ದೈನಂದಿನ ಮನ್ನಾ

"ಆಗ ಯೆಹೋವನು ತನ್ನೊಳಗೆ - ನಾನು ಮಾಡಬೇಕೆಂದಿರುವ ಕಾರ್ಯವನ್ನು ಅಬ್ರಹಾಮನಿಗೆ ಮರೆಮಾಡುವದು ಸರಿಯೋ? ಅವನಿಂದ ಬಲಿಷ್ಠವಾದ ಮಹಾಜನಾಂಗವು ಹುಟ್ಟಬೇಕಲ್ಲಾ; ಅವನ ಮೂಲಕ ಭೂವಿುಯ ಎಲ್ಲಾ ಜನಾಂಗಗಳಿಗೂ ಆಶೀರ್ವಾದ ಉಂಟಾಗುವದಲ್ಲಾ; ಅವನು ತನ್ನ ಪುತ್ರಪೌತ್ರರಿಗೆ - ನೀವು ನ್ಯಾಯನೀತಿಗಳನ್ನು ನಡಿಸಿ ಯೆಹೋವನ ಮಾರ್ಗವನ್ನು ಅನುಸರಿಸಬೇಕೆಂದು ಬೋಧಿಸುವಂತೆ ಅವನನ್ನು ನಾನು ಆದುಕೊಂಡೆನಲ್ಲಾ; ಅವನು ಹೀಗೆ ಮಾಡುವದರಿಂದ ಯೆಹೋವನಾದ ನನ್ನ ವಾಗ್ದಾನವು ನೆರವೇರುವದು ಅಂದುಕೊಂಡನು.” (ಆದಿಕಾಂಡ 18:17-19)

ಜೋನಾಥನ್ ಎಡ್ವರ್ಡ್ಸ್ ಅವರ "ಕೋಪಗೊಂಡ ದೇವರ ಕೈಯಲ್ಲಿ ಪಾಪಿಗಳು" ಎನ್ನುವ ಕ್ಲಾಸಿಕ್ ಧರ್ಮೋಪದೇಶ ಜನರಲ್ಲಿ ಎಷ್ಟು ಮಾನಸಾಂತರ ಮಾಡುತ್ತಿತ್ತು ಎಂದರೆ ಅವರ ಉಪದೇಶದ ಕೇಳುತ್ತ ಕುಳಿತ ಜನರು ಅರುಚುತ್ತಿದ್ದರು ಮತ್ತು ಪಶ್ಚಾತ್ತಾಪದಿಂದ ನೆಲಕ್ಕೆ ಬಿದ್ದು ಹೊರಳಾಡುತ್ತಿದ್ದರಂತೆ ಎಂದು ನನಗೆ ತಿಳಿದುಬಂತು. ಕೆಲವರು ನರಕದ ಜ್ವಾಲೆಗಳು ತಮ್ಮ ಪಾದಗಳನ್ನು ಸುಡುವುದನ್ನು ಅನುಭವಿಸುತ್ತಿದ್ದೇವೆ ಎಂದು ಕೂಗಡುತ್ತಿದ್ರಂತೆ.

ಆದರೂ, ಜೋನಾಥನ್ ಎಡ್ವರ್ಡ್ಸ್ ತಮ್ಮ ವೈಯಕ್ತಿಕ ಜೀವನದಲ್ಲಿ, ತುಂಬಾ ಪ್ರೀತಿಯ, ಕರುಣಾಳು ವ್ಯಕ್ತಿಯಾಗಿದ್ದು, ಅವರು ತಮ್ಮ ಕುಟುಂಬದೊಂದಿಗೆ ಗುಣಮಟ್ಟದ ವೈಯಕ್ತಿಕ ಸಮಯವನ್ನು ಕಳೆಯುವುದರಲ್ಲಿ ಆನಂದಿಸುತ್ತಿದ್ದರು. ಎಡ್ವರ್ಡ್ಸ್ ಹನ್ನೊಂದು ಮಕ್ಕಳನ್ನು ಹೊಂದಿದ್ದು ಅವರು ಪ್ರತಿದಿನ ತಮ್ಮ ಮಕ್ಕಳ ಮೇಲೆ ಆಶೀರ್ವಾದವನ್ನು ಕುರಿತು ಮಾತನಾಡುವುದನ್ನು ಇಷ್ಟಪಡುತ್ತಿದ್ದರು.

ಜೊನಾಥನ್ ಎಡ್ವರ್ಡ್ಸ್ ಅವರ ವಂಶಸ್ಥರು ಈಗ ಹೇಗಿದ್ದಾರೆ ಎಂದು ಪತ್ತೆಹಚ್ಚಲು ಒಂದು ಅಧ್ಯಯನವನ್ನು ನಡೆಸಲಾಗಿ ಅವರ ಮಕ್ಕಳಲ್ಲಿ ಬಹುತೇಕರು ಲೇಖಕರು, ಪ್ರಾಧ್ಯಾಪಕರು, ವಕೀಲರು, ಸುವಾರ್ತೆಯ ಸೇವಕರು ಮತ್ತು ಕೆಲವರು ಯುನೈಟೆಡ್ ಸ್ಟೇಟ್ಸ್ ಸರ್ಕಾರದಲ್ಲಿ ಉನ್ನತ ಹುದ್ದೆಗಳನ್ನು ಅಲಂಕರಿಸಿದ್ದಾರೆ ಎಂದು ಕಂಡುಬಂದಿದೆ. ಇಬ್ರಿಯ 7:8-10 ನಮಗೆ ಒಂದು ಪ್ರಮುಖ ತತ್ವವನ್ನು ಹೇಳುತ್ತದೆ, ಒಬ್ಬ ತಂದೆ ತನ್ನ ಮಕ್ಕಳು ಜನಿಸುವ ವರ್ಷಗಳ ಮೊದಲು ತೆಗೆದುಕೊಂಡ ಕ್ರಮಗಳ ಆಧಾರದ ಮೇಲೆ ಆ ಮಕ್ಕಳ ಮೇಲೆ ಸಕಾರಾತ್ಮಕವಾಗಿ ಅಥವಾ ನಕಾರಾತ್ಮಕವಾಗಿ ಪರಿಣಾಮ ಬೀರಬಹುದು.

ಅಪೊಸ್ತಲ ಪೌಲನು ಅಬ್ರಹಾಮನ ಕುರಿತು ಮತ್ತು ಯೆರುಸಲೆಮಿನ ಪ್ರಥಮ ಅರಸನೂ ಮತ್ತು ಯಾಜಕನಾದನೂ ಆದ ಮೆಲ್ಕಿಜೆದೆಕ್ ಕುರಿತು ಬರೆದಿದ್ದಾನೆ. ಲೇವಿ ಇನ್ನೂ ಹುಟ್ಟುವ ಮೊದಲೇ ಲೇವಿಯು ಅಬ್ರಹಾಮನ ಗರ್ಭದಲ್ಲಿ ತತ್ವ ರೂಪವಾಗಿದ್ದು ದಶಮಾಂಶಗಳನ್ನು ಪಾವತಿಸುತ್ತಿದ್ದನೆಂದು ಅಪೊಸ್ತಲ ಪೌಲನು ಉಲ್ಲೇಖಿಸಿದ್ದಾನೆ, ಅದರ ಕುರಿತು ನಾವು ನಿಜವಾಗಿಯೂ ಯೋಚಿಸಬೇಕಾಗಿದೆ.

ನಾನು ಪ್ರತಿಯೊಬ್ಬ ಪೋಷಕರನ್ನು ಬೇಡಿಕೊಳ್ಳುವುದೇನೆಂದರೆ ನೀವು ಮಲಗುವ ಮೊದಲು, ನಿಮ್ಮ ಮಕ್ಕಳ ಮೇಲೆ ನಿಮ್ಮ ಕೈಗಳನ್ನು ಇಟ್ಟು ಅವರ ಮೇಲೆ ಆಶೀರ್ವಾದ ಮಾಡಿ (ಅವರು ಒಂದು ಅಥವಾ ಐವತ್ತು ವರ್ಷ ವಯಸ್ಸಿನವರಾಗಿದ್ದರೂ ಪರವಾಗಿಲ್ಲ). ಗರ್ಭಿಣಿಯರೇ, ದಿನವಿಡೀ ಸಾಧ್ಯವಾದಷ್ಟು ಬಾರಿ ನಿಮ್ಮ ಹೊಟ್ಟೆಯ ಮೇಲೆ ನಿಮ್ಮ ಕೈಗಳನ್ನು ಇರಿಸಿ ಮತ್ತು ನಿಮ್ಮ ಮಗುವಿನ ಮೇಲೆ ಆಶೀರ್ವಾದ ಮಾಡಿ. ಮಗುವನ್ನು ಹಂಬಲಿಸುತ್ತಿರುವವರು ಸಹ, ನಿಮ್ಮ ಹೊಟ್ಟೆಯ ಮೇಲೆ ಕೈಗಳನ್ನು ಇಟ್ಟು, "ನನ್ನ ಮಗು ನನಗೆ ಮತ್ತು ನನ್ನ ಸುತ್ತಮುತ್ತಲಿನವರಿಗೆ ಆಶೀರ್ವಾದಕರ ವಾಗಿರುತ್ತದೆ" ಎಂದು ಹೇಳುತ್ತಿರಿ.

ನಿಮ್ಮ ಮಕ್ಕಳು ದೊಡ್ಡವರಾದಾಗ ನಿಮ್ಮ ಕುಟುಂಬದಲ್ಲಿನ ಪ್ರತಿಯೊಬ್ಬ ಸದಸ್ಯರು ಯಾರೂ ಇದುವರೆಗೆ ತಲುಪದ ಉನ್ನತ ಮಟ್ಟವನ್ನು ಸಾಧಿಸುತ್ತಾರೆ ಎಂದು ನಾನು ಪ್ರವಾದನೆ ನುಡಿಯುತ್ತೇನೆ.

ನನ್ನ ಮತ್ತು ನನ್ನ ಕುಟುಂಬದ ಮೇಲೆ ಕರ್ತನ ಆಶೀರ್ವಾದವಿರುವುದ್ದರಿಂದ ನನ್ನ ಕೈ ಕೆಲಸವು ಆಶೀರ್ವದಿಸಲ್ಪಟ್ಟಿದೆ ಮತ್ತು ಕರ್ತನಿಗೆ ಮಹಿಮೆ ಮತ್ತು ಗೌರವವನ್ನು ತರುತ್ತದೆ. ಆಮೆನ್.

Bible Reading: Psalms 97-104

ದೈನಂದಿನ ಮನ್ನಾ

Most Read