അനുദിന മന്ന
1
0
224
ദൈവത്തിന്റെ 7 ആത്മാക്കള്‍: ആലോചനയുടെ ആത്മാവ്
Thursday, 21st of August 2025
1
0
224
Categories :
ദൈവത്തിന്റെ ആത്മാവ് (Spirit of God)
അവർ ആസ്യയിൽ വചനം പ്രസംഗിക്കരുതെന്നു പരിശുദ്ധാത്മാവ് വിലക്കുകയാൽ ഫ്രുഗ്യയിലും ഗലാത്യദേശത്തിലുംകൂടി സഞ്ചരിച്ചു, മുസ്യയിൽ എത്തി ബിഥുന്യയ്ക്കു പോകുവാൻ ശ്രമിച്ചു; യേശുവിന്‍റെ ആത്മാവോ അവരെ സമ്മതിച്ചില്ല. (അപ്പൊ.പ്രവൃ 16:6-7).
ശ്രദ്ധിക്കുക ഇവിടെ പറയുന്നത് പരിശുദ്ധാത്മാവ് അവരെ വിലക്കിയെന്നാണ്. പൌലോസും കൂടെയുള്ളവരും ആസ്യയില്‍ പോയി പ്രസംഗിക്കുവാന്‍ ആഗ്രഹിച്ചു, എന്നാല്‍ പരിശുദ്ധാത്മാവ് അവരെ തടഞ്ഞു. ഇത് ആലോചനയുടെ ആത്മാവാകുന്നു.
അപ്പോൾതന്നെ കൈസര്യയിൽനിന്ന് എന്‍റെ അടുക്കൽ അയച്ചിരുന്ന മൂന്നു പുരുഷന്മാർ ഞങ്ങൾ പാർത്ത വീട്ടിന്‍റെ മുമ്പിൽ നിന്നിരുന്നു; ഒന്നും സംശയിക്കാതെ അവരോടുകൂടെ പോകുവാൻ ആത്മാവ് എന്നോട് കല്പിച്ചു (അപ്പൊ.പ്രവൃ 11:11-12).
അപ്പോസ്തലനായ പത്രോസ് തോല്‍ക്കൊല്ലനായ ശീമോന്‍റെ ഭവനത്തില്‍ പ്രാര്‍ത്ഥിച്ചുകൊണ്ടിരിക്കുമ്പോള്‍ കൊര്‍ന്നെല്യോസിന്‍റെ ഭവനത്തിലേക്ക്‌ പോകുവാനായി ആത്മാവ് ആലോചന കൊടുക്കുന്നത് അവന് ഇവിടെ വിവരിക്കുകയാണ്.
സങ്കീര്‍ത്തനം 16:7 ലെ ദാവീദിന്‍റെ വാക്കുകള്‍ ഓര്‍ക്കുക: "എനിക്കു ബുദ്ധി ഉപദേശിച്ചുതന്ന യഹോവയെ ഞാൻ വാഴ്ത്തും; രാത്രികാലങ്ങളിലും എന്‍റെ അന്തഃരംഗം എന്നെ ഉപദേശിക്കുന്നു".
നിങ്ങള്‍ എന്തൊക്കെ ചെയ്യണമെന്നും എന്തൊക്കെ ചെയ്യരുതെന്നും ആലോചനയുടെ ആത്മാവ് നിങ്ങളെ നിര്‍ദ്ദേശിക്കുകയും നിങ്ങളോടു പറയുകയും ചെയ്യുന്നു. നിങ്ങളുടെ സകല കാര്യങ്ങളിലും അവന് നിങ്ങള്‍ക്ക് മാര്‍ഗ്ഗദര്‍ശനം നല്‍കുന്നു. നിങ്ങള്‍ ഒരുപക്ഷേ തെറ്റായ ദിശയില്‍ പോയികൊണ്ടിരിക്കുന്നവരാകാം, എന്നാല്‍ ആലോചനയുടെ ആത്മാവ് നിങ്ങളില്‍ പ്രവര്‍ത്തിക്കുമ്പോള്‍, "വഴി ഇതാകുന്നു, ഇതിൽ നടന്നുകൊൾവിൻ എന്നൊരു വാക്ക് പിറകിൽനിന്നു കേൾക്കും". (യെശയ്യാവ് 30:21).
നമുക്ക് ഒരു ശിശു ജനിച്ചിരിക്കുന്നു; നമുക്ക് ഒരു മകൻ നല്കപ്പെട്ടിരിക്കുന്നു; ആധിപത്യം അവന്‍റെ തോളിൽ ഇരിക്കും; അവന് അദ്ഭുതമന്ത്രി, വീരനാം ദൈവം, നിത്യപിതാവ്, സമാധാനപ്രഭു എന്നു പേർ വിളിക്കപ്പെടും. (യെശയ്യാവ് 9:6).
ഈ വേദപുസ്തക ഭാഗത്തിന്‍റെ പ്രഥമമായ എബ്രായ ഭാഷാന്തരത്തില്‍, "അത്ഭുത, മന്ത്രി" എന്നീ രണ്ടു വ്യത്യസ്ത പദങ്ങള്‍ കിംഗ്‌ ജെയിംസ്‌ പരിഭാഷയില്‍ ഉപയോഗിച്ചിരിക്കുന്നതുപോലെ കാണുന്നില്ല. ഇത് ശരിക്കും ഒരു സംയുക്ത നാമമായാണ് വായിക്കുന്നത്: "അത്ഭുതമന്ത്രി". നിങ്ങള്‍ മറ്റുള്ള ആ പേരുകളും സൂക്ഷ്മതയോടെ ശ്രദ്ധിച്ചാലും, "വീരനാം ദൈവം", "നിത്യപിതാവ്", "സമാധാനപ്രഭു" എന്നിങ്ങനെയാണ് പ്രവാചകന്‍ കര്‍ത്താവിനെ വിശേഷിപ്പിക്കുന്നത്, അവിടെയും രണ്ടു വിശേഷണങ്ങള്‍ കാണാം.
"അത്ഭുത മന്ത്രി" എന്ന പേരിന്‍റെ അര്‍ത്ഥം "അസാധാരണമായ തന്ത്രജ്ഞന്‍" എന്നാകുന്നു. ആലോചനയുടെ ആത്മാവ് അസാധാരണമായ തന്ത്രജ്ഞന്‍ ആകുന്നു. അവന് സാധാരണമായ മനസ്സിനെക്കാളും അഥവാ ബുദ്ധിയെക്കാളും അപ്പുറത്താകുന്നു എന്നതാണ് അതിനര്‍ത്ഥം. അവന് അമാനുഷീകനാകുന്നു. അവനെ ആശയക്കുഴപ്പത്തില്‍ ആക്കുവാന്‍ സാധിക്കുകയില്ല. നിങ്ങള്‍ അഭിമുഖീകരിക്കുന്ന സകല പ്രതിസന്ധികളില്‍ നിന്നും പുറത്തേക്കുള്ള വഴി അവനറിയാം. അന്ധകാരത്തില്‍ നിന്നും നിങ്ങള്‍ക്ക് എങ്ങനെ പുറത്തുകടക്കുവാന്‍ സാധിക്കുമെന്ന് അവനറിയാം; നിങ്ങളെ ഒരു വിജയിയാക്കി എങ്ങനെ മാറ്റാം എന്നും അവനറിയാം. അവന് നിങ്ങളുടെ അസാധാരണമായ തന്ത്രജ്ഞന്‍ ആകുന്നു, മാത്രമല്ല അവന് നിങ്ങളുടെ അകത്തു ജീവിക്കുന്നു.
Bible Reading: Jeremiah 30-31
പ്രാര്‍ത്ഥന
വാഴ്ത്തപ്പെട്ട പരിശുദ്ധാത്മാവേ, അങ്ങ് എന്‍റെ അത്ഭുത മന്ത്രിയാകുന്നു; അവിടുന്ന് എന്‍റെ അസാധാരണമായ തന്ത്രജ്ഞന്‍ ആകുന്നു.
അങ്ങയുടെ ദൈവീകമായ ആലോചന എനിക്കുള്ളതുകൊണ്ട് എന്‍റെ എല്ലാ പദ്ധതികളും സ്ഥിരപ്പെടും. യേശുവിന്‍റെ നാമത്തില്‍. ആമേന്‍.
Join our WhatsApp Channel
Most Read
● 21 ദിവസങ്ങള്‍ ഉപവാസം: ദിവസം #8● ഒരു ഉദ്ദേശത്തിനായി ജനിച്ചിരിക്കുന്നു
● നിങ്ങള്‍ ഇപ്പോഴും കാത്തുനില്‍ക്കുന്നത് എന്തുകൊണ്ട്?
● വിശ്വാസികളുടെ രാജകീയ പൌരോഹിത്യം
● അലഞ്ഞുതിരിയുന്നത്‌ അവസാനിപ്പിക്കുക
● അനുദിനവും യേശു കണ്ടുമുട്ടിയിരുന്ന അഞ്ചു തരത്തിലുള്ള ആളുകള്‍
● വചനത്താൽ പ്രകാശം വരുന്നു
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2025 Karuna Sadan, India.