేవా, నన్ను శోధించు. నా నుండి ప్రతి గర్వాన్ని తొలగించు. నీ కుమారుడైన యేసయ్య యొక్క వినయాన్ని నాకు ధరింపజేయి.

తండ్రీ, నీవు నాకు పిరికితనముగల ఆత్మను ఇవ్వలేదు, కానీ శక్తియు ప్రేమయు, ఇంద్రియ నిగ్రహమునుగల ఆత్మ ఇచ్చినందుకు వందనాలు.