दिवस ०४: ४० दिवसांचा उपास आणि प्रार्थना

चांगल्या गोष्टींची पुनर्स्थापना

“ईयोबाने आपल्या मित्रांसाठी प्रार्थना केली तेव्हा परमेश्वराने ईयोबाच्या दु:खाचा परिहार केला; पूर्वी ईयोबाची मालमत्ता होती तिच्या दुप्पट परमेश्वराने त्याला दिली.” (ईयोब ४२:१०)


पुनर्स्थापना, जगाच्या सामान्य भाषेत, काहीतरी उलट करण्याच्या प्रक्रियेस संबोधते जे जुने झाले आहे, झिजले आहे, जीर्ण झाले आहे किंवा जसे पूर्वी होते तसे मोडके झाले आहे. तथापि, पुनर्स्थापना, देवाच्या वचनानुसार, हे जगिक पुनर्स्थापनेपासून भिन्न आहे. बायबलनुसार, “पुनर्स्थापना” हा शब्द काहीतरी त्याच्या पूर्वीच्या अवस्थेत पुनर्स्थापित करण्याच्या प्रक्रियेला संबोधते परंतु त्यामध्ये अशा प्रकारे सुधारणा करते की ते पूर्वीपेक्षा अधिक उत्तम असे दिसते.


ईयोबाच्या कथेपेक्षा दुसरे काहीही इतके स्पष्ट नाही. ईयोब ४२:१२ म्हणते, “ परमेश्वराने ईयोबाचे उत्तरवय पूर्ववयाहून अधिक सुखसंपन्न केले.”


जे काही शत्रूने चोरले आहे,- मग ते तुमचे आरोग्य, तुमची आर्थिक सुरक्षितता, तुमच्या मनाची शांती किंवा इतर काहीही जे तुम्हाला अति प्रिय होते असे काहीही असो-देव त्याला पुनर्स्थापित करण्याचे वचन देतो. शत्रू काय म्हणतो त्याची पर्वा नाही, प्रभू येशूकडे अंतिम बोलणे असेल कारण पुनर्स्थापित केले जावे हीच तुमच्यासाठी देवाची इच्छा आहे.


आध्यात्मिक तत्वांनुसार जे देवाने मांडले आहे, जेव्हा चोर पकडला जातो, तेव्हा त्याने आपल्याकडून जे घेतले आहे ते त्याला सात पट देण्याची आवश्यकता असते (नीतीसूत्रे ६:३१ वाचा). चोर या हेतूने येतो की चोरावे, हिरावून घ्यावे आणि नष्ट करावे परंतु देव त्या मुद्द्यापर्यंत पूर्ण पुनर्स्थापना करतो जेथे आपली जीवने काठोकाठ भरली जातात. ते पूर्वी होते त्यापेक्षा सर्वकाही उत्तम असे करतो.

सैतान विश्वासणाऱ्याकडून हिरावून घेऊ शकतो का?

होय. सैतान परवानगीने कार्य करतो. प्रवेशावाचून तो विश्वासणाऱ्याकडून हिरावून घेऊ शकत नाही (इफिस. ४:२७). सैतान विश्वासणाऱ्याकडून हिरावून घेऊ शकतो याचे येथे काही प्रकार आहेत.


१. दैवी उपदेशाची अवज्ञा करणे

अवज्ञा आपल्या आध्यात्मिक शस्त्रामध्ये पोकळी निर्माण करते, ते आपल्याला सैतानाच्या योजनांसाठी दुर्बळ करते. हे तुमचा दरवाजा खोलून ठेवणे, अनिच्छुक पाहुण्यांना आमंत्रित करण्यासारखे आहे. देवाची आज्ञा पाळणे, दुसऱ्या बाजूने, हे ढालीप्रमाणे आहे, जे सुरक्षितता प्रदान करते आणि आपल्याला त्याचे मार्गदर्शन आणि आशीर्वादात ठेवते.

सैतानाने आदामाला देवाची आज्ञा मोडण्यास प्रवृत्त करण्याद्वारे पृथ्वीवरील त्याचा अधिकार हिरावून घेतला. १ शमुवेल १५:२२ आपल्याला सांगते, “परमेश्वराचा शब्द पाळल्याने जसा त्याला संतोष होतो तसा होमांनी व यज्ञांनी होतो काय?” हे वचन कोणत्याही प्रकारच्या विधीपूर्वक भक्तीपेक्षा देवाच्या वचनाचे पालन करण्यावर जोर देते.


२. चुकीचे विचार

आपले विचार हे आपल्या कृतींची रूपरेखा आहेत. जेव्हा ते देवाच्या सत्याशी समरूप नाहीत, तेव्हा ते आपल्याला विनाशाच्या मार्गाकडे नेऊ शकतात. सैतान हा नेहमी शंका, भीती आणि नकारात्मकतेचे बीज पेरतो, आणि जर त्यांना तपासले नाहीत तर ते हानिकारक कृतीमध्ये वाढू शकतात.

तुम्ही त्या कल्पना, विचार आणि ज्ञानाला काढून टाकले पाहिजे जे देवाच्या वचनाच्या विरोधात आहेत (२ करिंथ. १०:५). जेव्हा लोक चुकीच्या गोष्टींबद्दल विचार करतात, तेव्हा ते त्यांची कबुली आणि कृत्यांवर प्रभाव करते.

फिलिप्पै. ४:८ आपल्याला उपदेश देते की आपले विचार कसे आणि कशावर केंद्रित केले पाहिजे. “बंधुंनो, शेवटी इतके सांगतो की, जे काही सत्य, जे काही आदरणीय, जे काही न्याय्य, जे काही शुद्ध, जे काही प्रशंसनीय, जे काही श्रवणीय, जो काही सद्गुण, जी काही स्तुती, त्यांचे मनन करा.”


३. चुकीची कबुली

आपल्या वास्तविकतेला आकार देण्याची शब्दांमध्ये शक्ती आहे. नकारात्मक कबुली नकारात्मक परिणामास आकर्षित करू शकतात, ज्याप्रमाणे सकारात्मक घोषणा सकारात्मक परिणामांकडे नेऊ शकतात. सैतान आपल्याविरुद्ध कार्य करण्यासाठी आपल्या स्वतःच्याच शब्दांचा वापर करतो, आपली भीती आणि शंकेला वास्तविकतेमध्ये बदलतो.

देवाला शाप देण्यासाठी सैतानाने ईयोबाला चुकीच्या गोष्टी बोलाव्या म्हणून प्रयत्न केले, पण ईयोबाने नकार दिला. “तर तू आपल्या तोंडच्या वचनांना गुंतला आहेस; तू आपल्या तोंडच्या शब्दांनी बद्ध झाला आहेस.” (नीतीसूत्रे ६:२)

याकोब ३:१० आपल्याला शब्दांची शक्ती आणि त्यांना शहाणपणाने उपयोगात आणण्याच्या आवश्यकतेविषयी स्मरण देते. “एकाच तोंडातून स्तुती व शाप निघतात, माझ्या बंधुंनो, ह्या गोष्टी अशा प्रकारे होता कामा नये.”


४. चुकीची संगती

जेव्हा देवाला तुम्हांला आशीर्वाद द्यावयाचा असतो, तेव्हा तो एक पुरुष किंवा एका स्त्रीला पाठवतो. जेव्हा सैतानाला तुमचा नाश करायचा असतो तेव्हा तो एक पुरुष किंवा एका स्त्रीला पाठवतो. असे म्हणण्याचा माझा अर्थ काय आहे की तुम्ही ज्यांना मित्र बनवता आणि ज्यांच्या संगतीत तुम्ही राहता त्याबद्दल सावधगिरी बाळगा. चुकीच्या संगतीमुळे पुष्कळ जनांनी चांगल्या गोष्टी गमावल्या आहेत.

फसविले जाणे किंवा चुकीने मार्गदर्शन होऊ देऊ नका. वाईट संगती (संगती, संबंध) चांगले शिष्टाचार आणि नैतिक आणि चारित्र्य भ्रष्ट करते. (१ करिंथ. १५:३३)

अडथळे, नुकसान, त्रास, चुका, हानी ज्यांचा तुम्ही अनुभव केला आहे तसे असतानाही पुनर्स्थापना शक्य आहे. सैतान पुष्कळ गोष्टी काढून घेऊ शकतो पण सर्वकाही पुनर्स्थापित करावे हे देवाचे वचन आहे, आणि सर्वकाही पुनर्स्थापित करण्यास तो सक्षम आहे.