ಜಯಶಾಲಿಗಳಿಗಿಂತ ಹೆಚ್ಚಿನವರು.

"ಇವೆಲ್ಲವುಗಳಲ್ಲಿಯೂ ನಾವು ನಮ್ಮನ್ನು ಪ್ರೀತಿಸಿದಾತನ ಮೂಲಕ ಜಯ ಹೊಂದಿದವರಿಗಿಂತಲೂ ಹೆಚ್ಚಿನವರಾಗಿದ್ದೇವೆ" (ರೋಮನ್ನರು 8: 37)

ಬೆಥ್ಲೆಹೆಮ್ ನ ದಾವೀದನೆಂಬ ಎಂಬ ಸಾಮಾನ್ಯ ಕುರುಬ ಹುಡುಗನು ತನಗಿಂತಲೂ ಎರಡು ಪಟ್ಟು ಎತ್ತರದ ವೃತ್ತಿಪರ ಸೈನಿಕನನ್ನು ಕೆಡವಬಲ್ಲನೆಂದು ಯಾರು ಭಾವಿಸಿದ್ದರು? ಅಥವಾ, ಆ ವಿಷಯಕ್ಕಾಗಿ, ತನ್ನ ಜನಾಂಗವನ್ನು ಶ್ರೇಷ್ಠತೆಗೆ ಕರೆದೊಯ್ಯುವ ಅರಸನಾಗಲು ಸಾಧ್ಯವಿತ್ತಾ? ಆದರೆ ದೇವರು ಅದನ್ನು ಸಾಧ್ಯ ಮಾಡಿದನು.

ದೇವರು ದಾವೀದನನ್ನು ನೋಡಿದಾಗ ಅವನಲ್ಲಿ ಒಬ್ಬ ಕುರುಬನನ್ನು ಮೀರಿ ಅವನಲ್ಲಿರುವ ಒಬ್ಬ ಯೋಧನನ್ನು ಮತ್ತು ಅರಸನ ಹೃದಯವನ್ನು ಗುರುತಿಸಿದನು. ದಾವೀದನಲ್ಲಿದ್ದ ಶ್ರೇಷ್ಠತೆಯ ಸಾಮರ್ಥ್ಯವನ್ನು ದೇವರು ತಿಳಿದಿದ್ದನು. ಇದೆಲ್ಲದಕ್ಕೂ ಮೊದಲು, ಆತನೇ ಅದನ್ನು ಅವನಲ್ಲಿ ಇರಿಸಿದ್ದನು.

ದೇವರು ಎಲ್ಲರಲ್ಲಿಯೂ ಹುದುಗಿರುವ ಸಾಮರ್ಥ್ಯವನ್ನು ತಪ್ಪದೆ ನೋಡುವವನಾಗಿದ್ದಾನೆ. ಎದ್ದೇಳಿ; ನಿರುತ್ಸಾಹಗೊಳಿಸಬೇಡಿ, ಬಿಟ್ಟುಕೊಡಬೇಡಿ, ನಿಮ್ಮೊಳಗೆ ದೇವರು ಅನುಗ್ರಹಿಸಿರುವ ಸಾಮರ್ಥ್ಯವಿದೆ.

ನೀವು ಈಗ ಅನೇಕ ಕಠಿಣ ಸನ್ನಿವೇಶಗಳನ್ನು ಎದುರಿಸುತ್ತಿರಬಹುದು. ನೀವು ಯಾವುದನ್ನು ಎಲ್ಲಿಯವರೆಗೆ ನಿಭಾಯಿಸಬಹುದು ಎಂಬುದು ದೇವರಿಗೆ ತಿಳಿದಿದೆ ಏಕೆಂದರೆ ಆತನು ನಿಮ್ಮೊಳಗೆ ಏನನ್ನು ಇರಿಸಿದ್ದಾನೆಂಬುದು ಆತನಿಗೆ ತಿಳಿದಿದೆ. ನಿಮ್ಮ ಜೀವನವನ್ನು ದೇವರ ಉದ್ದೇಶಕ್ಕಾಗಿ ನೀವು ಹೆಚ್ಚು ಹೊಂದಿಸಿಕೊಳ್ಳುವಾಗ, ಆತನು ನಿಮ್ಮನ್ನು ನಿಮ್ಮ ಕರೆಯ ಕಡೆಗೆ ನಡೆಸಲು ಪ್ರಾರಂಭಿಸುತ್ತಾನೆ.

ಹೊಸ ಹೊಸ ಮಟ್ಟಗಳು ಹೊಸ ಹೊಸ ದುರಾತ್ಮಗಳನ್ನು ಎದುರು ತರುತ್ತವೆ ಎಂಬುದನ್ನು ನೆನಪಿಡಿ. ನಿಮ್ಮ ಮುಂದೆ ಇರುವ ಅಡೆತಡೆಗಳು ಮತ್ತು ಸವಾಲುಗಳಿಗೆ ಹೆದರಬೇಡಿರಿ. ನಿಮ್ಮ ಶತ್ರುಗಳ ಸ್ಪಷ್ಟ ಎತ್ತರ ಮತ್ತು ಬಲದ ಕುರಿತು ಚಿಂತಿಸಬೇಡಿ. ನಿಮ್ಮ ಶತ್ರುವಿನ ಎತ್ತರವನ್ನು ನಿಮ್ಮ ಜಯಿಸುವ ಸಾಮರ್ಥ್ಯದಲ್ಲಿ ಪರಿಗಣಿಸದೆ - ಆತನ ಶಕ್ತಿಯಲ್ಲಿ ದೇವರ ಮೇಲಿರುವ ವಿಶ್ವಾಸದ ಗಾತ್ರದ ಅಳತೆಯ ಮೇಲೆ ಪರಿಗಣಿಸಿ.

ಹಲ್ಲೆಲೂಯ ಎಂದು ಜಯಾಘೋಷ ಮಾಡಿರಿ! ಕರ್ತನನ್ನು ನಂಬಿರಿ. ಆಗ ನೀವು ಎದುರಿಸಬೇಕಾದ ಸವಾಲುಗಳಿಗೆ ತಕ್ಕಂತೆ ಆತನು ನಿಮ್ಮ ವ್ಯಕ್ತಿತ್ವ ಮತ್ತು ಶಕ್ತಿಯನ್ನು ಹೊಂದಿಸಿಕೊಡುತ್ತಾನೆ. ಆತನು ನಿಮ್ಮನ್ನು ಜಯಶಾಲಿಗಿಂತಲೂ ಹೆಚ್ಚಿನವರನ್ನಾಗಿ ಮಾಡುತ್ತಾನೆ!

Bible Reading: Job 39-42 , Psalms 1

ಜಯಶಾಲಿಗಳಿಗಿಂತ ಹೆಚ್ಚಿನವರು.

Most Read