അനുദിനവും ജ്ഞാനിയായി വളരുന്നത്‌ എങ്ങനെ

ജ്ഞാനി കേട്ടിട്ടു വിദ്യാഭിവൃദ്ധി പ്രാപിപ്പാനും, ബുദ്ധിമാന്‍ സദുപദേശം സമ്പാദിപ്പാനും ( അങ്ങനെ തനിക്കു തന്‍റെ ഗതി ശരിയായി നയിക്കുവാന്‍ കഴിയും) (സദൃശ്യ 1:5)

ജ്ഞാനി കേട്ടിട്ടു വിദ്യാഭിവൃദ്ധി പ്രാപിപ്പാനും. മറ്റൊരു വാക്കില്‍ പറഞ്ഞാല്‍, ബുദ്ധിമാനായ ഒരുവന്‍ കേട്ട് ജ്ഞാനി ആയി തീരുന്നു. സാരാംശം ലളിതമാണ്: ജ്ഞാനികള്‍ ആയവര്‍ സംസാരിക്കുന്നതിനേക്കാള്‍ കൂടുതല്‍ കേള്‍ക്കുന്നു.

ജ്ഞാനത്തില്‍ വളരാനുള്ള ഒരു മാര്‍ഗ്ഗം എന്നത്, ജ്ഞാനികള്‍ ആയവരുടെ സന്ദേശങ്ങള്‍ കേള്‍ക്കുകയും അവരുടെ പുസ്തകങ്ങള്‍ വായിക്കുകയും ചെയ്തു അവരില്‍ നിന്നും പഠിക്കുക എന്നുള്ളതാണ്. ജ്ഞാനത്തിനു വേണ്ടി വായിക്കുവാന്‍ കഴിയുന്ന ഏറ്റവും നല്ല പുസ്തകം സദൃശ്യവാക്യങ്ങള്‍ ആണ്. സദൃശ്യവാക്യങ്ങളില്‍ 31 അദ്ധ്യായങ്ങള്‍ ആണ് ഉള്ളത്, നിങ്ങള്‍ക്ക്‌ ഓരോ ദിവസത്തെ തീയതി അനുസരിച്ച് ഓരോ ദിവസവും അതാത് അദ്ധ്യായങ്ങള്‍ വായിക്കുവാന്‍ സാധിക്കും. ഉദാഹരണത്തിന്, ഇന്ന് 4-ാം തീയതി ആണെങ്കില്‍, സദൃശ്യവാക്യങ്ങള്‍ 4-ാം അദ്ധ്യായം വായിക്കുക, അങ്ങനെ തുടരുക.

നിങ്ങള്‍ ഓരോ അദ്ധ്യായം വായിക്കുമ്പോഴും, നിങ്ങള്‍ അത് കേള്‍ക്കുകയും നിങ്ങളുടെ അകത്തെ മനുഷ്യനോടു സംസാരിക്കുകയും വേണം. ഇത് സ്ഥിരമായി ചെയ്യുമ്പോള്‍ നിങ്ങള്‍ ജ്ഞാനിയായി വളരുവാന്‍ ഇടയാകും.

ദൈവീക ജ്ഞാനം പ്രാപിപ്പാനുള്ള മറ്റൊരു മാര്‍ഗ്ഗം നിങ്ങള്‍ പ്രാര്‍ത്ഥിക്കുമ്പോള്‍ കര്‍ത്താവിനു പറയാനുള്ളത് കേള്‍ക്കുക എന്നുള്ളതാണ്. പല ആളുകളും പ്രാര്‍ത്ഥനയെ ഒറ്റയാള്‍ സംസാരം ആയിട്ടാണ് കാണുന്നത്. ലളിതമായി പറഞ്ഞാല്‍, അവര്‍ തങ്ങളുടെ ഹൃദയത്തില്‍ ഉള്ളത് പ്രകടിപ്പിച്ചിട്ടു കര്‍ത്താവിനു അവരോടു പറയാനുള്ളത് കേള്‍ക്കുവാന്‍ കാത്തുനില്‍ക്കാതെ എഴുന്നേറ്റു പോകുന്നു. അതുകൊണ്ട് അടുത്ത പ്രാവശ്യം നിങ്ങള്‍ പ്രാര്‍ത്ഥിക്കുമ്പോള്‍, നിങ്ങളോടു സംസാരിക്കുവാന്‍ കര്‍ത്താവിനോടു പറയുകയും അത് കേള്‍ക്കുവാനായി നിശബ്ദമായി കാത്തിരിക്കുകയും ചെയ്യുക. ദൈവം തീര്‍ച്ചയായും സംസാരിക്കും.

ജ്ഞാനം സമ്പാദിക്കുന്നത് കേള്‍വിയിലൂടെയാണ്, സംസാരത്തിലൂടെ അല്ല. നിങ്ങള്‍ക്ക്‌ ഒരു അധരമേ ഉള്ളു, എന്നാല്‍ രണ്ടു കാതുകള്‍ ഉണ്ട്. മറ്റൊരു വാക്കില്‍ പറഞ്ഞാല്‍, ഒരുവന്‍ കേള്‍പ്പാന്‍ വേഗതയും പറവാന്‍ താമസവും ഉള്ളവന്‍ ആയിരിക്കണം (യാക്കോബ് 1:19)

ദൈവീകമായ കേള്‍വി എന്ന അറിവ് പരിശീലിക്കുക അപ്പോള്‍ ശ്രേദ്ധേയമായ മാറ്റം നിങ്ങളുടെ ജീവിതത്തില്‍ കാണുവാന്‍ കഴിയും.

Bible Reading: Joel 2-3; Amos 1-2