അനുദിന മന്ന
1
0
746
ദിവസം 21: 40 ദിവസ ഉപവാസവും പ്രാര്‍ത്ഥനയും
Sunday, 31st of December 2023
1
0
746
Categories :
ഉപവാസവും പ്രാര്‍ത്ഥനയും (Fasting and Prayer)
ദൈവത്തിനായി ഒരു യാഗപീഠം ഉയര്‍ത്തുക
അനന്തരം യഹോവ മോശെയോട് അരുളിച്ചെയ്തത് എന്തെന്നാൽ: 2ഒന്നാം മാസം ഒന്നാം തീയതി നീ സമാഗമനകൂടാരമെന്ന തിരുനിവാസം നിവിർക്കേണം.
17ഇങ്ങനെ രണ്ടാം സംവത്സരം ഒന്നാം മാസം ഒന്നാം തീയതി തിരുനിവാസം നിവിർത്തു. (പുറപ്പാട് 40:1-2, 17).
ഒന്നാം മാസം ഒന്നാം തീയതി (പുതുവര്‍ഷ ദിനം) മരുഭൂമിയില്‍ സമാഗമനക്കുടാരം സ്ഥാപിക്കണമെന്ന് യഹോവ മോശെയ്ക്ക് നിര്‍ദ്ദേശം നല്‍കുന്നതായി മുകളില്‍ പറഞ്ഞിരിക്കുന്ന വാക്യങ്ങളില്‍ നമുക്ക് കാണാം. നിങ്ങളുടെ ലക്ഷ്യസ്ഥാനത്തെ മാറ്റുവാന്‍ കഴിയുന്ന ഒരു ദൈവീകമായ യാഗപീഠത്തിന്‍റെ ഉത്തമമായ ഒരു ഉദാഹരണമാണിത്.
എന്നാല്‍ തിന്മയുടെ യാഗപീഠങ്ങളും ഉണ്ടെന്ന് നിങ്ങള്‍ക്കറിയാമോ? ജീവനുള്ള ദൈവത്തിന്‍റെ യാഗപീഠത്തില്‍ നിന്നും വ്യത്യസ്തമായ ഏതൊരു യാഗപീഠവും തിന്മയുടെ യാഗപീഠമാകുന്നു. ഇത് ദുഷ്ടനായവന്‍ ക്രിസ്ത്യാനികള്‍ക്കും നിഷ്കളങ്കരായ ആത്മാക്കള്‍ക്കും എതിരായി പ്രവര്‍ത്തിക്കുന്ന യാഗപീഠമാണ്. ക്രിസ്ത്യാനികള്‍ എന്ന നിലയില്‍, മനുഷ്യരുടെ ലക്ഷ്യസ്ഥാനങ്ങളെ നശിപ്പിക്കുവാന്‍ വേണ്ടി രഹസ്യമായി പ്രവര്‍ത്തിക്കുന്ന മറ്റനവധി യാഗപീഠങ്ങള്‍ ലോകത്തില്‍ ഉണ്ടെന്നുള്ള കാര്യത്തെക്കുറിച്ച് നാം അറിവുള്ളവരായിരിക്കണം.
യാഗപീഠത്തെ സംബന്ധിച്ച് ചില വസ്തുതകള്‍
ഇന്നത്തെ വേദഭാഗം നാം പഠിക്കുമ്പോള്‍ യാഗപീഠത്തെക്കുറിച്ച് താഴെ പറഞ്ഞിരിക്കുന്ന വിവരങ്ങള്‍ കണ്ടെത്തുവാന്‍ സാധിക്കും.
ഓരോ യാഗപീഠത്തിനും അതിന്‍റെ ചുമതല വഹിക്കുന്ന ഒരു പുരോഹിതന്‍ ഉണ്ടായിരിക്കും.
ഓരോ യാഗപീഠത്തിനും തുടര്‍മാനമായ യാഗം ആവശ്യമാണ്‌.
ആത്മാക്കളുടെ സംസര്‍ഗ്ഗത്തിന്‍റെ സ്ഥലമാണ് യാഗപീഠങ്ങള്‍.
ഉടമ്പടികള്‍ ഉണ്ടാക്കപ്പെടുന്ന ആത്മീക വേദികളാകുന്നു യാഗപീഠം എന്ന് പറയുന്നത്.
കൈമാറ്റം നടക്കുന്നതായ ഒരു സ്ഥലം കൂടിയാണ് യാഗപീഠം.
യാഗപീഠങ്ങളില്‍ ഇടപാടുകള്‍ നടക്കുന്നുണ്ട്.
ഓരോ യാഗപീഠത്തിനും അതില്‍ നിന്നും സംസാരിക്കുന്നതായ ഒരു ശബ്ദമുണ്ട്‌. ബിലെയാം ഏഴു യാഗപീഠങ്ങള്‍ പണിതു മാത്രമല്ല യാഗപീഠത്തില്‍ നിന്നുകൊണ്ട് യിസ്രായേല്യര്‍ക്ക് എതിരായി സംസാരിക്കുവാന്‍ അവന് ആഗ്രഹിച്ചു, എന്നാല്‍ യാഗപീഠത്തില്‍ നിന്നുകൊണ്ട് തന്‍റെ ജനത്തെ ശപിക്കുന്നതില്‍ നിന്നും ദൈവം അവനെ തടഞ്ഞു.
യാഗപീഠങ്ങളില്‍ നിന്നും അനുഗ്രഹങ്ങളും ശാപങ്ങളും അയയ്ക്കുവാന്‍ സാധിക്കും.
യാഗപീഠങ്ങള്‍ ശക്തിയുള്ളതാണ്, അവയ്ക്ക് ഒരു തലമുറയില്‍ നിന്നും അടുത്തതിലേക്ക് പ്രവര്‍ത്തിക്കുവാന്‍ സാധിക്കും.
ദുഷ്ട ബലിപീഠങ്ങള്‍ എത്ര ഉറപ്പുള്ളതാണെങ്കിലും, ദൈവത്തിന്‍റെ ശക്തി അവിടെ വ്യാപരിച്ചു കഴിഞ്ഞാല്‍ അത് നശിച്ചുപോകുവാന്‍ ഇടയാകും. നിങ്ങളുടെ മുന്നേറ്റത്തെ വെല്ലുവിളിക്കുന്നതായ ഏതൊരു തിന്മയുടെ യാഗപീഠത്തേയും നശിപ്പിക്കുവാന്‍ നിങ്ങള്‍ക്ക് കഴിയേണ്ടതിനു നിങ്ങള്‍ ശക്തിയില്‍ വളരേണ്ടത് ആവശ്യമാകുന്നു.
ദുഷ്ട ബലിപീഠങ്ങളുടെ പ്രവര്‍ത്തനങ്ങളെ നിങ്ങള്‍ക്ക് എങ്ങനെ അറിയുവാന്‍ സാധിക്കും?
1. നിങ്ങളെ ജീവനുള്ള ദൈവത്തിങ്കല്‍ നിന്നും അകറ്റുവാന്‍ ഉദ്ദേശിച്ചുള്ളതാണ് തിന്മയുടെ യാഗപീഠങ്ങള്‍.
"എഫ്രയീം പാപപരിഹാരത്തിനായി അനേകം യാഗപീഠങ്ങളെ ഉണ്ടാക്കിയതുകൊണ്ട്, യാഗപീഠങ്ങൾ അവന് പാപഹേതുവായിത്തീർന്നിരിക്കുന്നു". (ഹോശേയ 8:11).
2. തിന്മയുടെ യാഗപീഠങ്ങള്‍ ലക്ഷ്യസ്ഥാനത്തെ വൈകിപ്പിക്കുന്നു.
3. ലക്ഷ്യസ്ഥാനങ്ങളെ നശിപ്പിക്കുവാന്‍ തിന്മയുടെ യാഗപീഠത്തിനു സാധിക്കും.
4. ലക്ഷ്യസ്ഥാനങ്ങളെ മലിനപ്പെടുത്തുവാന്‍ ദുഷ്ട യാഗപീഠങ്ങള്‍ക്ക് കഴിയും. (യിരെമ്യാവ് 19:13).
5. ഒരു വംശപരമ്പരയില്‍ തന്നെ രോഗത്തിനും, ദാരിദ്ര്യത്തിനും, പൈശാചീക പ്രവേശനത്തിനും കാരണമാകുവാന്‍ തിന്മയുടെ യാഗപീഠത്തിനു സാധിക്കും.
ദുഷ്ട യാഗപീഠത്തിനു എതിരായി ചെയ്യേണ്ടത് എന്താകുന്നു.
1. യാഗപീഠങ്ങള്‍ക്ക് മീതെ പ്രവാചക വചനങ്ങളെ അയയ്ക്കുക.
"അവൻ യഹോവയുടെ കല്പനയാൽ യാഗപീഠത്തോട്: യാഗപീഠമേ, യാഗപീഠമേ, യഹോവ ഇപ്രകാരം അരുളിച്ചെയ്യുന്നു: ദൈവപുരുഷൻ യഹോവയുടെ കല്പനയാൽ കൊടുത്തിരുന്ന അടയാളപ്രകാരം യാഗപീഠം പിളർന്ന് ചാരം യാഗപീഠത്തിൽനിന്നു തൂകിപ്പോയി". (1 രാജാക്കന്മാര്‍ 13:2,5).
ദുഷ്ട യാഗപീഠങ്ങളെ സുഗമമായി പ്രവര്‍ത്തിക്കുവാന്‍ നമ്മുടെ നിശബ്ദത അനുവദിക്കും. നാം അത് ഈ ഭൂമിയില്‍ പ്രഖ്യാപിക്കുന്നില്ലയെങ്കില്‍, നമുക്കുവേണ്ടി സ്വര്‍ഗ്ഗത്തിലും അപ്രകാരം ചെയ്യപ്പെടുകയില്ല. വിശ്വാസികളെന്ന നിലയില്‍, ഭൂമിയില്‍ ദൈവത്തിന്‍റെ ഹിതം നിറവേറ്റേണ്ടവര്‍ നാം ഓരോരുത്തരുമാകുന്നു.
നിങ്ങളുടെ ലക്ഷ്യസ്ഥാനത്തെ ശല്യപ്പെടുത്തുന്ന ഏതൊരു ദുഷ്ട യാഗപീഠവും അഗ്നിയാല്‍ ഇന്ന് നശിച്ചുപോകട്ടെയെന്നു നിങ്ങളുടെ ജീവിതത്തോടു യേശുവിന്‍റെ നാമത്തില്‍ ഞാന്‍ കല്‍പ്പിക്കുന്നു.
2. ദൈവീകമായ ഒരു യാഗപീഠം പണിയുക
ക്ഷാമകാലത്തിനു ശേഷം മഴ പെയ്യുന്നതിനായി ഏലിയാവ് പ്രാര്‍ത്ഥിക്കുന്നതിനു മുമ്പ്, അവന് ആളുകളെ ഒരുമിച്ചു വിളിച്ചുകൂട്ടി എന്നത് സന്തോഷകരമായ ഒരു കാര്യമാണ്, "അവൻ ഇടിഞ്ഞുകിടന്ന യഹോവയുടെ യാഗപീഠം നന്നാക്കി". (1 രാജാക്കന്മാര്‍ 18:30).
നമ്മുടെ യാഗപീഠത്തിന്‍റെ അവസ്ഥ നമ്മുടെ ആരാധനയുടെ അവസ്ഥയേയും ദൈവവുമായുള്ള നമ്മുടെ ബന്ധത്തേയും പ്രതിഫലിപ്പിക്കുന്നു. മൂന്നു തരത്തിലുള്ള ദൈവത്തിന്‍റെ യാഗപീഠങ്ങളുണ്ട്; നമ്മുടെ ശരീരങ്ങള്‍ (1 കൊരിന്ത്യര്‍ 6:19), നമ്മുടെ ഭവനങ്ങള്‍ (മത്തായി 18:20), അതുപോലെ സഭ (കൊലൊസ്സ്യര്‍ 1:24).
പ്രാര്‍ത്ഥന
ഓരോ പ്രാര്‍ത്ഥനാ മിസൈലുകളും നിങ്ങളുടെ ഹൃദയത്തില്‍ നിന്നും വരുന്നതുവരെ ആവര്‍ത്തിക്കുക. അതിനുശേഷം മാത്രം അടുത്ത പ്രാര്‍ത്ഥനാ മിസൈലിലേക്ക് പോകുക. അതിനെ വ്യക്തിഗതമാക്കുക, കുറഞ്ഞത്‌ ഒരു മിനിറ്റെങ്കിലും ഓരോ പ്രാര്‍ത്ഥനാ വിഷയത്തിനും വേണ്ടി മാറ്റിവെക്കുക,മുമ്പോട്ടു പോകുന്നതിനു മുമ്പ് അത് സത്യത്തില്‍ ഹൃദയസ്പര്‍ശിയാകുന്നു എന്ന് ഉറപ്പ് വരുത്തുക.
തീര്‍ച്ചയായും! നിങ്ങള്‍ ആവശ്യപ്പെട്ട പ്രകാരം നിങ്ങളുടെ ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി ദൈവവചനത്തിലെ വാക്യങ്ങള്‍ രൂപപ്പെടുത്തി ഇവിടെ കൊടുത്തിരിക്കുന്നു:
1. എന്‍റെ ലക്ഷ്യസ്ഥാനത്തിനു എതിരായി പ്രവര്‍ത്തിക്കുന്ന ഏതൊരു ദുഷ്ട യാഗപീഠത്തേയും യേശുവിന്‍റെ നാമത്തില്‍ ഞാന്‍ നശിപ്പിക്കുന്നു. (പുറപ്പാട് 34:13).
2. എന്‍റെ ലക്ഷ്യസ്ഥാനത്തിനു എതിരായി അപകീര്‍ത്തി സംസാരിക്കുന്ന ഏതൊരു അപരിചിതമായ യാഗപീഠവും, യേശുവിന്‍റെ നാമത്തില്‍ നിശബ്ദമായി പോകട്ടെ. (യെശയ്യാവ് 54:17).
3. ദൈവത്തിന്‍റെ ദൂതന്മാരെ, എന്‍റെ ഭാവിയ്ക്ക് വിരോധമായി പ്രവര്‍ത്തിക്കുന്ന എന്‍റെ പിതാവിന്‍റെ ഭവനത്തിലെ തിന്മയുടെ കുടുംബ ബലിപീഠങ്ങളെ പോയി നശിപ്പിക്കുക, യേശുവിന്‍റെ നാമത്തില്‍. (ന്യായാധിപന്മാര്‍ 6:25-26).
4. എന്‍റെ ലക്ഷ്യസ്ഥാനത്തെ പരിമിതപ്പെടുത്തുന്ന ഏതൊരു ദുഷ്ട യാഗപീഠത്തേയും യേശുവിന്‍റെ രക്തത്താല്‍ ഞാന്‍ നശിപ്പിക്കുന്നു, യേശുവിന്‍റെ നാമത്തില്‍. (എബ്രായര്‍ 9:14).
5. എന്‍റെ നല്ല ഭാവിയ്ക്ക് വിരോധമായി പ്രവര്‍ത്തിക്കുന്ന ദുഷ്ട യാഗപീഠത്തിലെ ഏതൊരു ദുഷ്ട പുരോഹിതരുടെ പ്രവര്‍ത്തികളെയും യേശുവിന്‍റെ നാമത്തില്‍ ഞാന്‍ ബന്ധിക്കുന്നു. (മത്തായി 16:19).
6. തിന്മയുടെ യാഗപീഠത്തിന്മേല്‍ എനിക്കെതിരായി ചെയ്തിരിക്കുന്ന ഏതൊരു തിന്മയും, യേശുവിന്‍റെ നാമത്തില്‍ നന്മയായും അനുഗ്രഹമായും മാറട്ടെ. (ഉല്പത്തി 50:20).
7. എന്‍റെ ലക്ഷ്യസ്ഥാനത്തിനു എതിരായുള്ള അപരിചിതമായ യാഗപീഠത്തിന്‍റെ ശക്തിയെ യേശുവിന്‍റെ നാമത്തില്‍ ഞാന്‍ നിര്‍വീര്യമാക്കുന്നു. (2 രാജാക്കന്മാര്‍ 23:14).
8. ദോഷത്തിനായി എന്‍റെ പേര് വിളിക്കുന്ന ഏതൊരു ശക്തിയും, യേശുവിന്‍റെ നാമത്തില്‍ നശിച്ചുപോകട്ടെ. (യെശയ്യാവ് 47:12-15).
9. ദൈവത്തിന്‍റെ ദൂതന്മാരെ, തിന്മയുടെ യാഗപീഠങ്ങളില്‍ നിന്നും എന്‍റെ എല്ലാ സദ്‌ഗുണങ്ങളും, മഹത്വവും, അനുഗ്രഹങ്ങളും, സമ്പത്തും വീണ്ടെടുക്കുവാന്‍ വേണ്ടി യേശുവിന്‍റെ നാമത്തില്‍ ഞാന്‍ നിന്നെ അയയ്ക്കുന്നു. (സങ്കീര്‍ത്തനം 103:20).
10. തിന്മയുടെ യാഗപീഠങ്ങളിലുള്ള എന്‍റെ എല്ലാ അവകാശങ്ങളേയും യേശുവിന്‍റെ നാമത്തില്‍ ഞാന്‍ കൈവശപ്പെടുത്തുന്നു. (ഓബദ്യാവ് 1:17).
11. പിതാവേ, അങ്ങേയ്ക്ക് വേണ്ടി ഒരു ദൈവീകമായ യാഗപീഠം നിവിര്‍ത്തുവാന്‍ എന്നെ ശക്തീകരിക്കേണമേ, യേശുവിന്‍റെ നാമത്തില്‍. (ഉല്പത്തി 22:9).
12. എന്‍റെ ജീവിതത്തിനു എതിരായി പ്രവര്‍ത്തിച്ചുകൊണ്ടിരിക്കുന്ന ദുഷ്ട യാഗപീഠങ്ങള്‍ക്ക് നേരെ ഞാന്‍ പ്രാവചനീക വചനങ്ങളെ അയയ്ക്കുന്നു, അത് അഗ്നിയാല്‍ യേശുവിന്‍റെ നാമത്തില്‍ നശിച്ചുപോകട്ടെ. (യിരെമ്യാവ് 23:29).
13. ദുഷ്ട യാഗപീഠങ്ങളിലുള്ള ദുഷ്ട രേഖകളില്‍ നിന്നും ഞാന്‍ എന്‍റെ പേര് യേശുവിന്‍റെ നാമത്തില്‍ നീക്കം ചെയ്യുന്നു. (കൊലൊസ്സ്യര്‍ 2:14).
14. എനിക്കെതിരായി ആസൂത്രണം ചെയ്തിരിക്കുന്ന മരണത്തില്‍ നിന്നും യേശുവിന്‍റെ നാമത്തില്‍ ഞാന്‍ രക്ഷപ്പെടുന്നു. (സങ്കീര്‍ത്തനം 91:3).
15. ദൈവത്തിന്‍റെ ദൂതന്മാരെ, എന്‍റെ സാമ്പത്തീക മുന്നേറ്റത്തിനും, ദാമ്പത്യത്തിലെ സ്ഥിരതയ്ക്കും, അനുഗ്രഹത്തിനും എതിരായി പ്രവര്‍ത്തിക്കുന്ന സാത്താന്യ ബലിപീഠങ്ങളെ പോയി തകര്‍ത്തുകളയുക, യേശുവിന്‍റെ നാമത്തില്‍. (2 ദിനവൃത്താന്തം 20:15).
16. എന്‍റെ ലക്ഷ്യസ്ഥാനത്തിനു എതിരായുള്ള സാത്താന്യ ആരോപണങ്ങളെ യേശുവിന്‍റെ നാമത്തില്‍ ഞാന്‍ നിശബ്ദമാക്കുന്നു. (വെളിപ്പാട് 12:10).
17. എന്‍റെ അനുഗ്രഹങ്ങളെ പൂട്ടിവെച്ചിരിക്കുന്ന ഏതൊരു ശക്തിയേ, അവയെ ഇപ്പോള്‍ തന്നെ വിടുക യേശുവിന്‍റെ നാമത്തില്‍. (മത്തായി 18:18).
18. നാശത്തിന്‍റെ പട്ടികയില്‍ നിന്നും ഞാന്‍ എന്‍റെ
Join our WhatsApp Channel
Most Read
● യഹോവയെ വിളിച്ചപേക്ഷിപ്പിന്‍● സുഹൃത്ത് ആകാനുള്ള അപേക്ഷ: പ്രാര്‍ത്ഥനയോടെ തിരഞ്ഞെടുക്കുക.
● ശരിയായ ബന്ധങ്ങള്‍ എങ്ങനെ കെട്ടിപ്പടുക്കാം
● അപകീര്‍ത്തിപ്പെടുത്തുന്ന പാപത്തിനു ആശ്ചര്യകരമായ കൃപ ആവശ്യമാകുന്നു
● നിങ്ങളുടെ ബലഹീനത ദൈവത്തിനു കൊടുക്കുക
● രൂപാന്തരത്തിനു വേണ്ടിയുള്ള സാധ്യത
● നിങ്ങളുടെ ബന്ധം നഷ്ടമാക്കരുത്
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2024 Karuna Sadan, India.