അനുദിന മന്ന
1
0
844
ലൈംഗീക പ്രലോഭനങ്ങളെ എങ്ങനെ അതിജീവിക്കാം
Sunday, 6th of August 2023
1
0
844
Categories :
Deliverance
Temptation
ദൈവമേ, നിന്‍റെ ദയയ്ക്കു തക്കവണ്ണം എന്നോടു കൃപയുണ്ടാകേണമേ; നിന്‍റെ കരുണയുടെ ബഹുത്വപ്രകാരം എന്‍റെ ലംഘനങ്ങളെ മായിച്ചുകളയേണമേ.
എന്നെ നന്നായി കഴുകി എന്‍റെ അകൃത്യം പോക്കേണമേ; എന്‍റെ പാപം നീക്കി എന്നെ വെടിപ്പാക്കേണമേ.
എന്‍റെ ലംഘനങ്ങളെ ഞാൻ അറിയുന്നു; എന്‍റെ പാപം എപ്പോഴും എന്‍റെ മുമ്പിൽ ഇരിക്കുന്നു.
നിന്നോടുതന്നെ ഞാൻ പാപം ചെയ്തു; നിനക്ക് അനിഷ്ടമായുള്ളതു ഞാൻ ചെയ്തിരിക്കുന്നു. സംസാരിക്കുമ്പോൾ നീ നീതിമാനായും
വിധിക്കുമ്പോൾ നിർമ്മലനായും ഇരിക്കേണ്ടതിനു തന്നെ.
ഇതാ, ഞാൻ അകൃത്യത്തിൽ ഉരുവായി; പാപത്തിൽ എന്‍റെ അമ്മ എന്നെ ഗർഭം ധരിച്ചു. (സങ്കീര്‍ത്തനം 51:1-5).
ലൈംഗീകമായ പ്രലോഭനം നിമിത്തം അങ്ങേയറ്റം അപമാനം അനുഭവിക്കേണ്ടി വന്ന ദാവീദ് എന്ന ഒരു മനുഷ്യനാണ് സങ്കീര്‍ത്തനങ്ങള്‍ 51 എഴുതിയത്. എന്നാല്‍ അവന്‍ ദൈവത്തിനു തന്നെത്തന്നെ സമര്‍പ്പിച്ചപ്പോള്‍ അവന്‍ അങ്ങേയറ്റം സ്വാതന്ത്ര്യം അനുഭവിച്ചു എന്നുള്ളതാണ് സദ്വാര്‍ത്ത.
തന്‍റെ പിതാവിന്‍റെ ആടുകളെ മേയ്ക്കുന്ന ഒരു ഇടയബാലനായിട്ടാണ് ദാവീദ് ആരംഭിച്ചത്. അവന്‍റെ കുടുംബം അവനെക്കുറിച്ച് അധികമൊന്നും ചിന്തിക്കാതെ, കൂടുതല്‍ ശക്തരും കഴിവുറ്റവരുമായ തന്‍റെ സഹോദരന്മാര്‍ക്ക് സാധനങ്ങള്‍ കൊണ്ടെത്തിക്കുന്ന ഒരു ഡെലിവറി ചെറുക്കനായി അവര്‍ അവനെ ഉപയോഗിച്ചു. ദൈവത്തിന്‍റെ മഹാ കരുണയാല്‍, പിന്നീട് അവന്‍ കര്‍ത്താവിനുവേണ്ടി യുദ്ധങ്ങളെ ചെയ്യുന്ന ഒരു യോദ്ധാവായി മാറി.ഒടുവിലായി അവന്‍ യിസ്രായേലിന്‍റെ ഭരണാധികാരി ആയിത്തീര്‍ന്നു.
വിരോധാഭാസമായി, ജീവിതത്തിന്‍റെ ഉന്നതമായ അവസ്ഥയില്‍, അവന്‍ തന്‍റെ ജീവിതത്തിലെ ഏറ്റവും താഴ്ന്ന നിമിഷങ്ങളെ അനുഭവിച്ചു. അവന്‍ ലൈംഗീകമായ പാപത്തില്‍ അകപ്പെട്ടു. അവന്‍റെ പാപം മറയ്ക്കുവാന്‍ വേണ്ടി അവന്‍ കൃത്രിമം കാണിക്കുകയും കൊലപാതകം നടത്തുകയും ചെയ്തു. ഈ പരാജയങ്ങള്‍ എല്ലാം സംഭവിച്ചിട്ടും, ഒടുവില്‍ ദാവീദിനെ സംബന്ധിച്ച് കര്‍ത്താവ് പറഞ്ഞത് എന്താണെന്ന് നോക്കുക:
'ഞാൻ യിശ്ശായിയുടെ മകനായ ദാവീദിനെ എനിക്കു ബോധിച്ച പുരുഷനായി കണ്ടു; അവൻ എന്‍റെ ഹിതം എല്ലാം ചെയ്യും'. [അപ്പൊ.പ്രവൃ 13:22).
ഓരോ വ്യക്തികളുടേയും ജീവിതം അതുല്യമായിരിക്കുന്നതുകൊണ്ട്, നാം ഓരോരുത്തരും ലൈംഗീകമായ പ്രലോഭനത്തിനു എതിരായി പോരാടേണ്ടത് ആവശ്യമാകുന്നു. ഈ അടുത്ത സമയത്ത് ഒരു യുവാവില്‍ നിന്നും എനിക്ക് ലഭിച്ചതായ ഒരു ഇ മെയില്‍ ഇപ്രകാരമായിരുന്നു:
പ്രിയ പാസ്റ്റര്‍ മൈക്കിള്‍,
എന്‍റെ യ്യൌവന മോഹങ്ങളില്‍ നിന്നും മുക്തനാകുവാനുള്ള ആഴമായ ആഗ്രഹം ശരിക്കും എനിക്കുണ്ട്, എന്നാല്‍ അതിനുള്ള വഴി ഞങ്ങളോട് ഒരിക്കലും പറഞ്ഞിട്ടില്ല. താങ്കള്‍ സഹായിക്കാമോ? ദയവായി.
ഏറ്റവും വലിയ അദ്ധ്യാപകനായ പരിശുദ്ധാത്മാവ് ദാവീദിനു സംഭവിച്ചത് എല്ലാം പരാമര്‍ശിച്ചത് നമുക്ക് രസിക്കുവാന്‍ വേണ്ടിയല്ല. ഒരു കാരണത്താലാണ് വേദപുസ്തകത്തില്‍ അത് രേഖപ്പെടുത്തുവാന്‍ അവന്‍ അനുവദിച്ചത്.
ഇതു ദൃഷ്ടാന്തമായിട്ട് അവർക്കു സംഭവിച്ചു, ലോകാവസാനം വന്നെത്തിയിരിക്കുന്ന നമുക്കു ബുദ്ധ്യുപദേശത്തിനായി എഴുതിയുമിരിക്കുന്നു. (1 കൊരിന്ത്യര്‍ 10:11).
•ദൈവവചനത്തിന്‍റെ ഉദ്ദേശം
•നമുക്ക് ഒരു ദൃഷ്ടാന്തമായിട്ട്,
•നമുക്കു ബുദ്ധ്യുപദേശത്തിനായി (ഒരു മുന്നറിയിപ്പായി).
ജ്ഞാനിയായ ഒരു പുരുഷനോ ജ്ഞാനിയായ ഒരു സ്ത്രീയോ അനുഭവത്തില്‍ നിന്നും പഠിക്കുന്നില്ല; അത് പഠിക്കുന്നതിനുള്ള വളരെ വേദനാജനകമായ ഒരു രീതിയാണ്. മറ്റുള്ളവരുടെ വിജയങ്ങളില്‍ നിന്നും പരാജയങ്ങളില്‍ നിന്നും അവന്‍ പഠിക്കുന്നു.
വ്യക്തമായും, ദാവീദ് രാജാവില്‍ നിന്നും ഒരുപാട് കാര്യങ്ങള്‍ പഠിക്കുവാനുണ്ട്. ദൈവം ദാവീദിന് കാണിച്ചുകൊടുത്ത കാര്യങ്ങളെ നാം സസൂക്ഷ്മം ശ്രദ്ധിക്കാന്‍ തയ്യാറായാല്‍, നമുക്കും ദൈവത്തിന്‍റെ ഹൃദയപ്രകാരമുള്ള ഒരു യോദ്ധാവായിരിക്കുവാനും ലൈംഗീകമായ പ്രലോഭനങ്ങളെ അതിജീവിക്കുവാനും സാധിക്കും എന്ന് ഞാന്‍ വിശ്വസിക്കുന്നു.
ആ യാത്ര ദാവീദിന് അത്ര എളുപ്പമായിരുന്നില്ല, എന്നാല്‍ നാം ദൈവത്തിന്‍റെ വചനമാകുന്ന ആത്മാവിന്‍റെ വാള്‍ എടുത്തുകൊണ്ടു, നമ്മുടെ സ്വാതന്ത്ര്യത്തിനായി പൊരുതുവാന്‍ നിര്‍ണ്ണയിച്ചുകൊണ്ട്, യുദ്ധത്തിനായി മുമ്പോട്ടു പോയാല്‍, വിജയം നമ്മുടെതായിരിക്കും, യേശുവിന്‍റെ നാമത്തില്‍.
"അനുഭവിച്ചത് അത്രയും മതി, ഈ ലജ്ജയുടെ ചങ്ങലകള്‍ എന്‍റെ ജീവിതത്തേയും വിളിയേയും പാഴാക്കുന്നു" എന്നാണ് നിങ്ങള്‍ പറയുന്നതെങ്കില്‍, എന്നോടുകൂടെ പ്രാര്‍ത്ഥിക്കുവാന്‍ തയ്യാറാകുക.
പ്രാര്‍ത്ഥന
ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.
വ്യക്തിപരമായ ആത്മീക വളര്‍ച്ച
പിതാവേ, യേശുവിന്‍റെ നാമത്തില്‍, എന്നെ സഹായിക്കുവാനുള്ള അങ്ങയുടെ ശക്തിയെ ഞാന്‍ അംഗീകരിക്കുന്നു. അങ്ങയുടെ പുത്രനായ യേശുവിനെ എന്‍റെ പാപത്തിനു വേണ്ടി യാഗം അര്‍പ്പിക്കുവാന്‍ അങ്ങ് അനുവദിച്ചതിനാല്‍ ഞാന്‍ ആത്മാര്‍ത്ഥമായി അങ്ങേയ്ക്ക് നന്ദി പറയുന്നു.
പിതാവേ യേശുവിന്‍റെ നാമത്തില്‍, ക്രിസ്തുവില്‍ എനിക്കുണ്ടാകണമെന്ന് അങ്ങ് ആഗ്രഹിക്കുന്ന സ്വാതന്ത്ര്യത്തിനായി പോരാടാനുള്ള ശക്തിയും, ജ്ഞാനവും, അതിയായ വാഞ്ചയും എനിക്ക് തരേണമേ.
പിതാവേ, യേശുവിന്‍റെ നാമത്തില്‍, അങ്ങയുടെ സാദൃശ്യത്തിലേക്ക് എന്നെ അവിടുന്ന് പുനര്‍നിര്‍മ്മിക്കേണ്ടതിനു അങ്ങയുടെ വഴി എന്നില്‍ നടപ്പിലാക്കുവാനുള്ള അനുവാദം ഞാന്‍ അങ്ങേയ്ക്ക് നല്‍കുന്നു.
പിതാവേ. എന്‍റെമേലും എന്‍റെ കുടുംബാംഗങ്ങളുടെമേലും ഒരു പുതിയ രീതിയില്‍ അങ്ങയുടെ ആത്മാവിനെ പകരേണമേ. അതുപോലെ മെയ്‌ 28-ാം തീയതിയിലെ പെന്തകോസ്ത് ആരാധനയില്‍ പങ്കെടുക്കുന്ന സകലരുടെമേലും അങ്ങയുടെ ആത്മാവിനെ ചൊരിയേണമേ.
കുടുംബത്തിന്‍റെ രക്ഷ
പിതാവാം ദൈവമേ, ക്രിസ്തുവിന്‍റെ സത്യം അംഗീകരിക്കേണ്ടതിനു എന്‍റെ എല്ലാ കുടുംബാംഗങ്ങളുടെയും ഹൃദയത്തില്‍ അവിടുന്ന് ചലിക്കണമെന്ന് ഞാന്‍ അങ്ങയോടു അപേക്ഷിക്കുന്നു. "യേശുക്രിസ്തുവിനെ കര്‍ത്താവും, ദൈവവും, രക്ഷിതാവുമായി അറിയുവാനുള്ള ഒരു ഹൃദയം അവര്‍ക്ക് നല്‍കേണമേ. തങ്ങളുടെ മുഴു ഹൃദയത്തോടെ അങ്ങയിലേക്ക് തിരിയുവാന്‍ അവരെ ഇടയാക്കേണമേ".
അന്നാളിൽ അവന്‍റെ ചുമടു നിന്‍റെ തോളിൽനിന്നും അവന്‍റെ നുകം നിന്‍റെ കഴുത്തിൽനിന്നും നീങ്ങിപ്പോകും; പുഷ്‍ടിനിമിത്തം നുകം തകർന്നുപോകും. (യെശയ്യാവ് 10:27).
സാമ്പത്തീകമായ മുന്നേറ്റം
സമ്പത്തുണ്ടാക്കുവാന്‍ ശക്തി നല്‍കുന്നത് അവിടുന്നാകയാല്‍ പിതാവേ ഞാന്‍ അങ്ങേയ്ക്ക് നന്ദി പറയുന്നു. സമ്പത്തുണ്ടാക്കുവാന്‍ ആവശ്യമായ ബലം ഇപ്പോള്‍ എന്‍റെമേല്‍ വീഴുമാറാകട്ടെ. യേശുവിന്‍റെ നാമത്തില്‍. (ആവര്‍ത്തനം 8:18).
എന്‍റെ അവകാശം ശാശ്വതമായിരിക്കും.ദുഷ്കാലത്ത് ഞാന്‍ ലജ്ജിച്ചുപോകയില്ല; ക്ഷാമകാലത്ത് ഞാനും എന്‍റെ കുടുംബാംഗങ്ങളും തൃപ്തരായിരിക്കും. (സങ്കീര്‍ത്തനം 37:18-19).
എന്‍റെ ദൈവമോ എന്‍റെ ബുദ്ധിമുട്ടൊക്കെയും മഹത്ത്വത്തോടെ തന്‍റെ ധനത്തിനൊത്തവണ്ണം ക്രിസ്തുയേശുവിൽ പൂർണമായി തീർത്തുതരും. (ഫിലിപ്പിയര്‍ 4:19).
കെ എസ് എം സഭ
പിതാവേ, യേശുവിന്‍റെ നാമത്തില്‍,പാസ്റ്റര്‍.മൈക്കിളിനെയും, തന്‍റെ കുടുംബാംഗങ്ങളേയും, ടീം അംഗങ്ങളേയും, കരുണാ സദന്‍ മിനിസ്ട്രിയുമായി ബന്ധപ്പെട്ട ഓരോ വ്യക്തികളേയും അഭിവൃദ്ധിപ്പെടുത്തേണമേ.
രാജ്യം
പിതാവേ, അങ്ങയുടെ വചനം പറയുന്നു, ഭരണകര്‍ത്താക്കളെ ഉന്നതമായ ബഹുമാന്യമായ സ്ഥാനത്തു നിയോഗിക്കുന്നത് അവിടുന്നാകുന്നു, നേതാക്കളെ തങ്ങളുടെ ഉന്നതമായ സ്ഥാനത്തുനിന്നും നീക്കം ചെയ്യുന്നതും അങ്ങ് തന്നെയാകുന്നു. അതെ ദൈവമേ, ഞങ്ങളുടെ രാജ്യത്തിലെ ഓരോ സംസ്ഥാനത്തിലും പട്ടണങ്ങളിലും ശരിയായ നേതാക്കളെ അവിടുന്ന് എഴുന്നെല്‍പ്പിക്കേണമേ. യേശുവിന്‍റെ നാമത്തില്‍. ആമേന്‍.
നിങ്ങളുടെ ദേശത്തിനായി പ്രാര്‍ത്ഥിക്കുവാന്‍ ചില സമയങ്ങള്‍ എടുക്കുക.
Join our WhatsApp Channel
Most Read
● ദൈവത്തിന്‍റെ യഥാര്‍ത്ഥ സ്വഭാവം● ഈ പുതുവര്‍ഷത്തിന്‍റെ ഓരോദിവസവും സന്തോഷം അനുഭവിക്കുന്നത് എങ്ങനെ?
● സ്ഥിരതയുടെ ശക്തി
● വാഗ്ദത്ത ദേശത്തിലെ കോട്ടകളെ കൈകാര്യം ചെയ്യുക
● സംതൃപ്തി ഉറപ്പാക്കപ്പെട്ടിരിക്കുന്നു
● ഇന്നത്തെ സമയങ്ങളില്‍ ഇതു ചെയ്യുക
● പാലങ്ങളെ നിര്‍മ്മിക്കുക, തടസ്സങ്ങളെയല്ല
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്‍: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2024 Karuna Sadan, India.