ഉപവാസത്തില്‍ കൂടെ ദൂതന്മാരെ ചലിപ്പിച്ച് നിര്‍ത്തുക

അവന്‍ (ദൂതന്‍) എന്നോടു പറഞ്ഞത്: ദാനീയേലേ, "ഭയപ്പെടേണ്ടാ; നീ തിരിച്ചറിയേണ്ടതിനും നിന്‍റെ ദൈവത്തിന്‍റെ മുമ്പാകെ നിന്നെത്തന്നെ താഴ്ത്തേണ്ടതിനും മനസ്സുവച്ച ആദ്യദിവസം മുതല്‍ നിന്‍റെ വാക്ക് കേട്ടിരിക്കുന്നു; നിന്‍റെ വാക്ക് ഹേതുവായിത്തന്നെ ഞാന്‍ വന്നിരിക്കുന്നു". (ദാനിയേല്‍ 10:12)

വേദപുസ്തകം പറയുന്നു ദൈവത്തിങ്കല്‍ നിന്നുള്ള ഒരു മറുപടിക്കായുള്ള ദാനിയേലിന്‍റെ മൂന്നാഴ്ചത്തെ ഉപവാസത്തിന്‍റെയും പ്രാര്‍ത്ഥനയുടേയും അവസാനത്തില്‍, ഗബ്രിയേല്‍ ദൂതന്‍ ദാനിയേലിന് പ്രത്യക്ഷനായി ഇപ്രകാരം പറഞ്ഞു, "നിന്‍റെ വാക്ക് കേട്ടിരിക്കുന്നു; നിന്‍റെ വാക്ക് ഹേതുവായിത്തന്നെ ഞാന്‍ വന്നിരിക്കുന്നു". 

ദാനിയേല്‍ ദൂതന്മാരോട് പ്രാര്‍ത്ഥിച്ചില്ല; ഉപവാസത്തോടു കൂടെ പിതാവിനോടു കഴിച്ച ഈ പ്രാര്‍ത്ഥന ദൂതന്മാരുടെ മണ്ഡലങ്ങളെ പോലും ദാനിയേലിന് വേണ്ടി ചലിപ്പിച്ച് നിര്‍ത്തുവാന്‍ ഇടയാക്കി. അങ്ങനെ ദാനിയേലിന് വേണ്ടി ശക്തനായ ഒരു ദൂതനെ അയയ്ക്കുകയുണ്ടായി.

നിങ്ങള്‍ പ്രാര്‍ത്ഥനയ്ക്കായി വരുന്ന എല്ലാ സമയങ്ങളും, ഫലമില്ലാത്ത ചില പ്രവര്‍ത്തികളില്‍ അല്ല നിങ്ങള്‍ ഏര്‍പ്പെട്ടിരിക്കുന്നത് എന്നറിയുക. നിങ്ങള്‍ ഉപവസിച്ചു പ്രാര്‍ത്ഥിക്കുന്ന ഓരോ സമയവും, നിങ്ങള്‍ക്ക്‌ വേണ്ടി വരുവാന്‍ ദൂതന്മാര്‍ തയ്യാറായി നില്‍ക്കുകയാണ്. ആത്മാര്‍ത്ഥമായ ഉപവാസവും പ്രാര്‍ത്ഥനയും നിങ്ങളുടെ സ്വപ്നങ്ങളും ദര്‍ശനങ്ങളും പൂര്‍ത്തിയാക്കുവാന്‍ ദൂതന്മാരെ അയക്കുവാന്‍ ഇടയായിതീരും. 

അപ്പൊ.പ്രവൃ 27ല്‍, 276 യാത്രക്കാരുമായി പോകുന്ന ഒരു കപ്പലില്‍ അപ്പോസ്തലനായ പൌലോസും യാത്ര ചെയ്യുകയായിരുന്നു. കപ്പല്‍ ഈശാനമൂലന്‍ എന്ന കൊടുങ്കാറ്റിന്‍റെ നടുവില്‍ അകപ്പെട്ടു. കപ്പല്‍ ഒരു ഇല പോലെ കാറ്റില്‍ വലിച്ചെറിയപ്പെടുകയും പല കഷണങ്ങളായി പിളര്‍ന്നു പോകുന്ന ഭയാനകമായ സാഹചര്യം ഉണ്ടായി. ദിവസങ്ങളോളം ചന്ദ്രന്‍റെയൊ നക്ഷത്രങ്ങളുടെയോ വെളിച്ചം ഉണ്ടായിരുന്നില്ല, അപകടകരമായ പാറകളും ചുഴിമണലും നിമിത്തം, പൌലോസും അവന്‍റെ സഹയാത്രക്കാരും അവരുടെ ദുര്‍വ്വിധിയില്‍ എത്തും എന്ന് തോന്നിപോയി.

പൌലോസ് ദൈവത്തിന്‍റെ ഇടപെടലിനു വേണ്ടി ദിവസങ്ങള്‍ നീണ്ട ഉപവാസത്തിലും പ്രാര്‍ത്ഥനയിലും ആയിരുന്നു. പൌലോസിനുവേണ്ടി ദൈവം ഒരു ദൂതനെ അയച്ചുകൊടുത്തു. കൊടുങ്കാറ്റില്‍ നിന്നും കേടുകൂടാതെ വിടുവിക്കപ്പെടും എന്ന പ്രാവചനീക സന്ദേശം ദൂതന്‍ അവര്‍ക്ക് നല്‍കി. 

നിങ്ങള്‍ എപ്പോഴൊക്കെ ഉപവസിക്കുകയും പ്രാര്‍ത്ഥിക്കുകയും ചെയ്യുമോ, അപ്പോഴെല്ലാം നിങ്ങള്‍ക്ക്‌ വേണ്ടി ദൈവത്തിന്‍റെ ദൂതന്മാരെ അയയ്ക്കുവാന്‍ ഇടയാകും. അനേക സമയങ്ങളില്‍, ആളുകള്‍ എനിക്ക് ഇങ്ങനെ എഴുതാറുണ്ട്, "ഞാന്‍ ഉപവസിച്ചു, ഒന്നും യഥാര്‍ത്ഥത്തില്‍ സംഭവിച്ചില്ല". അതാണ്‌ നിങ്ങള്‍ ചിന്തിക്കുന്നത്. നിങ്ങളുടെ അത്ഭുതങ്ങള്‍ ഭൌതീക മണ്ഡലത്തില്‍ വെളിപ്പെടുന്നത് തടയുന്ന സാത്താന്യ തന്ത്രങ്ങളെ മാറ്റുവാന്‍ വേണ്ടി, ആത്മീക മണ്ഡലത്തില്‍ ദൂതന്മാര്‍ അയയ്ക്കപ്പെടുകയും പ്രവര്‍ത്തിക്കുകയും ചെയ്തുകൊണ്ടിരിക്കുകയാണ്.

ഉപവസിക്കുകയും പ്രാര്‍ത്ഥിക്കുകയും ചെയ്യുന്നത് തുടരുക. ദൈവം നിങ്ങളുടെ ജീവിതത്തില്‍ പ്രവര്‍ത്തിക്കുന്നു എന്ന് നിങ്ങളുടെ ശത്രുക്കള്‍ പോലും അംഗീകരിക്കുന്ന മുന്നേറ്റങ്ങള്‍ നിങ്ങള്‍ കാണുവാന്‍ പോകയാണ്.

ഞാന്‍ ദൈവത്തെ ഭയപ്പെട്ട് അവന്‍റെ ഇഷ്ടം ചെയ്യുന്നു; ആകയാല്‍ കര്‍ത്താവിന്‍റെ ദൂതന്മാര്‍ എനിക്ക് ചുറ്റും എപ്പോഴും പാളയമിറങ്ങിയിരിക്കുന്നു. (ഇത് എല്ലായിപ്പോഴും പറയുന്നത് തുടരുക).