അധ്യായം 1

ശ്രദ്ധിക്കുക, താന്‍ "ദൈവത്തിന്‍റെ ഹിതത്താല്‍" 

ഒരു അപ്പോസ്തലനായിരുന്നു എന്ന് പൌലോസ് പരാമര്‍ശിക്കുന്നു. ഏഷ്യയിലെ റോമന്‍ പ്രവിശ്യയിലുള്ള പ്രധാനപ്പെട്ട ഒരു നഗരമായിരുന്നു എഫസോസ്, ഇപ്പോള്‍ അതിനെ തുര്‍ക്കി എന്നറിയപ്പെടുന്നു. അര്‍ത്തെമിസ് എന്നും അറിയപ്പെടുന്ന ഡയാനയുടെ ക്ഷേത്രം സ്ഥിതിചെയ്തിരുന്ന സ്ഥലമായിരുന്നത്. 

നമ്മുടെ പിതാവായ ദൈവത്തിങ്കൽനിന്നും കർത്താവായ യേശുക്രിസ്തുവിങ്കൽനിന്നും നിങ്ങൾക്കു കൃപയും സമാധാനവും ഉണ്ടാകട്ടെ. (എഫെസ്യർ 1:2).

ദൈവത്തിന്‍റെ പരിജ്ഞാനത്താല്‍ കൃപയും സമാധാനവും വര്‍ദ്ധിപ്പിക്കുവാന്‍ കഴിയുമെന്ന് അപ്പോസ്തലനായ പത്രോസ് വെളിപ്പെടുത്തി (2 പത്രോസ് 1:2).

"ക്രിസ്തുവില്‍" നാം സകല ആത്മീക അനുഗ്രഹങ്ങളാലും അനുഗ്രഹിക്കപ്പെട്ടിരിക്കുന്നു. ഈ കാര്യങ്ങളെല്ലാം ഇപ്പോള്‍ ആത്മീക യാഥാര്‍ഥ്യങ്ങളാണ്. നാം വിശ്വസിക്കയും വിശ്വാസത്താല്‍ പ്രവര്‍ത്തിക്കയും ചെയ്യുമ്പോള്‍, ഈ ആത്മീക അനുഗ്രഹങ്ങള്‍ ഭൌതീക യാഥാര്‍ഥ്യങ്ങളായി മാറുന്നു. 

ലോകസ്ഥാപനത്തിനു മുന്നമേ നാം ക്രിസ്തുവില്‍ തിരഞ്ഞെടുക്കപ്പെട്ടവര്‍ ആയിരുന്നു. ദൈവം ക്രിസ്തുവില്‍ കൂടി നമ്മെ കാണുന്നതുകൊണ്ട് നാം വിശുദ്ധരും നിഷ്കളങ്കരുമാകുന്നു. 

ഞാനും നിങ്ങളും ഒരു ചുവന്ന ഗ്ലാസ്സിലൂടെ നോക്കുകയാണെങ്കില്‍, സകലവും ചുവപ്പായി കാണപ്പെടും. അതുപോലെ, ദൈവം ക്രിസ്തുവിലൂടെ നമ്മെ കാണുന്നു, അപ്പോള്‍ നമ്മുടെ ജീവിതത്തിലെ സകലതും യേശുവിന്‍റെ രക്തത്താല്‍ മറയ്ക്കപ്പെടുന്നു. ദൈവം തന്‍റെ പുത്രനിലൂടെ പ്രകടമാക്കിയ സ്നേഹത്താല്‍ നാം അവന്‍റെ മുമ്പാകെ വിശുദ്ധരും നിഷ്കളങ്കരും ആകുന്നു.

ദത്തെടുക്കലിലൂടെ, പഴയ ബന്ധങ്ങള്‍ വിച്ഛേദിക്കപ്പെട്ടു, എല്ലാ നിയമപരമായ അവകാശങ്ങളോടും കൂടി പുതിയ പിതാവ്, കുഞ്ഞിന്‍റെ സമ്പൂര്‍ണ്ണ ഉടമയായി മാറി. റോമില്‍, ദത്തെടുക്കലിലൂടെ ഒരു അടിമയ്ക്ക് റോമന്‍ പൌരനെന്ന നിലയിലെ പൂര്‍ണ്ണമായ അവകാശങ്ങള്‍ ഉണ്ടായിരിക്കും. ദത്തെടുക്കലിലൂടെ, ക്രിസ്ത്യാനികള്‍ക്ക് തങ്ങളുടെ പഴയ യജമാനനുമായുള്ള സകല ബന്ധങ്ങളും അറ്റുപോയിരിക്കുന്നു, മാത്രമല്ല ഇപ്പോള്‍ അവര്‍ തങ്ങളുടെ സ്വര്‍ഗ്ഗീയ പിതാവിന്‍റെ അവകാശികളും യേശുക്രിസ്തുവിന്‍റെ കൂട്ടവകാശികളും ആയിത്തീര്‍ന്നിരിക്കുന്നു.

തിരസ്കരണം എവിടെ നിന്ന് വന്നാലും, അത് നാം നമ്മെത്തന്നേ കാണുന്നതിലും, മറ്റുള്ളവരുമായുള്ള നമ്മുടെ മൂല്യത്തെ കാണുന്നതിലും വലിയ നാശങ്ങള്‍ ഉണ്ടാക്കുന്നു.

ദൈവവുമായുള്ള നമ്മുടെ ബന്ധത്തിലും നാം പലപ്പോഴും ഇതേ മനോഭാവം തന്നെ വഹിക്കുന്നു. എന്‍റെ എല്ലാ തെറ്റുകളും ദൈവം കാണുകയും, എന്‍റെ എല്ലാ ബലഹീനതകളെക്കുറിച്ചും മറ്റാരേക്കാളും കൂടുതല്‍ ബോധവാനാണെങ്കില്‍, ഞാന്‍ എന്തിനു അവനില്‍ നിന്നും നല്ലത് പ്രതീക്ഷിക്കണം?

സദ്വര്‍ത്തമാനം എന്തെന്നാല്‍ "ദൈവം നമ്മെ അംഗീകരിച്ചു" എന്നതാണ്. "അംഗീകരിച്ചു" എന്ന പദത്തിന്‍റെ ഗ്രീക്കിലെ വാക്കിന്‍റെ അര്‍ത്ഥം "കൃപ തോന്നിക്കുന്ന, ആകര്‍ഷകം, സ്നേഹമായത്, സ്വീകാര്യമായത്, പ്രസാദത്താല്‍ വലയം ചെയ്യുകയും അനുഗ്രഹങ്ങളാല്‍ ആദരിക്കയും ചെയ്യുക" എന്നൊക്കെയാണ്.